تلخيصا سؤال فى الكاوتشات والانجن بريك

صباح الفل على احلى صحبة
سؤالين عالسريع

فى الانجن بريك بحب استخدمه اوى لما اكون على طريق مفتوح جوا البلد وماشية على اول الرابع وبعدين الاقى الشارع وقف او اى حاجة حصلت فالمهم يعنى لما بكون على اول الرابع واعمل الانجن بريك بلاحظ وانا نازلة عالثالث ان العربية بتفرمل شوية اه بس مجرد 30 ثانية بالظبط وتدى سرعة النقلة بزيادة شوية وتجرى العربية تانى

تانى حاجة هل يمكن استخدام الانجن بريك فى حالة لا قدر الله ان سير الفرامل اتقطع وفقدت السيطرة على العربية ؟؟

تالت حاجة عاوزة اشترى كاوتش جديد وانا ولا جوزى بنفهم فيهم ، ازاى نعرف الكاوتش الكويس من الوحش ؟؟؟

رابع حاجة ودى الاخيرة

ثانكوسات نايل موتورز :C_laugh[1]:

أولاً انتي مش موضحة اللي بيحصل بالظبط... يعني العربية بتسحب لوحدها بعد فترة؟!!!
تاني حاجة في حالة لا قدّر الله ان الفرامل هربت مافيش حل غير تسقيط نقلات و هي فرملة الموتور بس طبعاً بحذر عشان الجيربوكس مايتكسرش و الموتور ما يحصلّوش مشاكل يعني انتي مثلاً ماشية على الرابع و الrpm على 3500 ممكن تسقطي تالت وانتي بتسقطي تالت قبل ما تشيلي رجلك من على الدبرياچ لازم تدوسي بنزين توصّلي الrpm ل 5000 ولا حاجة و تشيلي دبرياچ مع بنزين في نفس الوقت ( دي حاجة اسمها rev match عشان ما تضريش الفتيس أو الدبرياچ ) أول ما تنزلي على التالت ما ينفعش تجيبي تاني على طول عشان ببساطة حايكون الrpm على 5000 ولا حاجة و ساعتها لو جبتي تاني احتمال ان العربية تبقى (باي باي مع السلامة) 70% عشان كده حتبقي دخلتي في الred zone أو حاجة اسمها over-revving و هكذا على باقي النقلات

بالنسبة لموضوع الكاوتش
http://www.nilemotors.net/Nile/295784-a.html

و احسن الماركات اللي معروفة في السوق هي Bridgestone, Goodyear, Pirelli, Continental

بالنسبة للانجين بريك.. ماعتقدش ان مفروض يستخدم عشان الواحد "بيحب يستخدمه" لأن اكيد فيه خطر على الموتور لو ماتعملش صح.. هو فايدته لو حصل موقف خطر لا قدر الله ومكانش فيه فرامل ساعتها يبقى استخدامه اساسي.. انما مش في العادي يعني..

بالنسبة للكاوتش انا بردو كنت بدور, و ان شاء الله رسيت على بريدجستون.. هوا احسن نوع في السوق حالياً و فيه منه كذا ماركة و بتختلف الأسعار على حسب النوع بردو..

اقتباس:

---

المشاركة الأصلية كتبت بواسطة magic girl

بالنسبة للانجين بريك.. ماعتقدش ان مفروض يستخدم عشان الواحد "بيحب يستخدمه" لأن اكيد فيه خطر على الموتور لو ماتعملش صح.. هو فايدته لو حصل موقف خطر لا قدر الله ومكانش فيه فرامل ساعتها يبقى استخدامه اساسي.. انما مش في العادي يعني..

بالنسبة للكاوتش انا بردو كنت بدور, و ان شاء الله رسيت على بريدجستون.. هوا احسن نوع في السوق حالياً و فيه منه كذا ماركة و بتختلف الأسعار على حسب النوع بردو..

---

معلش تصحيح engine braking لو اتعملت صح مش مضِرّة نهائي بالعكس دي بتبقى ممتعة جداً في السواقة و موفرة في البنزين عشان معظم العربيات اثناء الengine braking بيبقى استهلاكها للبنزين zero... و تعرفي بيتعمل صح ولا لأ ان العربية ما تنتش منِّك اثناء فرملة الموتور (تسقيط النقلة) يعني تبقى smooth تماماً

اعتقد في موضوع فرملة المحرك مفيش كلام يتقال اوفي واحسن من كلام المهندس مصطفي (ربنا يرجعه بالسلامة) http://www.nilemotors.net/Nile/20573...post3873336969

ثانيا بالنسبة لموضوع العجل - الياباني لا يعلي عليه
والتأكد من تاريخ الأنتاج والنقشة المناسبة لنوعية الأستخدام (سرعات - مطر - الخ الخ)

كلام جميل وزى الفل يا رجالة بس بالنسبة للانجن بريك انا مفهمتوش اوى من شرح السلسلة التعليمية لانى يعتبر هاوية وليس محترفة عشان افهم بعض التعبيرات المستخدمة فيه
بس هلخص اللى فهمته وقولولى لو فى اخطاء
اللى عرفته وفهمته ان عشان اعمل انجن بريك مثلا وانا على اقصى الرابع مثلا يبقى هرفع رجلى فجأة من البنزين والدبرياج وبعدين العربية هتبدأ تهدى سرعتها اقوم مسقطش نقلة الا لما سرعة العربية تبقى مساوية للنقلة اللى هسقطها يعنى فى الحالة دى منزلش للثالث الا لما احس بسرعة العربية قلت ووصلت للتالت وهكذا لحد ما اوصل للاول

هل دا كلام سليم ؟؟
وسؤال ازاى اعرف انى وصلت لل redline ؟؟
ولو وصلت بالانجن بريك للأول هل مجرد ما هسقط نقلة واجيب الاول وارفع رجلى فجأة من عالبنزين والدبرياج العربية هتقف فجأة ؟؟ وهل الوقوف فجأة دا غلط ولا لا ؟؟

وبالنسبة للاستاذ اللى مش فاهم حالة عربيتى اوى هو لما اجى ازود النقلة زى ما وضحت العربية سرعتها بتقل فجأة وبسرعة ترجع سرعتها لسرعة النقلة الجديدة فزى ما يكون بتنطر لقدام كدا

أيوة تمام كدة بس اوعي تجيبي أول مرة واحدة و بلاش تستخدمي الأول في الانچين بريك اصلاً تسقيط نقلات تدريجياً و تعرفي اذا كانت حاتخش في الredline لما تسقطي نقلة أو لأ ان عينيك تبقى على الrpm و انتي بتسقطي... لو rpm>4000 ما تسقطيش نقلة يعني ابدأي سقطي و الrpm على 4000 أو أقل في الحالات الطارئة و 3000 أو 3500 في العادي عشان متهلكيش المكنة... و بكرر موضوع أول ده اوعي تعمليييييييييه و كده كده حتى لو حالة خطر عمرها ما حتقف فجأة ببساطة الفتيس حايتكسر و حاتكمّل سرعتها مش حاتقف الا لو معجزة من ربنا و الفتيس ما اتكسرش...
بالنسبة للموضوع اللي بتقولي عليه اظن ان قصدك انك لما تزودي نقلة و تشيلي رجلك من الدبرياچ العربية بتفرمل خفيف لحد ما تدوسي بنزين صح كده؟

طب لو انا ماشي رابع وسرعة الطريق نزلت وهديت واصبحت على سرعة التالت وروحت مديها تالت ده انجين بريك بردو ولا ده عاادي !

تجيب تالت و تشيل دبرياچ ( ده engine brake)
بس ما تسقطش من رابع لتالت و انت ماشي 40 مثلاً و تقول لي ده engine braking!