الموضوع: مشكلة هاتجنني في الـ KIA Pride Hatchbackارجو المساعده

السلام عليكم و رحمة الله....
انا عندي مشكلة هاتجنني في الـ KIA Pride Hatchback وهي في بلي العجل الامامي. العربية بتاكل بلي العجل بطريقة مش طبيعية لدرجة اني في اسبوع واحد غيرتاها مرتيين و في مرتيين تانيين البلي فرك و العربية لفت و كنا هانروووح. انا غيرت في الجنبيين كل حاجة ( 2 شمعدان جديد - 2 صرة جديد) من التوكيل - الجندي اللي في شارع دمشق - كل الناس قالتلي الراجل ده وكيل معتمد وهو فعلا مشهور جدا هناك بس برضه باظت تاني واخر مره جبت جنب يمين كامل استيراد مشيت شوية حوال شهرين و برضة باظت تاني. الراجل بتاع العفشة بتاعي قالي ده عيب في العربية دي وهي علي طول كده بتاكل بلي والحل ان احنا نعمل تعديل في الشمعدان و الصرة و نركب بلي كبس.

بس انا مش مصدق الكلام ده وقلت اشارك معايا اهل الخبرة لو في حاجة ممكن تسبب المشكلة دي محتاج اظبطها الاول او دي فعلا مشكلة و ليها حل عندكو اكون مشكووووووووووور

معلومة: العربية بتاعتي موديل 1996 وجربت اكتر من نوع بلي بس مفيش فايد.

العربية دي البلي بتاعها لازم يركب علي مكبس من غير خبط او دق حاول تجيب بلي ياباني و خلي الميكانيكي يركبه عند خراط علي مكبس. و متغيرش ولا تعدل اي حاجة في العفشة