الموضوع: ايه الفرق بين اللوجان الكاملة و الهاف في المانيوال

الفروقات بين الهاف والكاملة
الهاف 2 زجاج كهرباء
الكاملة 4
الهاف مرايات عادة مش كهرباء ولونها اسود
الكاملة مرايات كهرباء ولونها بنفس لون السيارة
الهاف كراسيها مش بتعلى وتوطى الكاملة بتعلى وتوطى
طارة الدريكسون متحركة فى الكاملة وثابتة فى الهاف
كمبيوتر رحلات بيحدد نسب الاستهلاك ومتوسط السرعة والمسافة المقطوعة وعدد الليترات المتبقية من البنزين وده مش موجود فى الهاف
نوعية الفرش فاخر فى الكاملة ومتوسط فى الهاف
الكاسيت فى mp3 + بلوتوث + usb فى الكاملة بينما الهاف كاسيت اوديو فقط
الهاف سماعتين قدام فقط الكاملة سماعات قدام ووراء
الكاملة سعر اعادة بيعها افضل لان اى حد بيشترى مستعمل بيدور على الكاملة
الكاملة فيها شريط نيكل شكله حلو على الشنطة من ورا بينما الهاف لأ
الكاملة فيها سخان للزجاج الخلفى بيشيل البخار من على الزجاج وبينشفه هو والمرايا الجانبية بينما الهاف لأ
الكاملة مقابضها نفس لون السيارة بينما الهاف مقابضها سوداء
الكامله فيها اير باج للسائق
الفوج لايت

شكرا على الرد الوافي ربنا يكرمك

تعليقا على الفرق 4 الاف جنيه هل يستاهل ولا لا

انا مثلا يدوبك كان معايا ثمن الهاف لكن بعد التجارب قلت احسن انى جبت هالف ليه ؟

المرايه الكهرباء قريب من ضعف ثمن المرايه العاديه وموضوع بالنسبالى غير هام

النيكل الخلفى انا شايف من غيره افضل بالاضافه اى ترييحه على عربيه من الخلف يعرضه للكسر وهو غالى على الفاضى وضعيف

كمبيوتر الرحلات اعتقد ان الحسابات البدائيه مع التفويله اوقع من الحساب لحظة الاستهلاك لاننا فى النهايه يهمنا الاستهلاك الكلى وليس فى لحظته ده بالعكس ده ممكن يديلك قراءه تحسسك ان الدنيا بايظه واستهلاك كبير فى اللحظه دى سواء من تيار الهواء قوى او مطلع او غيره من عوامل زيادة الاستهلاك

الفوج لايتس ب 90 جنيه هما هما الميجان 2 وتركيبه فى المكان سهل

السماعات الخلفيه ركبت الافضل sony بسعر 300 جنيه فى نفس المكان مدورين

انزال و رفع الكرسى .....بالنسبالى لما جربت الفول اوبشن فى المعرض معتقدش ان حد ممكن ينزل الكرسى لانه ساعتها مش هيشوف حاجه والكرسى فى الهاف مثبت على اعلى مستوى اللى هو مناسب للقياده ونفس الكلام على مستوى الطاره اللى هو يعتبر افضل وضع ....

الزجاج الكهربائى الخلفى هو طبعا مفيش كلام عليه بس بوظه فى الفل اوبشن قصة الزارير تحت ولمها التراب واعطالها الكثيره
لمبة التابلوه مهمه طبعا وسالت عليها يمكن تركيبها ب100 جنيه

بالنسبه للكاسيت وقت شرائى فى 2010 كان الاثنين واحد كاسيت اوديو cd وكان الاmp3 انت وحظك لكن حاليا معرفشى هل الهالف ام بى ثرى زى الفل ولا لا

الاير باج اعتقد انه فعلا مهم ولو انه شكوى كثيره هنا انه ميفتحشى مع حوادث قويه مش عارف يبقى لزمته ايه

النواكل فى التابلوه فعلا احلى

الفرش كده كده من اول يوم كسوه جلد فخمه فا محستشى بفرق الخامات

طبعا ده راى الخاص ممكن يخالفنى فيه ناس كثير