الموضوع: اية اخبار Lancer 2000

حضرتك تقصد المكوة :)

بدأت أواخر 2000 و استمرت الى بدايات 2003

2002 و 2003 هما أفضل الموديلات

العربية نزل منها 1300 فقط طبعا في منها كاملة أوتوماتيك

و في منها كاملة اوتوماتيك فتحة سقف و جنوط (بس نااااااااادرة)

العربية كاربيراتير بتاخد بنزين 90 و انت طالع

اثبت من البوما على السرعات و في المنحنيات بشكل ملحوظ

قطع الغيار مناسبة بس الجديد ممكن تلاقيه غالي سنة لأن مش هاتلاقي الأساسيات تايواني

يعني أنا لسة مغير تلات كراسي موتور ياباني بـ 770 جنيه :)

انا عارف انهم في المجمل رخاص ..لكن لو قارنتهم بحاجات تانية هاتلاقيهم غاليين سنه

قطع الغيار متوفرة جدا جدا

طبعا العفشة و الموتور بسيط و كل الناس بتفهم فيها

العربية مميزة و شيك لأنها كلاسيك اكتر من البوما

بس هات عربية مش متهانة صالون و جسم

لأنك ما دام هاتغير مكنة يبقى هاتغير عفشة يبقى الكيلو متر مش مشكلتك

عيب العربية فعلا هو الموتور الــ1300

و لو اي استفسار تحت أمرك

هي صعب تلاقيها موديل ٢٠٠٠ علشان دة مازال شكل الكريستاله وسهل جداً تلاقيها ٢٠٠٢ و-٢٠٠٣

في الشكل دة ماينفعش الموتور ال-MIVEC ال-١٦٠٠ علشان دة يركب في الموديل إلي قبلها إلي هو الكريستاله _ أنا بكرة التسميات دي بس بقولها مغصوب :) _

دة لو عاوز تعمل حاجة مظبوطة مش قص ولزق

دي لها الموتور ال-MIVEC ال-٢٤٠٠ cc
أو ٢٠٠٠ GDI ودة المنتشر في مصر
أو ١٨٠٠ cc ٦ سليندر
أو EVO 7 أو 8 أو 9


بس إنت عاوز تجيب عربية لمراتك وتعدلها وتركب لها مواتير ؟!


Thanks
Eng.Sherif Shaker

المشاركة الأصلية كتبت بواسطة Ahmed Samy

حضرتك تقصد المكوة :)

يا باشا شكرا على المعلومات السريعة و الكاملة.

اساميها كتير بصراحة و انا بتوة فيها فا معلمها بالسنين

بالنسبة للاسعار دية بالنسبالى مش غالية لانى بجيب حاجة عربيتى المانى اصلى.

المشاركة الأصلية كتبت بواسطة SAbuhashem

في الشكل دة ماينفعش الموتور ال-MIVEC ال-١٦٠٠ علشان دة يركب في الموديل إلي قبلها إلي هو الكريستاله _ أنا بكرة التسميات دي بس بقولها مغصوب :) _

دة لو عاوز تعمل حاجة مظبوطة مش قص ولزق

دي لها الموتور ال-MIVEC ال-٢٤٠٠ cc
أو ٢٠٠٠ GDI ودة المنتشر في مصر
أو ١٨٠٠ cc ٦ سليندر
أو EVO 7 أو 8 أو 9


بس إنت عاوز تجيب عربية لمراتك وتعدلها وتركب لها مواتير ؟!


Thanks
Eng.Sherif Shaker

انا مش عايز اقص و الزق, انا بحب اعمل الحاجة صح.

انا مش عاجبنى ال1300 بتاعها خالص و ناوى لما اجيبها اغير الموتور و العفشة كاملة عشان تقف و عشان الhandling فا طبعا عايز حاجة كويسة لانى بطلع سيناء و مرسى مطروح بليل كتير و بجرى و ببقى معايا ناس فا عايز مكنة تشيل الكلام دة كلة.

عايز حاجة 1600 او 1800 output عالى.

بس مش عايز 1800 6 سلندر, و في نفس الوقت مش عايز اطلع عن ال2000 عشان ضريبة و بنزين.

لمراتى عشان انا بحب الPolo بتاعتى اوى بصراحة و مش عايز ابيعها و فى نفس الوقت هى عايزة عربية فا منها كدة و منها كدة

انا معايا 2001 و هى عربية محترمة اوى و ثباتها ملاحظ ان اعلى من البومة و ان كان يعيبها موتورها 1300 بيخلى العربية تقيلة اوى و مش جراية و معدل البنزين بردة يعتبر عالى بتعمل 180 كم فى الصفيحة جوة البلد مع التكييف.ولكن شكلها اشيك بكتير من البومة و بالذات الوش من قدام تحس ان العربية وحش هياكل الطريق بس للاسف موتورها بيخايها تتاكل.يا ريت لو تعرف سعر موتور 1600 او 2000 انجكشن اسيراد تقولى يعمل فى حدود كام.

المشاركة الأصلية كتبت بواسطة mohamedway

ده لسبب بسيط قوى هو ان البومه هى المكواه بالضبط بس عدلوا الاكصدام والفوانيس قدام و غيروا الشنطه و الفوانيس ورا انما بقيه البودى و السقف و الابواب و القوايم و الشاسيه كله عموما هو هو بالضبط و العفشه هى هى فيبقى ازاى المكواه اثبت؟!!! ده حتى التابلوه و الصالون استامبه واحد....

معلش يا باشا, عايز استوضح حاجة. يعنى معنى اللى انت بتقولة دة ان نفس المواتير تنزل عادى خالص من غير اى مشاكل على نفس القواعد و نفس الضفيرة ؟؟