الموضوع: صور عربيتك واكسب عيديتك(موبايل نوكيا اشا)-احدث مسابقات المنتدي

السادة اعضاء المنتدي وزواره الكرام
السلام عليكم رحمه الله
طبعا متعودين مع نايل موتورز على مفاجائات كتير
مفاجئة النهاردة مسابقة بسيطة وهدية قيمة بمناسبة عيد الاضحي المبارك كل عام وانت بخير
صور عربيتك واكسب عيديتك
وعدية نايل موتورز
موبايل نوكيا اشا 200 بخطين عشان تدخل نايل موتورز وفيس بوك وتعمل اللي انت عايزة وبخطين


المسابقة بسيطة جدا
تصور عربية حضرتك بتاريخ مايكونش فات عليه 3 شهور
ترفع الصورة زي ما هي على موقع نايل موتورز لرفع الصور
مركز تحميل نايل موتورز
عشان يتحط عليها لوجو المنتدي
وتجيب لايك من اصحابك الاعضاء
لايك للمشاركة هنا اللي اسمها معجب وموجودة تحت كل مشاركة
العربية اللي هاتخد اكتر لايكات تدخل التصفيات النهائية
يعني المسابقة تبدء حالا
بتاريخ 10-10-2012
لمدة اسبوع على التصفية الاولي بتاريخ 17-10-2012 اللي هاتخد اكبر 5 حاصلين على لايكات وتستبعد الباقي
وال 5 ينافسو على الموبايل بلايكات برضه لغاية يوم22 اكتوبر موعد اعلان الفائز النهائي لتسليمة الموبايل قبل العيد
شروط المسابقة :
1-الصورة توضع كما هي بدون اي تعديلات او تاثيرات او اضافات لان هاتستلم الجائزة بعد ارسال اصل الصورة بالميل للتاكد من انك مصورها بتاريخ حديث وبدون اي تعديلات باي برامج لا ريسيز ولا الوان ولا تاثيرات
2-اي شخص يقدر يشترك ولو لسه مشترك النهاردة وتقدر تدعو اصحابك واخواتك يجيبولك لايكات
3-لا يشترط نوع العربية ولا موديل ولو موديل 1940 برضه هاتدخل المسابقة العبرة مش بشكل العربية العبرة هاتقدر تجيب لايكات قد ايه
4-لو معندكش عربية تقدر تشترك بسيارة مش بتاعتك شرط صورة حديثة وهاتبعتلنا صورة من الرخصة وانت بتستلم الجائزة
5-جميع اعضاء ادارة نايل موتورز ومشرفينه ومنسقينه وكل من ينتسب للادارة خارج المسابقة لضمان الحيادية التامة
لكن لو عمل عضوية جديدة باسم جديد ماقدرش امنعه من الاشتراك لانه مش هايستغل اسمه

المشرف على المسابقة انا والاستاذ محمد شنوري فقط وحتى لو صور عربيته ممنوعين انا وهو من الفوز نهائيا بالمسابقة
تمنياتي للجميع بالفوز وسيتم فصل المشاركات الخارجة عن هدف الموضوع تباعا في موضوع تحت اسم
مشاركات الاعضاء حول مسابقة صور عربيتك واكسب عيديتك

تحياتي الخالصة
كريم منير
رئيس مجلس الادارة