هل يمكن سحب مبلغ حجز القاشقاي أو الجوك؟

**حاتم** · 11-10-2012 12:52 AM

السلام عليكم ورحمة الله وبركاته،

سؤال: بعد سداد مبلغ الـ 50ألف جنيه لحجز القاشقاي أو الجوك من السبع أو أوتوإيجيبت، هل يمكن بعد ذلك سحب مبلغ الحجز؟ وما هي الإجراءات؟ وهل هناك غرامات؟

تحياتي.

**assaf** · 11-10-2012 01:02 AM

اتصل علي اوتو اجيبت علي رقم 16666 وأتأكد

**Khaled Lanos** · 11-10-2012 05:19 AM

المشاركة الأصلية كتبت بواسطة assaf

اتصل علي اوتو اجيبت علي رقم 16666 وأتأكد

+11111111111

اتصل وأتأكد منهم بنفسك أحسن.

**SonaSteel** · 11-10-2012 01:40 PM

المفروض مفيش غرامات وتسحب فلوسك عادي طبعا
يعني انت قدرا مش معاك تكمل تمن العربية هايخدوها مثلا؟؟
تديهم الوصل وتاخد فلوسك ......... يمكن مصلحة ليهم كمان علشان يسلموا حد بدري

**welo77** · 11-10-2012 02:36 PM

المشاركة الأصلية كتبت بواسطة land_cruiser

هو فى حل تانى لو لا قدر الله حصل حاجه فى موضوع ارجاع الايصال ممكن تعمل إعلان كمان فى مواقع السيارات و تبيع الإيصال لحد عايز يحجز و خاصه لو كانت قشقاى و خصوصا أنها هتبقى لقطه كده لانها هتبقى بتمنها الاصلى اللى محدش بيبيع بيه و كمان فى وقت عدى من تاريخ الحجز . ده فى ناس شغاله فى القصه دى بساللى هما بتوع الأوفر برايس الله يهديهم و بيكسبوا منها كمان.

سؤال بعد اذن حضرتك بفرض انه باع الوصل الى هيشترى هيرخص ازاى لو الموزع رفض يعمل السيارة باسم المشترى الجديد وصمم انه يعملها باسم المشترى الاصلى

**hossam_elwani** · 11-10-2012 03:38 PM

المشاركة الأصلية كتبت بواسطة welo77

سؤال بعد اذن حضرتك بفرض انه باع الوصل الى هيشترى هيرخص ازاى لو الموزع رفض يعمل السيارة باسم المشترى الجديد وصمم انه يعملها باسم المشترى الاصلى

على فكره فيه موزعين بتقبل ده وفيه لا وده عن تجربه

**Land_Cruiser** · 11-10-2012 05:13 PM

المشاركة الأصلية كتبت بواسطة welo77

سؤال بعد اذن حضرتك بفرض انه باع الوصل الى هيشترى هيرخص ازاى لو الموزع رفض يعمل السيارة باسم المشترى الجديد وصمم انه يعملها باسم المشترى الاصلى

لو المشترى الجديد معاه الايصال بتاع الحجز و هو اللى هيدفع باقى تمن العربيه يبقى ازاى الموزع هيعملها بإسم اللى كان حاجز الأول؟ و بعدين ايه الحكمه فى انه يصر يعمل السياره بإسم اللى حجز إذا كان مفيش اى ورق رسمى اتعمل لسه؟ انا حصل معايا الموضوع ده مره من كام سنه و كان الموضوع عادى خالص و اشتريت الإيصال من واحد و الورق طلع باسمى عادى جدا و عامه كنوع من الأمان للمشترى ممكن يسأل الموزع اللى حجز من عنده و لو انه فى الاغلب هيصعب الموضوع علشان ياخد هو الايصال يتصرف فيه بمعرفته

**welo77** · 11-10-2012 05:23 PM

المشاركة الأصلية كتبت بواسطة land_cruiser

لو المشترى الجديد معاه الايصال بتاع الحجز و هو اللى هيدفع باقى تمن العربيه يبقى ازاى الموزع هيعملها بإسم اللى كان حاجز الأول؟ و بعدين ايه الحكمه فى انه يصر يعمل السياره بإسم اللى حجز إذا كان مفيش اى ورق رسمى اتعمل لسه؟ انا حصل معايا الموضوع ده مره من كام سنه و كان الموضوع عادى خالص و اشتريت الإيصال من واحد و الورق طلع باسمى عادى جدا

هو حضرتك الموزع بيرفض غالبا انه يكتب السيارة باسم اى حد غير الى حجز السيارة وده لاكتر من سبب . اولهم ان فى موزعين بيعملو شرط جزائى لما بتحجز السيارة وتسيبها او ترجع الحجز فبيضغط على الشخص الى حجز علشان يدفعه الشرط الجزائى وحتى لو مفيش شرط جزائى هو مستفيد انه يبيع السيارة باوفر بريس . على فكرة الكلام ده عن تجربة مع اتنين موزعين لنيسان

**Land_Cruiser** · 11-10-2012 05:35 PM

المشاركة الأصلية كتبت بواسطة welo77

هو حضرتك الموزع بيرفض غالبا انه يكتب السيارة باسم اى حد غير الى حجز السيارة وده لاكتر من سبب . اولهم ان فى موزعين بيعملو شرط جزائى لما بتحجز السيارة وتسيبها او ترجع الحجز فبيضغط على الشخص الى حجز علشان يدفعه الشرط الجزائى وحتى لو مفيش شرط جزائى هو مستفيد انه يبيع السيارة باوفر بريس . على فكرة الكلام ده عن تجربة مع اتنين موزعين لنيسان

ما هو ده اللى انا قلته فى آخر المشاركه اللى فاتت و هو انه لو سألته هيقولك فى الاغلب ما ينفعش علشان ياخد الايصال هو يتصرف فيه بمعرفته و يبيعه باوفربرايس من تحت لتحت