الموضوع: لتنظيف التانك, الرشاشات والمحرك

ده شفته فين بيتباع يا ahmedfbi ؟ اعتقد اني شفته في موبيل شيراتون؟

الى الاخ صاحب الموضوع
اذكر مرة ان فى حد فى بنزينة شل كان عايز يبيع لى حاجة زى اللى انتا حطيتها على التفويلة و خلت سحب العربية صاروخى
و كان بيقول انه منظف
المشكلة بقى ان العبد لله متعلم لغة انجليزية منز نعومة اظفاره و بيفهم و الحمد لله
نظره واحد للزجاجة اللى عايز يبيعهالى و قلت له " لا شكرا"
مش عشان هوا عايز يبيع لى حاجة مش ولا بد ابدا لكن لانى اكتشفت انهم احيانا يبيعوا لك الزجاجة دى على انه منظف لكن فى الحقيقة هو octane booster و لمن لا يعلم ده مش حاجة وحشة لكن ده حاجة تانية خالص مش منظف
ده اضافة للبنزين عشان تزود الاوكتان بتاعه يعنى لو حطيت مثلا زجاجة من دول على صفيحة 95 الصفيحة دى حتتحول الى 98
و هو ده سر السحب الصاروخى مش عشان الرشاشات سلكت ولا التانك ولا الانجكشن ابدا
السر انك لما حطيته زودت الاوكتان بتاع البنزين بتاعك الموجود جوه التانك
فزودت قابلية الاحتراق بتاعته ( لو انتا كنت حاطط 92 اصلا فهو بعد الاضافة دى اصبح قدرته على الاحتراق اقرب الى ال 95 )
و ده السر ان لما التفويلة دى خلصت و حطيت بنزين تانى الموتور عاد الى سيرته الاولى
و حتاخد نفس النتيجة لو انتا فى العادة بتحط 92 و جربت تحط 95
و يا سلام لو حطيت 95 و بعدين حطيت كمان كام واحدة من الزجاجة اياها دى
العربية حتتحول الى حاجة كده اجمد من الصاروخ بشوية ( بس فى المقابل الحركة دى حتكلفك كتير كفلوس و اول التفويلة تقرب تخلص و تروح تحط بنزين 92 العربية حترجع زى ما كانت عادية تانى)

المشاركة الأصلية كتبت بواسطة mollaelolla

الى الاخ صاحب الموضوع
اذكر مرة ان فى حد فى بنزينة شل كان عايز يبيع لى حاجة زى اللى انتا حطيتها على التفويلة و خلت سحب العربية صاروخى
و كان بيقول انه منظف
المشكلة بقى ان العبد لله متعلم لغة انجليزية منز نعومة اظفاره و بيفهم و الحمد لله
نظره واحد للزجاجة اللى عايز يبيعهالى و قلت له " لا شكرا"
مش عشان هوا عايز يبيع لى حاجة مش ولا بد ابدا لكن لانى اكتشفت انهم احيانا يبيعوا لك الزجاجة دى على انه منظف لكن فى الحقيقة هو octane booster و لمن لا يعلم ده مش حاجة وحشة لكن ده حاجة تانية خالص مش منظف
ده اضافة للبنزين عشان تزود الاوكتان بتاعه يعنى لو حطيت مثلا زجاجة من دول على صفيحة 95 الصفيحة دى حتتحول الى 98
و هو ده سر السحب الصاروخى مش عشان الرشاشات سلكت ولا التانك ولا الانجكشن ابدا
السر انك لما حطيته زودت الاوكتان بتاع البنزين بتاعك الموجود جوه التانك
فزودت قابلية الاحتراق بتاعته ( لو انتا كنت حاطط 92 اصلا فهو بعد الاضافة دى اصبح قدرته على الاحتراق اقرب الى ال 95 )
و ده السر ان لما التفويلة دى خلصت و حطيت بنزين تانى الموتور عاد الى سيرته الاولى
و حتاخد نفس النتيجة لو انتا فى العادة بتحط 92 و جربت تحط 95
و يا سلام لو حطيت 95 و بعدين حطيت كمان كام واحدة من الزجاجة اياها دى
العربية حتتحول الى حاجة كده اجمد من الصاروخ بشوية ( بس فى المقابل الحركة دى حتكلفك كتير كفلوس و اول التفويلة تقرب تخلص و تروح تحط بنزين 92 العربية حترجع زى ما كانت عادية تانى)

فاعتقد ان اللى حطه الولد فى البنزينة لزميلنا الفاضل ما كانش منظف بل كان اوكتان و كبعا بيروح مفضى الزجاجة فى تانك البنزين و يرمى الزجاجة الفارغة ( ما هوا خلاص فضاها حيديها لزميلنا حيعمل بيها ايه؟؟ لكن لو كانت اتيحت لزميلنا الفرصة ربما لو كان قراء الكلام المكوب بتمعن على الزجاجة لوجد الااحتمال اللى حكيت عليه ده و انا اعتقد ان هوا ده اللى حصل

المشاركة الأصلية كتبت بواسطة mollaELolla

فاعتقد ان اللى حطه الولد فى البنزينة لزميلنا الفاضل ما كانش منظف بل كان اوكتان و كبعا بيروح مفضى الزجاجة فى تانك البنزين و يرمى الزجاجة الفارغة ( ما هوا خلاص فضاها حيديها لزميلنا حيعمل بيها ايه؟؟ لكن لو كانت اتيحت لزميلنا الفرصة ربما لو كان قراء الكلام المكوب بتمعن على الزجاجة لوجد الااحتمال اللى حكيت عليه ده و انا اعتقد ان هوا ده اللى حصل

لا الموضوع كدة وصل غلط.....

أول حاجة: مكتوب عليه Fuel Tank Cleaner

تاني حاجة: ذكرت اني جبته من أحد الهايبرات, يعني مسكتها في إيدي وقرأت اللي عليها, والحمدلله عمر ما لغتي كانت ضعيفة

تالت حاجة: المكونات الأساسية للسائل ماكانتش مكتوبة...وده السبب الرئيسي اللي بيخليني اتساءل عن أفضل شركة لتصنيع الحاجات دي علشان ماشتريش علبة عصير قصب مكتوب عليها منظف تانك... والأخوة الأفاضل أجابوا مشكورين انها ليكوي مولي وإس تي بي

رابع حاجة: دخلت على موقع إس تي بي وشفت انهم -كشركة عالمية محترمة موثوق بكلامها- عاملين منتج لكل نوع من المحركات وكل منتج له درجة قوة معينة, وكانت النتيجة كالتالي:


1- وجود سائل لتنظيف التانك والرشاشات, يوضع مع كل تفويلة , ودي توصيتهم

2- سائل آخر لتنظيف التانك والرشاشات ولكن بشكل قوي, يوضع مع كل تغيير زيت

3- سائل أقوى للتنظيف, ومكتوب كذلك مع كل تغيير زيت.... وذلك "الأقوى" يوصى بوضعه كل تغيير زيت أو "4000" ميل, بما يساوي 6437 كيلومتر تقريباً .... يعني مسافة معقولة

ورابط المقارنة على موقع الشركة نفسها : http://www.stp.com/products/fuel-add...es-comparison/


4- عندي إيمان بمبدأ الوقاية خير من العلاج, خصوصاً مع المشاكل العديدة في محطات البنزين المصرية, وعندي إضافة احب اقولها: نضافة البنزين من عدمه دي نتيجة عدم نضافة تانكات العربيات اللي بتمون قبلك... لأنها طرمبة شفط وطرد, والأمر بيعتمد على اهتمام إدارة المحطة بتنظيف تانكاتها تحت الأرض بشكل مناسب, فيه محطات مش بتنضف (وتلاقي البنزين كله رواسب وشوائب وصدأ) .... ومحطات تانية تنضف وتسيب سوائل غريبة في قاع تانك المحطة (في الغالب مياه) علشان كدة تلاقي بنزينهم مخلوط بمية والعربية فيها نتشة وبتتصرف بشكل غريب ....ومحطات تالتة بنزينها غالباً نضيف, والأمر غير متوقف على العلامة التجارية ولكن على أسلوب إدارة كل محطة, وهي للعلم مملوكة لواحد صاحب أرض عادي وواخد توكيل من الشركة صاحبة العلامة التجارية, وأسلوب وشروط الإدارة راجع للتعاقد بينهم (يستثنى من ذلك مجطات تحت إدارة وملكية القوات المسلحة , والكل تقريباً بيشكر فيها)


خامساً: عملية التموين من مكان معين ومحطة معينة ليست الحل الأمثل للوقاية من مشاكل يسببها الوقود, لأن في النهاية بيبقى فنطاس البنزين الكبير جاي من شركة توزيع, ولمن لا يعلم فإن أكبر شركة توزيع هي مصر للبترول, ومعظم مقاولي النقل بيودوا محطات شركات البترول الأخرى, وكل محطة بتطلب حسب احتياجها وممكن تاخد بنزين مصر للبترول من محطة شل وممكن تلاقي محطة شل تحت إدارة واحد عادي وممكن تلاقي حاجات كتير,


وده بيفسر ليه كل واحد عنده اقتناع ببنزين محطات معينة هو بيمون منها ومجربها على الرغم من اختلاف العلامات التجارية والأماكن


بس لحد دلوقتي النتيجة كانت منتجات ليكوي مولي وإس تي بي


برافو عليكم ياشباب ومليون شكر لمن شارك ولو حتى بالقراءة

عذرا على سوء الفهم وشكرا يا باشا على التوضيح

بس اصل الموضوع ده حصل معى فى كزا محطة بنزين العيال بيروجو للاوكتان على انه منظف
هوا حلو و مش حيؤذى العربية لكنه مش حينظف و اسباب تحسن سحب العربية حتختلف فى الموقف ده