سؤال فى رشة النضافة لعربيه
دلوقتى فى حد قاللى هيرشلى العربيه رشة نضافة ب 400 جنيه كلها..هو الراجل معرفة واحد قريبى فبيقولى انا كارمك فى السعر جدااا..هل ياترى السعر ده كويس؟؟
انا عربيتى اكسيل
وقاللى انه هينقرها (مش فاهم ده ايه) وهيظبط اى فراغ فيها وهيخليها كأنها زيرو
وقاللى ببويه فايبر مستورده ودى غاليه ومحترمة جدا مش زى العاديه (برضو معرفش ده ايه)
وهيديهالى وش تلميع
وهيحشى الاكصدمات وهيظبطها عشان لما تتخبط البويه متطقش
انا عندى العربيه معظمها فابريقة من بره يعنى هى راشة رفرفين وباب نضافة بس وباقى العربيه فابريقة..ياترى بعد رشة النضافة دى يقل تمنها؟؟
كمان قاللى العربيه هتبات يوم عندى يعنى تجبهالى الصبح تيجى تانى يوم اخر النهار تاخدها..وطبعا هيكون معاه مفاتيحها..ياترى ده امان انى اسيبهاله هى والمفاتيح؟؟
ياترى كمان هيفككها من جوه زى مابشوف فى العربيات ولا هيعزل بس الازاز والفوانيس والحاجات دى وهتبقى زى ماهيا من جوه؟؟
وياترى اخد بالى من ايه فى الشغل لانى معدوم الخبره فى الموضوع ده
معلش اعذروا جهلى انا جديد فى الموضوع اوى :(