المشاركة الأصلية كتبت بواسطة engonear
كلام حضرتك مظبوط علميا ومن مميزات الفلتر الرياضى انه بيدعم الكربراتير باكبر كميه هوا على السلانسيه والسرعات المنخفضه بمعنى ان الكربراتير طالما سحب الهوا فيه ميكانيكيا وعند عدد لفات المحرك المنخفضه تحت 2000 لفه بتلاحظ ان مجرى الهوا العادى يعتبر عائق ليه في سحب الهوا بينما الرياضى في سهولة انه يأمن كمية الهوا المطلوبه باكبر قدر على حسب احتياج الكربراتير.
دى من مميزات الحقن الالكترونى وعلشان كدا هو اوفر في البنزين من الكربراتير
لو افترضنا ان خرطوم الفايظ وظيفته التزييت للكربراتير طب ليه موجود مع الانجكشن .
والواقع بيقول ان كل ما تزداد سخونة الهوا اللى داخل للموتور بتزيد كفاءة اسرع واقوى للحرق وبالتالى اداء اقوى للموتور وبنلاحظ الموضوع دا في ايام الشتا لما انا شيلت الخرطوم وفصلته نهائى لقيت الموتور بيطفى وانا على سرعات عاليه لو انا واقف على السلانسيه بيبقى فيه رجه جامده يعنى المصنع مش عامل خرطوم الفايظ دا من فراغ.
أرجو انى ما كنش ضيف تقيل عليكم واعذرونى على الاطاله بس حبيت انى اشارك للمنفعه العامه.