اقتباس المشاركة الأصلية كتبت بواسطة hossam99 مشاهدة المشاركة
لا يا فاندم عمر ما الفلتر ده هايدي اداء بالشكل المتوقع لأن الكربراتير بيتحكم في كمية الهوا ميكانيكيا يعني نسب الهوا ثابته عند كل أر بي أم معين و لو زادت أو قلت هايبقي فيه خلل في الخليط (البنزين + الهوا )
كلام حضرتك مظبوط علميا ومن مميزات الفلتر الرياضى انه بيدعم الكربراتير باكبر كميه هوا على السلانسيه والسرعات المنخفضه بمعنى ان الكربراتير طالما سحب الهوا فيه ميكانيكيا وعند عدد لفات المحرك المنخفضه تحت 2000 لفه بتلاحظ ان مجرى الهوا العادى يعتبر عائق ليه في سحب الهوا بينما الرياضى في سهولة انه يأمن كمية الهوا المطلوبه باكبر قدر على حسب احتياج الكربراتير.
اقتباس المشاركة الأصلية كتبت بواسطة hossam99 مشاهدة المشاركة
و ده بعكس الحقن الإلكتروني اللي بيبقي النظام مستعد لكميات هواء متغيره حسب ظروف التشغيل و بيقيسها و يعدل علي أساسها كمية البنزين و وقت الشراره
دى من مميزات الحقن الالكترونى وعلشان كدا هو اوفر في البنزين من الكربراتير
اقتباس المشاركة الأصلية كتبت بواسطة hossam99 مشاهدة المشاركة
أما خرطوم الفايظ فتركيبه غير مجدي مع الفلتر لأنه في الأساس وظيفته التزييت مش تسخين الهوا و بما إن الكربراتير مع الفلتر هايحتاج تنظيف و تزييت علي فترات قصيره يبقي ملوش لازمه
لو افترضنا ان خرطوم الفايظ وظيفته التزييت للكربراتير طب ليه موجود مع الانجكشن .
والواقع بيقول ان كل ما تزداد سخونة الهوا اللى داخل للموتور بتزيد كفاءة اسرع واقوى للحرق وبالتالى اداء اقوى للموتور وبنلاحظ الموضوع دا في ايام الشتا لما انا شيلت الخرطوم وفصلته نهائى لقيت الموتور بيطفى وانا على سرعات عاليه لو انا واقف على السلانسيه بيبقى فيه رجه جامده يعنى المصنع مش عامل خرطوم الفايظ دا من فراغ.



أرجو انى ما كنش ضيف تقيل عليكم واعذرونى على الاطاله بس حبيت انى اشارك للمنفعه العامه.