العربية سخنت و الردياتير فضى و مؤشر الحرارة ثابت !!!

النهاردة ماشى من الشغل لحد البيت شوية زحمة عادى المهم طول ما أنا ماشى عينى بتلف على كل العدادات و كله كان مظبوط طول الطريق

لحد أما وصلت البيت و بطلت العربية سمعت صوت تنفيس جامد بفتح الكبوت .... فتحة القربة مطلعة عامود بخار و العربية سخنة جدا ...هديت شوية و فكيت فيشة صباع الحرارة و دورت كونتاكت المروحة إشتغلت !!!!

المهم إستنيت شوية و دورت العربية و زودت 2 لتر مياه كاملين لحد أما القربة إتملت و روحت فاتح غطاء الردياتير الحديد و زودت مياه من عنده هو كمان علشان أخد هواء المهم لقيت المياه طالعة من فتحة الردياتير و أنا بزود بنزين علشان أقلب المياه لقيت المياه طالعة من فتح الردياتير(مش القربة) بتبقلل و فيها شوية صدا.....

السؤال اللى مجننى يعنى إيه العربية تسخن بالشكل ده و مؤشر الحرارة ثابت طول الطريق و حتى أما جيت أزود مياه !!!!
هل معنى وجود الصدا ده مع بقلله المياه ديه معناها طحينة و لا ده مجرد صدأ فى الردياتير طلع مع السخونية ؟؟؟!!

هو أنا كده داخل على وش سلندر و أعرف إزاى إنه وش سلندر و لا مفيش حاجة ؟؟!!

عربية نوعها ايه

انا معايا لانوس ونفس الحوار حصل معايا 5 مرات لحد مالعربيه جابت وش سلندر الحمد لله

وكل مره كانت تفضل ماشيه كويس وفجاه الاقي الأداء قل شويه وهوووووووب الاقي الأمبير نط علي اخره ومفيش كام ثانيه الاقي العربيه مبطله يعني الباشا كان بيقولي خلي بالك العربيه هتبطل اهو

بالنسبه لحساس الحراره اعتقد ان اللى حصل ده طبيعى معاه
لانه مش بيقيس حراره المكنه دا بيقيس حراره الميه الموجوده
و بما ان الميه كانت ناقصه او مكانتش موجوده
فطبيعى انو مش هيقيس حراره اعلى
و انما حراره الجو المحيط بيه لانه اقرب لحراره الميه الطبيعيه فى حاله سخونه المكنه


بالنسبه للميه اللى مصديه
لو انت بتحط ميه عاديه للموتور
يبقى عادى هتشوف من ده كتير
لو بتحط ميا خضرا الله اعلم
موضوع الطحينه ده بيبان فى الزيت مش الميه على ما اعتقد

شوف ساعة الرادتير بتحصل معايا كتير فى الاوبل كورسا وباتغلب عليها اقوم معشق نحاس المروحة فى بعضه عشان يشتغل مباشر

جايز تكون الساعة اللى هى الحساس ضارب او معلق

بص ع الحساس اللي ف الردياتير هو اللي منقلش الإشاره للأمبير
او يمكن الأمبير نفسه واقف مش شغال بس دي بعيده شويه

و بالنسبه ل موضوع الحطينه دا بيبقي ف الزيت يعني لما تقيس الزيت لو لقيته هو اللي فيه ميه يبقي دي مشكله وش و سبيكه و كدا
انما طالما ف الميه اعتقد انها صدأ و بس
والله اعلم

السلام عليكم يا اخي
الموضوع ده ممكن يكون عندك مشكله انسداد في الريداتير علشان انت بتستعمل مياه عاديه فبيعمل علي صداء الماتور من الداخل فتلاقي الشواءب الي انت شوفتها فاول حاجه روح نضف الريداتير عند واحد كويس وخليه ينضف المجر بتاعته كويس .
تاني احتمال ان المشترك بتاع تجميعه خراطيم الريداتير وده بيكون فيه ثرموثتان داخلي بيشتغل ميكانيكي مش كهرباء وده بيفتح ويقفل علي حسب درجه الحراره ممكن بيكون معلق بسبب الصداء الموجود في المياه وده الي يعمل معاك مشكله عداد الحراره علشان حساس الحراره بيكون موجود في البلوك مش في الريداتير لكن الحساس الموجود في الريداتير بتاع المروحه وطبعا لما المشترك ميعديش المياه الحساس هيقراء غلاط ....... انما حكايه جوان وش السلندر دي هتلاقي زي ما الاخوه الافاضل قالوا الزيت بقي طحينه نتيجه تسرب الماء علي الزيت او ساعات بيضرب الجوان لكن مش مش بيهرب علي الزيت وتكتشفه بانك وانت مدور العربيه تفتح غطاء الريداتير ومع كل كبسه بنزين تلاقي نافوره مياه طالعه من الريداتير وبكده بيكون الجوان مشروخ وبيهرب الكبس بتاع الموتور فبيطلع من المياه بتاعت الريداتير وانشاء الله تكون حاجه بسيطه يا باشا :)

اقتباس:

---

المشاركة الأصلية كتبت بواسطة spiderman_fathy

السلام عليكم يا اخي
الموضوع ده ممكن يكون عندك مشكله انسداد في الريداتير علشان انت بتستعمل مياه عاديه فبيعمل علي صداء الماتور من الداخل فتلاقي الشواءب الي انت شوفتها فاول حاجه روح نضف الريداتير عند واحد كويس وخليه ينضف المجر بتاعته كويس .
تاني احتمال ان المشترك بتاع تجميعه خراطيم الريداتير وده بيكون فيه ثرموثتان داخلي بيشتغل ميكانيكي مش كهرباء وده بيفتح ويقفل علي حسب درجه الحراره ممكن بيكون معلق بسبب الصداء الموجود في المياه وده الي يعمل معاك مشكله عداد الحراره علشان حساس الحراره بيكون موجود في البلوك مش في الريداتير لكن الحساس الموجود في الريداتير بتاع المروحه وطبعا لما المشترك ميعديش المياه الحساس هيقراء غلاط ....... انما حكايه جوان وش السلندر دي هتلاقي زي ما الاخوه الافاضل قالوا الزيت بقي طحينه نتيجه تسرب الماء علي الزيت او ساعات بيضرب الجوان لكن مش مش بيهرب علي الزيت وتكتشفه بانك وانت مدور العربيه تفتح غطاء الريداتير ومع كل كبسه بنزين تلاقي نافوره مياه طالعه من الريداتير وبكده بيكون الجوان مشروخ وبيهرب الكبس بتاع الموتور فبيطلع من المياه بتاعت الريداتير وإن شاء الله تكون حاجه بسيطه يا باشا :)

---

طالما المؤشر مش شغال دايبقى عيب الساعة اللى متركبة فى ضهر الموتور فى عربيتى الاوبل كورسا لكن لو انسداد او عطل فى الثرموستات اللى فى الكوعة الحرارة بتتقاس لان المؤشر بيقيس حرارة الموتور مش المية

اقتباس:

---

المشاركة الأصلية كتبت بواسطة spiderman_fathy

السلام عليكم يا اخي
الموضوع ده ممكن يكون عندك مشكله انسداد في الريداتير علشان انت بتستعمل مياه عاديه فبيعمل علي صداء الماتور من الداخل فتلاقي الشواءب الي انت شوفتها فاول حاجه روح نضف الريداتير عند واحد كويس وخليه ينضف المجر بتاعته كويس .
تاني احتمال ان المشترك بتاع تجميعه خراطيم الريداتير وده بيكون فيه ثرموثتان داخلي بيشتغل ميكانيكي مش كهرباء وده بيفتح ويقفل علي حسب درجه الحراره ممكن بيكون معلق بسبب الصداء الموجود في المياه وده الي يعمل معاك مشكله عداد الحراره علشان حساس الحراره بيكون موجود في البلوك مش في الريداتير لكن الحساس الموجود في الريداتير بتاع المروحه وطبعا لما المشترك ميعديش المياه الحساس هيقراء غلاط ....... انما حكايه جوان وش السلندر دي هتلاقي زي ما الاخوه الافاضل قالوا الزيت بقي طحينه نتيجه تسرب الماء علي الزيت او ساعات بيضرب الجوان لكن مش مش بيهرب علي الزيت وتكتشفه بانك وانت مدور العربيه تفتح غطاء الريداتير ومع كل كبسه بنزين تلاقي نافوره مياه طالعه من الريداتير وبكده بيكون الجوان مشروخ وبيهرب الكبس بتاع الموتور فبيطلع من المياه بتاعت الريداتير وإن شاء الله تكون حاجه بسيطه يا باشا :)

---

معلومات مهمه جدا شكرا يا باشا

http://www.nilemotors.net/Nile/3874925255-post2510.html

نقص المياة هو اللى بيخلى حساس الحرارة بتاع المؤشر ما يقراش الحرارة صح و كمان نفس القصه فى المروحه لما المياة ما بتوصلهوش ما بيديش اشارة للمروحه تشتغل يعنى موت و خراب ديارالميه ناقصه و المؤشر مش شغافل و المروحه كمان تقف ( ابيزا 98)

اقتباس:

---

المشاركة الأصلية كتبت بواسطة eyeswizard

بالنسبه لحساس الحراره اعتقد ان اللى حصل ده طبيعى معاه
لانه مش بيقيس حراره المكنه دا بيقيس حراره الميه الموجوده
و بما ان الميه كانت ناقصه او مكانتش موجوده
فطبيعى انو مش هيقيس حراره اعلى
و انما حراره الجو المحيط بيه لانه اقرب لحراره الميه الطبيعيه فى حاله سخونه المكنه


بالنسبه للميه اللى مصديه
لو انت بتحط ميه عاديه للموتور
يبقى عادى هتشوف من ده كتير
لو بتحط ميا خضرا الله اعلم
موضوع الطحينه ده بيبان فى الزيت مش الميه على ما اعتقد

---

الكلام ده هو الصح

الحمد لله تم القضاء على مشكلة تعليقمروحة التبريد و كانت المشكلة ببساطة فى غطا الردياتير

ديه صورة الغطا القدبم و باين إن كاوتش الSeal معظمه مش موجود
http://img19.imageshack.us/img19/3205/p4120047.jpg


و ديه صورة الغطا الجديد
http://img43.imageshack.us/img43/7154/37851952.jpg


اللى كان بيحصل ببساطة إن أول ما العربية تسخن الغطا بينفس البخار لبره ... مع الوقوف المتكرر شوية شوية الميه بتنقص و بيتكون فقاعات هوا فى الردياتير و أما يعدى الهوا ده على صباع الحرارة بتبقى حرارته أأقل من حرارة الميه و بالتالى المروحة مش بتشتغل ده بالإضافة لإن سوستة الغطا كانت ناشفة.