أنا عربيتي هيونداي اكسيل
يا ريت حد يدلني على واحد كويس أشحن عنده التكييف علما بأني زودت فريون من شهر بس ضعف التبريد بعد فترة
عرض للطباعة
أنا عربيتي هيونداي اكسيل
يا ريت حد يدلني على واحد كويس أشحن عنده التكييف علما بأني زودت فريون من شهر بس ضعف التبريد بعد فترة
اولا اذكر حضرتك اقرب مكان ليك فين او ساكن فين و منها حتلاقي اللي ساكن في نفس المنطقه او يعرف حد قريب منك حيقولك علطول
ana a3rf wa7ed fi madynet nasr esmo mrkz el basha
odam el t2meen el s7y momtaz
طيب عندي في الشاهين التكييف بيبقى فووووووووووووووووووق الممتاز مليون مرة بالليل مهما كان في رطوبة بالليل ومهما كان العدد داخل العربية لكن بالنهار بيبقى كويس شغال
اقدر اعرف ليه مع العلم انيه كان فضي ورحت عند واحد حيوان زودلي الشحن من غير ما يعمل فاكيوم وبالتالي الضغوط مضبوطة لكن في العين السحرية بتاعة الثلاجة في رغاوي كتير؟؟؟
وساكن فيصل
قول مكانه طبعا وهروحله حتى لو بعيد وبالنسبة للزجاج فعندي العربية موديل 2006 والزجاج ملون وبالنسبة لمشكلة الهواء انه مش بيبقى ساقع الصبح فالهوا نفسه بيبقى طالع عادي مش متلج واعتقد ان دي مشكلة تكييف مش مشكلة زجاج
المراكبى: جسر السويس اما بوابة 5 لنادى الشمس
كار كوندشن: خلف السوق الحرة - جامعة الدول
MMamdouh
الفاكيوم مايتعملش الا لو كان فية تسريب و دورة الفريون فضيت خالص يقوم يعمل فاكيوم و بعدين يحط شوية زيت (20جم) في الدورة و بعدين يملأ فريون من تاني
لكن لو كان بيزود الفريون بس يبقى مش محتاج يفكيم
و الرغاوي لو كتيرة في العين يبقى الفريون ناقص و محتاج يتزود
المراكب دة اكبر حرامي و نصاب
مرة رحت لة من سنة و نص تقريبا او سنتين علشان عربيتي الهوندا و مشيت من عندة لأنة مغلواني جدا و بتاع اشتغالات و عاوز يعمل اي مصلحه و اي شغل و السلام
انا دلوقتي باتعامل مع واحد في مدينة نصر اسمة أيمن (أيركار) و دة قدام باب مدرسة رفاعه الطهطاوي اللي قدام المنهل على مصطفى النحاس الناحية التانية
بصراحه أمين جدا و شغلة نضيف قوي و فاهم قوي قوي و عندة جهاز مخصوص لتنضيف دورة الفريون و سحب الرطوبة منها
و فية واحد تاني كويس اسمة مؤمن و المحل اسة السحار دة وراء مصر و السودان اللي في شارع الطيران برضة كويسين وفاهمين و محترمين و مش بتوع اشغالات بس اغلى من أيمن شوية