اقتباس:
المشاركة الأصلية كتبت بواسطة mahmoud saloum
معلش يا جماعة وارجو ان محدش يزعل منى بس هوا ليه اصحاب السيارات اللى زينا الحكومة تدعملهم البنزين؟؟؟؟ يعنى مثلا الاقى واحد محترم راكب عربية سيراتو ولا الانترا ونازل منها على منفذ التموين علشان ياخد زيت وسكر مدعم ؟؟؟ وممكن نفس الراجل يروح يدفع فى عشوة 500 جنيه!! كمان ومع احترامى لاصحاب السيارات القديمة لكن كل واحد معاه 7 و8 ألاف جنيه يروح يجيب عربية قديمة وممكن تكون 1800 ولا 2000 ولا 3600 سي سي زى الامريكانى القديم عايزة بنزينة تمشى وراها والبلد تدفع دعم! و الشوارع تتملى سيارات وبالتالى نقف بالساعات فى الاشارات ونحرق البنزين واحنا واقفين والدولة تدفع دعم ؟؟؟ وياريت واحنا ماشيين نبص على العربيات هنلاقى كل واحد راكب عربية واربع كراسى فاضيين جنبه وبقيت الشعب محشور فى علب سردين وفى المترو ! وطبعا مينفعش زيادة عدد الاوتوبيسات او زيادة التصاريح للميكروباصات لان ده هيقفل الشوارع تماما ومحدش هيتحرك من مكانه.
اقتباس:
المشاركة الأصلية كتبت بواسطة mahmoud saloum
ده اول حاجة تانى حاجة ليه القاهرة مثلا تمشى فيها عربيات فوق ال 800 سي سي يعنى بمناسبة ايه لا فيه مطالع حادة ولا فى تراك سباق ولا اى حاجة يعنى لما حد عايز يمشى بعربية 1600 سي سي ولا 2000 سي سي يبقى على حسابه مش على حساب الدولة
يا يجماعة الدعم ده معناه اعانة او معونة ازاى الواحد يبقى راكب عربية تمنها 60 ولا 70 ولا 100 ولا 200 الف جنيه ويقبل على نفسه ياخد اعانة من الدولة؟ ويا ترى مين اللى يستحق الدعم انا وانت وكل الطبقة المتوسطة والفوق متوسطة و الثرية ولا الطبقة اللى تحت خط الفقر وتعيش فى المقابر والعشوائيات و ....
للعلم ده مش معناه انى مع الحكومة الفاشلة اللى ماسكة البلد دلوقتى ومفيهاش غير وزير الداخلية والباقى ممكن يشتغلوا مدرسين فى مدرسة ثانوى بس الموضوع بتاع البنزين ده بالذات انا معاهم فيه ولو هيأثر عليا شخصيا.
وأرجو انكم تتقبلوا رأيى بصدر رحب وبموضوعية
استاذ محمود...مع احترامي لحضرتك جداااا
بس كلام حضرتك مستفزززز جداااا
يعني من كلام حضرتك و في كذا مشاركه ليك ان البنزين كأنه هو الحل للبلد و للحكومه
حضرتك لو حسبت احنا بندفع ايه للدوله
ولا كأنها عيل من عيلنا و بنصرف عليها
يبقي ماتقدرش من فلوســـــــنا تخلي البنزين مدعم!!!!
هي اصلا دفعت حاجه من جيبها في الدعم ده !!!!
دا احنا بنشتري كل حاجه يجي اكثر من ضعف ثمنها..لأنها بتاخدها ضرائب
غير الجمارك غير من قبل ما تاخد مرتبك من الشغل بيبقي مخصوم ثمن الضرائب
بنشوف ايه احنا من الضرائب اللي بتاخدها ديه
كل 5 سنين ولا 10 سنين تصرف شويه فلوس علي كبري
ولا طريق تسفلته
الكهربا احنا بندفعها من جبنا و بزياده...حتا المايه المعفنه اللي بتنزل من الحنفيه بندفعها من جبنا
ايه اللي عملتوا الدوله لينا طبيعي من غير زياده
علشان نقول ترفع الدعم...
و هو في الاساس هي من الاخر مش عامله الدعم ده من جيبها...
ده من جيب الشعب و من جيب الضرائب اللي بندفعها في كل سلعه من غير ما ناخد بالنا