المفروض ال95 ميتشالش من عليه الدعم ده فيه مواتير 1000سي سي 3 سلندر يعني توفير بنزين رهيب ومتمشيش غير ب95 زي فورد مونديو وغيرها
عرض للطباعة
المفروض ال95 ميتشالش من عليه الدعم ده فيه مواتير 1000سي سي 3 سلندر يعني توفير بنزين رهيب ومتمشيش غير ب95 زي فورد مونديو وغيرها
يرفعوا الدعم عن المواد البتروليه اللي بتروح للمصانع و الشركات ماشي لكن اللي رايح للشعب لازم يكون مدعم و الا هتحدث كارثه متوقعه و هي ارتفاع اسعار كل المنتجات اكتر ما هي مرتفعه و زياده امكانيه حدوث بلبله في البلد
كل دى اجتهادات و محدش عارف ايه اللى حيحصل فعلاً
ربنا يستر
بنزين ٩٥ ب٥.٨٥ قرش
فول تانك عندي ب٢٨٠ جنيه
ياريت يتشال كمان من ال٩٢ لان كثرة عدد السيارات ادي ان البلد تتدمر من كل النواحي اهمهم اقتصاديا لان مفيش مستثمر حيستثمر في بلد ما ينفعش تعمل فيها غير مشوار واحد في اليوم
مترو الانفاق مش سيء بس يهتموا بيه شويه ويفرضوا عقوبات علي المخالفين
في فرنسا تروح تفول عربيتك ب٩٠ يورو في الاسبوع (اليورو ب ٩ج ونص علي فكرة)
فمش كل الناس معاها عربيات بالعكس كله بالمترو والعربيات بس للخروجات الليلية عشاء بالليل٫ فرح كدة يعني
الناس في مصر اتدلعت بزيادة كفاية كده
حضرتك عايشة فى كوكب تانى ...
باريس لوحدها فيها 13 خط مترو . باريس 11 مليون .
القاهرة خطين مترو فقط . القاهرة 9 مليون (بدون وافدين يوميا).
باريس مستوى الرواتب هناك على سبيل المثال للمهندس المعمارى بيكون فى حدود 2000 يورو فى الشهر.
مصر هنا 1500 جنيه فى الشهر . طبعا بتكلم على حديث التخرج.
تخطيط باريس حل مشكلة الازدحام. القاهرة بالبركة.
باريس فيها اتوبيسات و وسائل موصلات متميزة و ادمية . مصر مفيش .
أكمل ولا كفاية؟
وهي باريس الناس كلها طلعت مرة واحدة تعمل مظاهرات فئوية
وتطالب بمضاعفة الرواتب
ولا الشغل والاجتهاد والعمل والشقى هما اللي وصلهم لكدة
هنبقى احسن من 100 باريس
لما نبطل نشتغل ربع الوقت ومن غير ضمير ونقول على اد فلوسهم
ولما بنبطل ناخد مرضي واعتيادي نصف السنة
انا مش عارف البيضة الاول ولا الفرخة
تمام جدا اؤيد بشده
يا محمود بيه مهو لو في ابسط قواعد العداله الجتماعيه و لو في عدل في توزيع الدخول مكنش هيبقي في مظاهرات فئويه لما يكون خريج جامعه مهندس او دكتور مرتبه 1500 - 2000 جنيه طلع عينه في الدراسه و عين اهله في المصاريف عليه و ده مرتبه لنه ششغال في وزاره خدميه و جاره اللي في الشقه اللي جنبه دبلوه صنايع مع احترامي طبعي للمؤهلات المتوسطه لكن شغال في شركه بترول بياخد 10 اضعاف مرتب الدكتور ( حكمت فعدلت فنمت فامنت) و تيجي حضرتك تقول احسن من 100 باريس ده علي اي اساس
بص يا احمد باشا
انا متفق معاك مليون في المية في حكاية العدالة في توزيع الدخول دي
وعلى فكرة انا من الناس اللي مرتبي حكومي ومهضوم حقهم
واشتركت في مظاهرة كمان عشان حكاية الاجور والعدالة الاجنماعية
لاكن خلينا نحكمها بالعقل
فيه ناس بتاخد مرتبات عالية زي الكهربا والبترول والضرايب والبنوك وخلافة انا بتكلم على الحكومة
وفيه ناس اعلى في المؤهل وبتاخد خمس او سدس اللي الناس التانية بتاخدة تمام والاتنين شغالين في الحكومة
والوضع ده طبعا ما حصلش في يوم وليلية لا ده ميراث قديم
طيب ايه الحل اننا نزود الناس اللي مرتبتها تعبانة عشان يتساوو بالفئات التانية الكلام سهل لاكن التمويل منين وحالة البلد الكل عارفهه ومفيش اي تنمية ولا انتاج والدنيا اتوقفت بسبب السياسة
والقرف اللي بنشوفة في الشارع كل يوم
والحل التاني
اننا ناخد من الناس اللي بتاخد مرتبات عالية جزء ويضاف للناس المهضوم حقها
طيب اللي بياخد كام الف وشغالفي بنك ولا في الكهربا ولا حتى معاه دبلوم وشغال في البترول لو قولتله بدل ما تاخد 7 او 8 الاف هناخد منك الفين عشان نزود زميلك اللي بياخد 1200 جنية وبنفس شهادتك هيقول وماله كله فدى مصر
ولا هيطلعو ويعملو اضراب واعتصام وتكسير وحرق ويقولو ملناش فيه
يا عزيزي العملية مش سهلة
والحل الشغل ثم الشغل والانتاج وجذب الاسثمار
ده لو المهندس حديث التخرج لقى شغل الاول فى ظروف البلد الحاليه
ده غير فعلا تخطيط القاهره الى متخطط فى وقت كنا فيه كلنا على بعضنا 25 مليون و متبصش فيه ل 15 سنه قدام حتى او طرق القاهره الى الطريق الى بيكمل سنتين و الاسفلت يفضل زى ما هوه يبقى ده طريق عالمى بالنسبه لينا او على مرور القاهره الى بيوقف الشوارع اكتر ما بيمشيها