ملحوظة بعد صيانة ال 1000 كم الأولى للإلنترا 2013
السلام عليكم
الحمد لله كملت الألف الأولى بالإلنترا 2013 , وحجزت ميعاد قبلها فى مركز غبور اللى فى أول طريق الإسماعيلية قبل العبور
رحت فى الميعاد و أخدت رقم و بعد 5 دقايق كنت قاعد مع مهندس الإستقبال
ملحوظاتى كانت بسيطة و هى حدفة يمين بسيط محتاجة ظبط زوايا و نتشة فى الصوت لما بشغل السى دى .
كنت هناك الساعه 11 صباحا و العربية دخلت الورشة 11:15 تقريبا و المهندس قاللى هاتخلص على الساعه 3:00 :waaaht:
المهم العربية فضلت مركونة فو الورشه ساعه كاملة لحد لما فنى أخدها و بدأ الشغل
تربيط عفشة و تظبيط هوا الكاوتش و نظرة عامة على الحوض و الموتور ثم تغيير زيت ثم إتنقل بيها عند ظبط الزوايا .
المهم كل ده ما أخدش 45 دقيقة .....يعنى العربية خلصت الساعه 1:00 تقريبا...........إنتظار لمدة ساعة لحد لما ندهولى علشان أدفع الفاتورة ( زيت و فلتر 293 جنيه)
نيجى بقى للمهم
بعد الصيانة حسيت إن صوت الموتور فى السلانسيه بقى عالى أكتر من الأول و السحب بقى أقل شوية من الأول
المهم بصيت على عداد ال RPM لقيته على 1000 تقريبا مع العلم إنه قبل كده كان تقريبا على 600
يا ترى هل ده طبيعى بعد الصيانة الأولى وللا فيه حاجة مش مظبوطة؟
أفيدونا أفادكم الله