حصلتلي كارثة .. ممكن حد يطمني

**nibiru** · 13-10-2012 12:39 AM

انا لسه مبتدئ في العربيات واول مرة اغير فردة كاوتش المهم كنت ماشي لقيت فردة نايمة فحطيت الكوريك لكن للاسف مكنتش اعرف ان الكوريك المفروض فيه جزء بيتركب عليه عشان يحمي جسم العربية من تحت المهم حطيت الكوريك ورفعت وغيرت الكاوتش ونزلت لقيت الكوريك خرم العربية من تحت وعمل خطين كل واحد حوالي 5 سم وكنت عاوز اطمن هل ممكن تكون اثرت علي حاجة مع العلم اني كنتي بغير العجلة الامامية شمال (ناحية السائق) ومشيت بالعربية عادي بس عاوز اطمن ولو كدة ممكن تتلحم من تحت ولا مش هتفرق اسيبها كده (نوع العربية لانوس 2009) ودي صورة للعربية من تحت

**windofchange** · 13-10-2012 02:22 AM

اكيد ممكن تتلحم وبعدين ترش عليها عازل بوتامين علشان الصدأ والبارومة واعتقد لحامها ميكلفش بس تتسمكر وتترد وتتساوي بارضية العربية وبعدين تتلحم

**tarek_2005** · 13-10-2012 10:45 AM

الصورة مش موضحة المكان هل الشقين دول في الدواسة الي تحت رجل السائق

**a7medsh3rawi** · 13-10-2012 11:55 AM

بسم الله الرحمن االرحيم
حضرتك ما تقلقش من حاجه ودى بتحصل علطول وملهاش تأثير في العربيه الا اذا كان في توصيلة خرطوم او كابل كهربا واتقطع وطبعا السمكرى هو اللى هيكتشف دا .... والحل بتاعها ان السمكرى يفك الرفرف ويرجع الشقين زى ما كانوا ويلحم ويمعجن وان شاء الله ترجع زى ما كانت.