لعنة أصابت كنترول الشيرى a11

**douha_wise** · 17-10-2012 09:39 PM

اخى العزيز انا ارى انك تعمل حاجة من اتنين
اولا تحاول تخلى حد يشتريهالك من الصين بس من مكان موثوق فيه حتى لو اعطيت عربون لأحد محلات قطع الغيار او شخص يكون بيسافر الصين و فاهمها كويس بس لو عملت كده ياريت من فضلك تقولنا عملت ايه بالظبط عشان نستفيد من تجربتك
او تشتريه من هنا و تسلم امرك لله لكن انك تغير الكونترول بلانوس فأنا لا انصح بهذا ابدا لأن واحد صاحبى اشترى شيرى a11 اتوماتيك و اتضح ان كونترولها متغير عند محمد بتاع الزاوية بلانوس على كلام محمد و اللى باعها لصاحبى لم يكن امين معه و لم يوضح له هذا و العربية حتى الآن مش مظبوطة و محمد كل ما نقوله على مشكلة فيها يقولك اصل الكونترول بيعمل كده حتى الار بى ام مش شغال
استخير ربنا و حاول تجاهد فى الحل الأول و ان شاء الله تجيبه بسعر كويس جدا بدل الحرامية اللى هنا و اسأل الله العظيم أن يعينك و ييسر عليك امرك هذا

**michael rafik** · 18-10-2012 03:35 PM

ممكن حد يدلنى على ميكانيكى شيرى بس

**arwah** · 18-10-2012 10:09 PM

(ممكن حضرتك تسأل على موتور الجولف 3 أو 2 بالكامل بدون فتيس بالكنترول و هتلاقيه مرمي فى الحرفيين و لن يزيد على 4000جم لو حالته ممتازه
على فكره العربية نفس قواعد الجولف بالضبط)
اعتقد ان البشمهندس طارق السيد قال لي نفس الكلام ولكن هل الضفيره بتيجي مع الموتور واللا حتشتغل الضفيره القديمه مع التعديل وهل باقي الحساسات حتشتغل ولا لا زي حساس الجكمان والفرامل وغيرهم

**abdoweb** · 31-10-2012 04:43 PM

يا جماعة انا منتظر الى بعد العيد
زى ما قالوا لى الناس بتوع ( فوكس ) بتوع الكنترولات
الموضوع رخم قوى قوى
فعلاً شئ يكرهك فى العربيات كلها

ياريت الأخ اللى بيتكم عن تغيير الكنترول بلانوس وانه بيجيب مشاكل
ياريت تكتب لى رقم تليفونه او يبعتهولى على الخاص
او رقم الاخ اللى معاه العربية دى
علشان افهم منه ايه المشاكل

ولكن السؤال اللى محيرنى
ايه اللى ممكن يكون معطل الكنترول
ولما بيتسخن لدقيقة بيشتغل ؟
حد عنده فكرة ؟

**douha_wise** · 31-10-2012 08:25 PM

اخى كنت عايز اعرف هى عربيتك مانيوال و الا اتوماتيك لأنها لو مانيوال فهناك واحد فى الحرفينن الاستاذ طارق يعرفه و قال انه بيصلح الكونترولات عموما هو ممكن يفيدك فى الموضوع ده لكن الكونترول بتاع الشيرى الاتوماتيك مبيتصلحش لازم يتغير و لو كانت عربيتك اوتوماتيك و انت مصمم تغيره بلانوس عند محمد بتاع الزاية فانا ممكن ارسل لك تليفونة لكن انا لا احبذ هذا ابدا

**hossam_elwani** · 05-11-2012 12:29 AM

فرجت من عند ربنا مبروك الحل

**hugan** · 05-11-2012 01:18 AM

المشاركة الأصلية كتبت بواسطة abdoweb

الحمد لله المشكلة أخيراً اتحلت
وبعيد عن الحرفيين ولاد ال.....

رحت عند واحد اسمه عبقرينو
شاب مركز فى التكنولوجيا والالكترونيات
فكينا الكنترول وجربنا نسخن جزء جزء
ونجرب
لحد ما لقينا جزء تقريباً البروسسيسور هو اللى بيحتاج تسخين
أخذه وحط عليه مادة اسمها فلكس او حاجه زى كده وبالهوت اير
ظبطه لحد ما بقى تمام
اشتغل من بعدها وما بقاش يحتاج لتسخين كل شوية

بجد انا كنت تعبت من العربية
بس دلوقتى خلاص
اتصالحنا
الحمد لله الذى لا يحمد على مكروه سواه
ويارب اللى شوفته محدش يشوفه تانى

معلش
ممكن تفاصيل اكتر عبقرينو ده شغال في ايه بالضبط
يعني ليه علاقه بالعربيات ولا مجال شغله الكترونيات بس
بعيد عن العربيات
ومكانه فين

**douha_wise** · 05-11-2012 09:44 AM

المشاركة الأصلية كتبت بواسطة hugan

معلش
ممكن تفاصيل اكتر عبقرينو ده شغال في ايه بالضبط
يعني ليه علاقه بالعربيات ولا مجال شغله الكترونيات بس
بعيد عن العربيات
ومكانه فين

بالظبط كده يعنى اخى العزيز كما حاولنا مساعدتك فممكن أى واحد فينا يقع فى نفس المشكلة لا قدر الله و يحتاج يروح لواحد مثل هذا الرجل الذى تعاملت معه و خصوصا ان عنده الآن فكرة عن المشكلة التى حدثت فياريت تقولنا تفاصيل اكثر يعنى اى جزء اصلحه و أخذ منك كام و مكانه فين و تليفونه و مجال تخصصه و هكذا
عموما الف مبروك