لعنة أصابت كنترول الشيرى a11

**abdoweb** · 13-10-2012 01:27 PM

[OVERLINE]يا جماعة ياريت اللى يقدر يفيدنى يرد
لانى تعبت نفسياً من العربية الشيرى a11

رحت عند ميكانيكى اغير مشترك المياه
بعد ما غير المشترك
العربية مش راضية تدور ( قاطعة بنزين وكهرباء )

وبعد اربع ايام من العذاب مع الكهربائية
أخيراً وديتها على ونش لمحمد شيرى فى مساكن عين شمس
دور العربية الحمد لله

لكن ظهر عيب عجيب فيها
ان لو العربية او بالأخص الكنترول بتاعها بارد ( الصبح بدرى او اتركنت كذا ساعة والجو بارد )
العربية ما تدورش

لو الجو حر الظهر مثلاً العربية تدور

ولو الكنترول ساقع وعاوز تدور لازم تحط عليه مياه سخنة او تسخنة من تحت بالولاعة
ده طبعاً بعد ما تفكه من مكانه

قصة سوداء بعيد عنكم

حد عنده حل للمصيبة دى
او شافها قبل كده

منتظر ردودكم

[/OVERLINE]

**hpxp** · 13-10-2012 02:55 PM

ممممممممممممممممممممممممم م
طب ما تجرب تعزله لانه ممكن يكون بيلقط رطوبه
او غطيه بكيس بس كويس انا بعمل كده علي طول علشان بغسل المكنه

**abdoweb** · 14-10-2012 12:19 PM

يعنى ايه بيلقط رطوبة ؟؟
تقصد بيسقع جامده شوية زيادة عن اللزوم ؟
لو كده انا ممكن اكلفته كويس

وفى واحد فى الحرفيين بتاع كنترول بيقولى
ممكن يفتحه ويحط له عزل بين حاجتين مش فاكرهم
لكن بيقولى على ضمانتى
لانه ممكن بعدها يبوظ خالص
ايه رايكم ؟

**hpxp** · 14-10-2012 02:16 PM

جرب كلفته كويس
لو نفع يبقي تمام
واعزل بعدها يبقي افضل
الرطوبه بتبقي عبارة عن ميه في الجو بتلزق في سطح اي حاجه بارده قدامها
زي اما تكون في الاسكندريه وتحس ان العربيه مبللوله من برة
وشكرا

**tarekjwal** · 14-10-2012 04:22 PM

يا استاذي العزيز انا سبق وقلت لسعادتك في التليفون انك تاخد الكنترول وتودية لبتاع الكنترولات وتقولة علي المشكلة وهو لو فاهم هايعملك حاجة بسيطة جدا وهي انة هايغيرلك الفيوز الزنر بتاع الكنترول وهو فيوز واحد 3k ohm ودة دايما اللي بيعمل رطوبة 3 كيلو اوم وتمنة 4 جنية عند الكترونيات عبد الشافي او اي واحد في باب اللوق ويلحمة كويس ويسخن بالكاوية الهوت اير علي باقي البردة ويخلي بالة علشان دي معزولة بالشمع وانشاء الله هاتشتغل تمام ودة عن خبرة وتجربة
شكرا
طارق اسيوط 01008331244

**abdoweb** · 14-10-2012 10:07 PM

عزيزى المهندس طارق
اللى زهقته اتصالات معاى وربنا يكرمه ما بيتأخرش
انا كنت هعمل كده بكرة علشان النهارده الأحد والحرفيين قافله
لكن قلت استشير الناس فى المنتدى
يمكن حد سمع او شاف او جرب المشكلة الرخمة دى

انا اتصلت بالتوكيل الحرامية قالوا لى الكنترول ب 5300 جنيه
حاجه تفرس بصراحة
كانها bmw
انا هجرب بكرة الحل ده
مع انى سالت الناس فى التليفون قالوا لى مفيش حاجه اسمها فيوز الزنر ده غير فى التلفزيونات

هروح لناس غيرهم وربنا يسهل

**hugan** · 14-10-2012 10:17 PM

ربنا معاك
متابع

**hpxp** · 16-10-2012 09:03 PM

طب جربت تكلفته كويس ؟؟؟
جرب احسنلك من تغير كنترول برضه
اصل تغير الكنترول ممكن يعمله مبلغ
جرب الاول بدل ما تكلف جامد
وطمني

**novo** · 17-10-2012 10:36 AM

المشاركة الأصلية كتبت بواسطة abdoweb

والله يا جماعة أنا تعبت نفسياً
انا رحت الحرفيين
ورحت عند أكثر من واحد بتاع كنترول

وللأسف الشديد النسبة الغالبة فيهم شخصيات زفت
ومعاملتهم زى الزفت
كانهم بيجيبوا التايهة
وهم مش فاهمين اى حاجه
للأسف

واخر ما وصلت اليه
ناس اسمهم ( فوكس )
هروح لهم بكرة
يمكن يلاقوا حل
لكن الحل مش فاهم ولا بيحاول يفهم ولا بيعاملك كويس حتى
كأنى مش هدفع لهم
مع انى والله ناوى ادفع كويس بس يحلوا المشكلة

وفى حل تانى واحد قالهولى اسمه محمود السنى الكهربائى هناك
لقيت ناس بتشكر فيه على النت
لما شاف الفتيس والموتور وقالى دى حاجه نوبيرا
يبقى ممكن نركب لها كنترول لانوس بس معاه نغير الضفيرة والموبينة للانوس برضه
والمفروض هيجهز الحاجات دى ويكلمنى
ونجرب

وما زال التسخين مستمر
......

ممكن حضرتك تسأل على موتور الجولف 3 أو 2 بالكامل بدون فتيس بالكنترول و هتلاقيه مرمي فى الحرفيين و لن يزيد على 4000جم لو حالته ممتازه
على فكره العربية نفس قواعد الجولف بالضبط

الموضوع: لعنة أصابت كنترول الشيرى a11

LinkBack

أدوات الموضوع

عرض

-

-

-

-

-

المواضيع المتشابهه

لعنة ماركة تويوتا

حل مشكلة تسخين كنترول الشيرى والاسبيرانزا

لعنة الاوكتافيا

لعنة عيوب السيارات تصيب bmw

الكلمات الدلالية لهذا الموضوع

المفضلات

المفضلات

ضوابط المشاركة