المشاركة الأصلية كتبت بواسطة hazemawad
قوى قوى يا خويا :
بص يا باشا
المشكله الاساسيه فى بوظان الكاربترات ( ده طبعاً باستثناء الفتى الخاص بالصنايعيه ولعبهم وتعديلهم) هو انسداد المسارات الخاصه بالهواء والبنزين وده نتيجه ترسب الاتربه المخلوطه بالشحوم فى مسار الهواء والترسبات الكلسيه والكبريبتيه فى مسار البنزين وببساطه يمكن ازاله الشحوم من مسار الهواء ب الغسيل والنقع فى البنزين لاذابه الشحوم والباقى بالطرد بالهواء المضغوط وتمرير شعر سلك عجله فى المسارات واستخدام النفخ بالهواء المضغوط .
اما بالنسبه ل الترسبات الكلسيه فهذا ابسط مافى الامر الا وهو العلاج باستخدام علبه منظف ال w40 او اسبراى منظف الكاربيراتير وتركيزالانبوبه الشعريه الخاصه بالعبوه داخل مسار البنزين
وتسليك الفونى الخاصه بالسرعه بالباب الاول والثانى بشعر السلك الصلب الخاص بواير فرامل العجله ومع الحرص الشديد لعدم توسعه القطر الداخلى للفونيات
حل مع بعض الافتكاس انا قمت بيه بعد حل جميع اجزاء الكاربيراتير بانى نقعت الجسم الانتمونيوم لمده 15 دقيقه فى ماء نار البطاريات (!!!!) وبعدها تم غسيل الكاربيراتير بالماء الجارى وتجفيفه بالهواء المضغوط وبصراحه كانت النتيجه مذهله مع التأكيد على رسم الكاربيراتير رسم مبسط وحفظ موضع كل فونيه او بيك على الرسم حتى لا تختلط الفونيات مكان بعضها
ولمعرفة قيم كل فونيه وبيك كما صنعها الخواجه الرومانى يتم الرجوع للكتالوج الخاصبالداتشيا نوفا وقد تم نشره فى مواضيع احد الساده الاعضاءويتطلب الامر بعض الترجمه بالجوجل لمعرفه المسميات الوارده بالكتالوج حيث انه بالرومانى والغاوى ينقط بطاقيته بقى.......
واريد ان اعتب على الجماعه اللى بيغيروا الكاربيراتير الاصلى باحد الانواع الاخرى ....اقسم لكم ايها الساده بان الاصلى بتاع العربيه اقتصادى جداً و بيدى عزم جبار للمكينه وقدره تسارع تفوق الكاربيراتيرات المتعدله ...لكن على شوقكم بقى وخلوا الخراطين والميكانيكيه يشتغلوكم تدوخوا وتلفوا حولين نفسكم وحله بسيط :نظف كاربراتيرك القديم وانسف كاربيراتيرك الجديد اللى انت معدله واهتم بالعمه وتنظيفها دورياً من الاتربه