حكاية كاربراتير الداتشيا نوفا 2000

**mohamed6069** · 13-10-2012 04:15 PM

سلام علي كل الناس اللي هنا وانا فرحت بوجود قسم للداتشيا وفرحت اكتر لما لقيت ناس بتحبها للدرجة الكبيرة دي وتقريبا فاهمين كل كبيرة وصغيرة فيها ماشاء الله عليكم.

بصراحة عايز يجيلي يوم واحب الداتشيا زي مانتو حبتوها وعلشان اكون صريح معاكم هي مكانتش ابدا مريحاني.

والحكاية اننا اشترينا داتشيا نوفا موديل 2000 علي الزيرو من سنة 2000 يعني بقالها دلوقتي اهو تقريبا 12 سنة، ومشكلتنا معاها بدأت من الكربراتير اللي عمره ما اتظبط الا نادرا جدا وكان معانا ميكانيكي المفروض انه كان بيشتغل في توكيل داتشيا قبل ما يقفل انما الامانة لله كرهنا فيها وفي سيرتها لأنه عمره ماعرف يظبط الكربراتير ايدا ودايما كهربتها مش مظبوطة ووالحرق مش مظبوط.

ووصل بينا الحال اننا شيلنا الكربراتير تماما (كان 2 باب) وتخيلوا ضيقنا فتحته وركبا للاسف كربراتير 128 بعمته بقالنا ع الحال ده من حوالي اكتر من 3 سنين، ومش هحكي بقي ازاي العربية مخنوقة ومابتسحبش واخرها اخرها يعني 90 ده لو جابتهم بعد عناء، ده غير ان كربراتير ال 128 جوه الداتشيا شكله يكسف مع احترامي لانه مش مناسب لحجم موتورها ولا قوتها ابدا.

السبب في تغيير الكربراتير ان الميكانيكي ده قال شوية حاجات بعد ما تعبنا منه :
-زي الكربراتير بتاعها محتاج جلب علي المسامير او حاجة كده ودي مش موجودة واصلا مش هو ماكانش عارف يفكهم.
-وقال انه متصمم علي بنزين 95 فما فوق في اوروبا يعني حتي بنزين 95 عندنا مينفعلوهش.
-واخيرا اقنعنا ان كربراتير ال 128 هيريحنا وهيتظبط كل فين وفين وننساه. وفي الاخر خرطنا قاعدة ليه وضيقنا الفتحة الاصلية وركبناه وهو فعلا مش محتاج ظبط كتير زي الاصلي اللي كان مودينا للكهربائي كل 10 ايام وحرقه مظبوط لكن طبعا حانقها بدرجة بشعة لا سحب ولا سرعات وكاننأ دفنا الموتور بتاع الداتسيا بالحيا.

وانا بفكر جديا اني ارجع الكربراتير الاصلي بعمته ووصلاته وكل حاجة لكن خايف من حاجتين:
- اني مالاقيش حد يعرف يظبطه بردو
- وفي الاخر اندم علي المجهود ده واضطر ارجع تاني لكربراتير ال 128.

ياريت تقولولي ايه رأيكم في الموضوع وهل الافضل ارجع للكربراتير الاصلي ولا اغير بنوع تالت.

وشكرا ليكم

**w-m-a** · 14-10-2012 01:38 AM

السلام عليكم ورحمه الله
انت متأكد انها مو 2000
انا شخصيا مغير الكربراتير 124 اول يوم خرجت من الضمان
واى حد بيظبطه بس يكون شاطر مش فتاى
عموما
ياريت تكلمنى
01001154220

**mohamed6069** · 14-10-2012 02:42 AM

المشاركة الأصلية كتبت بواسطة w-m-a

السلام عليكم ورحمه الله
انت متأكد انها مو 2000
انا شخصيا مغير الكربراتير 124 اول يوم خرجت من الضمان
واى حد بيظبطه بس يكون شاطر مش فتاى
عموما
ياريت تكلمنى
01001154220

هي العربيةجاية علي اساس انها 2000 وفي الرخصة بردو 2000 وفيه ناس بتقول هي اتصنعت في بلدها اساسا 99.
بس ياتري كربراتير ال 124 عامل ايه علي الموتور ده (علي فكرة انا معرفش حجم كربراتير ال 124)

اشكرك علي اهتمامك وان شاء الله نكون علي اتصال

**xscropi_12** · 16-10-2012 12:26 AM

الاخيس جدا لكن عندى شوية سخونة انا منتظر اعمل شنبر للعربية واظبط الردا الفاضل انا مركب مازدا 323 بدون اى تعديل السحب فى البنزين كويس جدا لكن فيه سخونة وانا منتظر اظبط موضوع الشنبر والردياتير وبعدها احكم على موضوع السخونة واذا كنت ناوى تبيع العربية ممكن اخدوها منك اكتب المواصفات والسعر

**mohsen128** · 16-10-2012 09:10 PM

انا مشتري الداتشا بكربيراتير واحد باب وبصراحه العربية مخنوقة جداً والكربيراتير مش مظبوط ، بس الي انا فهمته من النقاش ان اي كربيراتير ممكن يركب عليها بس يكون اتنين باب الكلام ده مظبوط ولا لا ، ويارت لو حد يفيدنا في الاسعار عشان فيه واحد ميكانيكي مكلمني على كربيراتير بتاع لادا سمارة .

**hazemawad** · 17-10-2012 09:58 PM

اللى بيسأل عن ظبط الكاربيراتير .....نحن هنا

**mohamed6069** · 21-10-2012 01:14 AM

المشاركة الأصلية كتبت بواسطة xscropi_12

الاخيس جدا لكن عندى شوية سخونة انا منتظر اعمل شنبر للعربية واظبط الردا الفاضل انا مركب مازدا 323 بدون اى تعديل السحب فى البنزين كويس جدا لكن فيه سخونة وانا منتظر اظبط موضوع الشنبر والردياتير وبعدها احكم على موضوع السخونة واذا كنت ناوى تبيع العربية ممكن اخدوها منك اكتب المواصفات والسعر

انا مش ناوي ابيع

**mohamed6069** · 21-10-2012 01:16 AM

المشاركة الأصلية كتبت بواسطة mohsen128

انا مشتري الداتشا بكربيراتير واحد باب وبصراحه العربية مخنوقة جداً والكربيراتير مش مظبوط ، بس الي انا فهمته من النقاش ان اي كربيراتير ممكن يركب عليها بس يكون اتنين باب الكلام ده مظبوط ولا لا ، ويارت لو حد يفيدنا في الاسعار عشان فيه واحد ميكانيكي مكلمني على كربيراتير بتاع لادا سمارة .

اللي اعرفه انها لو داتشيا زي بتاعتي ومش 98 يبقي الكربراتير ده صغير، ومعنديش فكرة عن كربراتير السمارة

**mohamed6069** · 21-10-2012 01:17 AM

المشاركة الأصلية كتبت بواسطة hazemawad

اللى بيسأل عن ظبط الكاربيراتير .....نحن هنا

اتفضل ياريت لو تقدر تفيدني في الموضوع ده

**mohamed6069** · 21-10-2012 01:25 AM

انا بفكر اخد الكربراتير القديم واروح مركز صيانة الكربراتير اللي في جسر السويس، اسمه مركز الصفا، وناس كتير بيقولوا ان فيه مهندسين متخصصين في الكربراتير والانجكشن في كل العربيات.
ايه رايكم في الكلام ده