أنا خلاص خلاص بجد بقيت نيساناوى بجد

**the_air_devil** · 15-10-2012 09:10 AM

المشاركة الأصلية كتبت بواسطة mollaelolla

كلام جميل و صاحبه اجمل
تحية لعضو من القلائل اللى احببتهم دون ان اعرفهم

أحبك الذي أحببتني فيه , والله بجد الواحد مش عارف يقول إيه للناس اللي هنا, وربنا يديم المودة والمحبة والمعروف وإلى لقاء قريب بإذن الله

**the_air_devil** · 15-10-2012 09:12 AM

المشاركة الأصلية كتبت بواسطة windofchange

air devil هو المفروض ميزودش بنزين خالص وهي بتسخن نفسها اوتوماتيك لأن غلط جدا يزود بنزين وهي بتسخن لان الموتور بيتجلخ كده لان اغلب الزيت بيكون لسه تحت في كارتيرة الزيت هو ممكن بعد دقيقة يتحرك بيكون الزيت وصل للموتور والله اعلم والف مبرووك ")

هو انا فعلاً مش بازود بنزين , يادوب لمسة للدواسة لأن كدة كدة التسخين الأوتوماتيك بيبقى فكرة عمله هو رفع عدد لفات المحرك , وده نفس اللي بيعمله البنزين, لكن الرفع بيكون بنسبة طفيفة (500 لفة زيادة فقط), علشان كدة باقول مايزودش بنزين قوي, لأن الفكرة السائدة في مصر ان أول مالعربية تدور لازم الشارع كله يعرف اني باسخن العربية

**szaalouk** · 15-10-2012 11:40 AM

الف الف مبروك العربيه، ربنا يديك خيرها و يكفيك شرها

**limo81** · 15-10-2012 03:37 PM

ألف ألف مبروك يا باشا..... وربنا يديك خيرها ويكفيك شرها

**_hema** · 15-10-2012 07:16 PM

المشاركة الأصلية كتبت بواسطة the_air_devil

ألف مبروك ربنا يباركلك فيها ويرزقك خيرها ويكفيك شرها

روح تصدق واعمل حاجة لله اللي أكرمك بعربية كويسة تغنيك عن سؤال اللئيم ...دي أول حاجة

تاني حاجة: روح ظبط ضغط الكاوتش (هاتلاقيه جاي على 40) ويستحسن تفضيه من الهوا وتملاه نايتروجين علشان تحافظ على العفشة وعلى ضهرك ... ماتحاولش تجري بيه قوي ولا تفرمل جامد لأنه مش كويس, ولو عندك قدرة مالية غيره ببريدجستون أو كونتيننتال زي ماباقي الأعضاء الكرام وضحوا

تالت حاجة: اهتم بالتموين بنزين 92 وماتسيبهوش يوصل لحد ما التانك يفضى

رابع حاجة: ان كان الفرش فاتح وانت من النوع اللي بيبهدل, روح اعمللها كسوة جلد وكتير من الأعضاء بيرجحوا معرض معين في مدينة نصر جربوه وبيشكروا فيه قوي

خامس حاجة: العربية سحبها في الأول بيكون مش قوي وبعد صيانة الألف بيزيد وبعد الخمستلاف بيتوحش, اصبر عليها وبإذن الله تلاقي نتيجة جميلة

سادس حاجة: تصميمها وأبعادها وموتورها مش معمول للجري والغرز وحركات الاستعراض, دي عربية سيدان للاستعمال المتزن, خد بالك منها تلحقك بعد عشرين سنة وتعمر معاك

اهتم بالصيانات الدورية وراعي تغيير الزيوت في مواعيدها (يرجح زيوت تخليقية 10000 كيلو , ناس بترجح شل هيليكس وناس بتقول كمان ان ليكوي مولي وفالفولاين أفضل بكتير وده الرأي الصائب), وماتخليش البواب يقضيها غسيل بالليفة العجيبة والخيشة والحتة الزفرة لأن دهانها مش من النوع قوي التحمل

سخنها دقيقة قبل ماتطلع بيها (من غير ماتزود بنزين قوي), وامشي بما يرضي الله وراعي ربنا في الطريق يرزقك فيها البركة وراحة البال

وألف مليون مبروك مرة تانية

**_hema** · 15-10-2012 07:18 PM

المشاركة الأصلية كتبت بواسطة columbo

الحمد لله والشكر لله استلمت نيو صنى يوم الخميس اللى فات ورخصت فى مرور بين السريات أمبارح السبت ................... الشكر لك الشكر لأعضاء هذا المنتدى العظيم والقائمين عليه كلاً بأسمه عشان ما أنساش حد للمعلومات المفيده والكثيره والجميله والمتنوعة اللى أستفدت بيها وبناء عليه قررت شراء الصنى ...... وأرجو الإفادة من جميع الأعضاء والمنظمين عن أى نصيحه تنصحونى بيها أنا لسه معملتش أى حاجه فى العربيه يعنى لسه بكر

الف الف مبروووووووك

ربنا يحفظك منها ويحفظهالك
ومبرروك عليك انك اصحبت من الصقوووررر

اما عن النصيجه فقد افاض الزملاء الاجلاء بها وكنت اتمنى ان اضيف شيئاً والحمد لله الاخوه الافاضل مابخلو بشى

تحياتى لهم ولحضرتك

**columbo** · 16-10-2012 02:21 PM

الله يبارك فيك يا باشا وادعيلى بقا ربنا يحفظها من العين لحسن العربيه اتخدشت امبارح وانا داخل الجراج :(

**columbo** · 16-10-2012 02:40 PM

الله يبارك فيكم جميعاً وادعولى بقا ربنا يحفظها من العين لحسن العربيه اتخدشت امبارح وانا داخل الجراج :(
و10000 مليون شكر لكل أعضاء المنتدى الكرام اللى مبخلوش عليا بالرد والنصيحه وكمان اللى مردوش لأن كلهم ناس محترمه وأعزاء بس أكيد فى حاجه شغلتهم والله يبارك فيكم جميعها وبالنسبه للست نصائح الجميله من العضو الأجمل عاوز أقوله والله فعلا جم فى وقتهم 1000000000000 شكر وربنا يعزكم جميعا ويكرم كل اللى لسه ما استلمش ويستلم قريب جدا انا كان المفروض استلم فى أخر شهر 11 بس كل الشكر للأستاذ المحترم / حسن عبد الله من توكيل أوتو أيجبت المهندسين اللى قدر الله ان أحد العملاء يعتذر عن الإستلام وكان طلب نفس المواصفات الخاصة اللى انا كنت طلبها فقام مسلمنى بدل منه لأنى كنت اقرب واحد طلب نفس المواصفات وبرده احب أشكر كل القائمين على شركة أوتو ايجبت والتنظيم والإحترام اللى عندهم اللى مشفتوش فى توكيلات تانيه (بدون ذكر أسامى) وأخير أحب أشكر عربيتى النيسان العزيزة جدا الى قلبى وقلب أسرتى وخاصتاً ابنى مازن اللى بقى تقريبا بياكل ويشرب وينام فيها على تعبها معايا وتحملها ليا .............................................. أمضاء / صقر صغنون بأذن الله

-

الموضوع: أنا خلاص خلاص بجد بقيت نيساناوى بجد

LinkBack

أدوات الموضوع

عرض

-

-

-

-

المواضيع المتشابهه

باركولي يا رجاااااله ..... خلاص بقيت نمر

يا اصحابى يااهلى يا جياارانى انا خلاص بقيت شاركاوووى

البلد خلاص والناس خلاص اتجننت ومحدش بقى لية كبيروكلةماشى بدراعةكارثةحصلت قدامى امبارح

نجحت خلاص يا احلى اعضاء و بقيت مهندس قولولى مبروووووووك

ارجوكم بقا انا بجد خلاص بقيت بكلم نفسى

الكلمات الدلالية لهذا الموضوع

المفضلات

المفضلات

ضوابط المشاركة