ونش المرور

**محمد فريد** · 09-07-2008 12:21 PM

المشاركة الأصلية كتبت بواسطة mohsen

لو سمحتوا
انا كنت راكن عربيتى اللانوس فى مكان غير مخالف ورجعت ملقتهاش
سألت الناس الموجودة قالولى اصل وزير الداخلية كان معدى من هنا
فتلاقى ونش المرور خدها رماها فى اى حتة قريبة من هنا
المهم لفيت شارعين لحد ملقتها الحمد لله ولقيت ان فانوسين الفوج اكسر الزجاج بتاعهم
بس لسى بينوروا والاكسدام الامامى اطبق من اسفل اليمين والشمال
انا عايز افهم هو الونش جرها ازاى يعنى رفعها من الكسدام الامامى وبما ان فرامل اليد مرفوعة فضل يكحت العجلتين الخلفيتين فى الارض المسافة دى كلها؟؟؟؟ ولا انا فاهم غلط ؟؟؟
ويا ترى فوانيس الفوج دى بتتباع كلها على بعضها ولا الزجاج (الوش ) بيتباع لوحده؟
ولكم جزيل الشكر

حسبى الله ونعم الوكيل
قلها يا اخى الكريم على اللى ظلمك - ربنا يرحمنا برحمته
ما هو أصله ابن ....... لو اشتغل عمره كله مش هايعرف يجيب فردة كاوتش فيها
سامحونى أصلى اتنرفزت

**islamkhidr** · 10-07-2008 02:41 AM

لا حول ولا قوة إلا بالله

ربنا يعوض عليك

**badblood** · 11-07-2008 03:42 AM

الفوجات في كاملة وفي وش بس

حسبي الله ونعم الوكيل

**spero** · 11-07-2008 03:51 AM

لاتعليق اللي انتا قولتو فكرني بأغنية تبئا انتا اكيد في مصر حسبي الله ونعم الوكيل ربنا يعوض عليك

**MoToRiZeR** · 11-07-2008 04:26 AM

هوا الواحد مينفعش يرفع قضية عالمرور بسبب حاجة زي دي ؟
بجد بتكلم جد .. حد عنده معلومات عن حاجة زي كدة ؟

**badblood** · 11-07-2008 01:15 PM

المشاركة الأصلية كتبت بواسطة MoToRiZeR

هوا الواحد مينفعش يرفع قضية عالمرور بسبب حاجة زي دي ؟
بجد بتكلم جد .. حد عنده معلومات عن حاجة زي كدة ؟

ترفغ قضية على الحكومة انت مش في امريكا ولا اوروبا

**MoToRiZeR** · 11-07-2008 03:37 PM

المشاركة الأصلية كتبت بواسطة badblood

ترفغ قضية على الحكومة انت مش في امريكا ولا اوروبا

مش لازم اكسبها بس اما الفضايح تظهر إعلاميا في برامج زي تسعين دقيقة و العاشرة مساء هيلموها شوية

**mohsen** · 13-07-2008 08:31 AM

المشاركة الأصلية كتبت بواسطة badblood

الفوجات في كاملة وفي وش بس

حسبي الله ونعم الوكيل

ياريت لو سمحت تقولى اجيب وش بس منين لان الفوجات الى عندى مش المدورة لكن البيضاوية ومفيش الا صينى شكله تعبان اوى الواحد ب 50 جنيه

**amir** · 27-07-2008 02:46 AM

حصلي نفس الموضوع بس في شارع النزهه من 3 سنين, كنت رايح درس هناك قصاد دار الدفاع الجوي الصف التاني المهم كان في عساكر واقفه و قلق كده فسالت العسكري اللي واقف انا راكن صح كده ولا اشوف حته تانيه قاللي لاء كده صح المهم انك واقف ورا الحاجز(وده عباره عن الحاجز المعدني اللي كانو حاطينه عند المدخل بتاع الشارع الجانبي حوالي 4 متر بعيد عن الشارع الرئيسي) المهم خلصت الدرس و جي نازل رايح علي العربيه ملقيتهاش, حسيت بتعب في معدتي و قعدت ادور و خايف تكون اتسرقت, ولاد الحلال اللي في الشارع قالولي دور عليها جوه في الشوارع الجانبيه,فضلت اجري لغايه ما وصلت عند البنك الاهلي اللي هناك لاقيتها واقفه و قدامها و وراها عربيات برضو(واضح ان ولاد ال...... كانو بيرموهم علي بعض) و التلفيات كانت كالتالي:
الفوجات
الاكصدام كان سايب
طبعا الكاوتشات غيرتهم بعدها بفتره
و كان فيه طبعا زياده رهيبه في شعوري بالنتماء للبلد الرائع ده
اللي علشان حيوان ينقلوه من غير ما يشوف بني ادمين ولا عربيات فيحس انه حيوان بجد يقومو يبوظو حاجه الناس منهم لله بجد و الله و ربنا يعجل لهم
( ملحوظه: لو حد منا لا قدر الله كان محتاج لأسعاف لأحد ابويه او اقاربه و علي حظه كان فيه حد بيعدي من اخونا البعده ولا قدر الله توفي بسبب عدم تلقيه الاسعافات الاوليه و الرعايه الطبيه العاجله, ساعتها هيكون شعوره ايه تجاه وطنه؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟)