الخنفساء

**AHMED1718** · 14-10-2012 11:22 PM

صباح الفل يارجالة

كنت محتاج رأيكم بكل حيادية فى موضوع :

دلوقتى زوجتى دمرتلها كزا عربية والحمد لله ببتباع خردة

ففكرت دلوقتى اجيبلها حاجة مش غاليا وف نفس الوقت متقرفنيش علشان انا اللى بنلبس ف الاخر

فكرت ف فولكس بيتلز الخنفساء دى ياريت اللى ليه خبرة ينصحنى باى موديل وليه والفروقات
واخبار مشاكلها المعتادة ايه وصيانتها وقطع الغيار واسعارها كده يعنى،
ابص على ايه تحديدا وانا بشترى واحدة بالموديل ده لانى اسمع ان فيه المانى وبرازيلى تقريبا
وانهو افضل الموديلات والمواتير

ياريت افادة ومتشنركين مقدما

**AHMED1718** · 15-10-2012 01:08 AM

ده شيىء هايل الصراحة

**magic girl** · 15-10-2012 06:30 AM

هو فعلاً حضرتك مفروض تعلمها السواقة صح, خاصة لو جبتيلها البيتلز القديمة, لو ريحت على أي عربية جديدة العبرية الجديدة هاتتعجن و بردو هاتتكلف مصاريف تصليحها, ده غير الأعطال و ان سواقتها صعبة..

على العموم البيتلز 3 موديلات, 1300 و 1302 و 1303, ال 1303 هيا احسنهم و اغلاهم حسب الحالة, و بتبقى أوسع شوية, و الزجاج بتاعها بومبيه كده..
ال 1300 مفيهاش تابلوه, الدركسيون طالع من العربية كده.. زجاج تحسه نازل كده بحده مش بومبيه..

ال 1302 في النص, يعني زجاج عادي بس فيها تابلوه..

بصفة عامة انا فيه عربيات بيتلز بتسبقني و انا سايقة, و فيه عربيات مفروض تتباس و تتحط جمب الحيط..

مجربتش سواقتها بس طبعاً مفيهاش اي راحة..

الألماني افضل, بتتميز كده بالفرق بين زجاج الراكب قدام و ورا..

بصفة عامة, لو هاتجيبها نضيفة ممكن توصل ل 18 الف و ساعات أكتر لو 1303 بفتحة سقف و نضيفة, مانصحش ان ست تسوقها خاصة لو سواقتها مش أد كده, يعني دي تتجاب كده كمزاج لحد غاويها..

دزر على حاجة احدث ليها, و الأهم بجد علمها السواقة, عشان الخطر مش على العربية, سوري يعني في داهية الحديد.. المهم هيا و الناس اللي حواليها.

**AHMED1718** · 15-10-2012 05:33 PM

ياجماعا انتو فهمتو انى عايز اضحي بزوجتى اكيد لأ
وبردو مش توفير فاجيب حاجة رخيصة تتكسر هيا فيها او تكسر بيها الناس

بخصوص انها بتعرف تسوق فهيا محترفة
تكهين العربيا تاللى قبل كده بسبب عدم وعيها بالصيانة نهائى
يعنى بعد معاناة بدأت اعلمها يعنى ايه ميا وزيت

وشكرا للناس اللى ردو بس هوا فعلا مش اى ميكانيكى يشتغل فيها
انا مش عارف ليه متشاؤم من الموضوع ده خصوصا انى الى حد ما كنت ممكن افك نص الماتور واشتغل بنفسى
بس شايف العربية اساسا ملهاش ريداتير والمكان الماتور ضيق بزيادة وكهربتها مش اى حد يشتغل فيها فمتخوف من الاعطال فهل الموضوع يستاهل ولا الجأ ل 128 والفيات اللى انا بكرهم دوول

**AHMED1718** · 15-10-2012 10:47 PM

المشاركة الأصلية كتبت بواسطة smsmxxxxxx

البيتلز مش مناسبة خالص للستات
هي مناسبة اكتر للشباب وبالزات اللى مش متجوز لانها ديقة اوى على عيلة
حادثة البيتلز على السرعات البطيئة لحد 70 بتبقي خسائر البيتلز بسيطة واللى جواها منعدمة او بسيطة
لكن العربية التانية بتبقي خسايرها كبيرة
وبالتالي لو انتا الغلطان هتدفع جامد
والحوادث بعد ال 100 البيتلز بتدمر الركاب اللى جواها دا غير ان تنك البنزين ادام ودا لوحده كارثة

دا غير لو عطلت مش اى حد بيعرف يصلحها لازم ميكانيكي بيتلز وابقي قابلنى لو ساب الشغل اللى فى ايده وجالك فى المكان اللى انتا فيه ولو جه هياخد مبلغ كبير

انتا لو عايز عربية تناسبها واعطالها بسيطة وعملية جدا فى داخل المدينة هات ماروتى او اى حاجة نفس الفئة
لكن دول امانهم محدود لكن داخل المدينة كويسين جدا

لكن لو عايز حاجة امان اكتر هات بولو او جولف

شكرا لردك هوا ده تفكيرى بالفعل