محتاج حل في مشكلة خطيره جدا بتقابلني وانا سائق

انا كل يوم و انا راجع من الجامعه الطريق بالكامل 27 كيلو الشمس بتبقي ساعت الغروب الساعة 4-5 و ضاربه في عيني ببقي معمي تمـــاما و قريت عن النت ان الموضوع ده بيتسبب في حوادث طرق كتير جدا, دلوقتي انا لازم الاقي حل لأن الموضوع فعلا خطير و خطر جدا و لقيت في نظارات شمس بتنزل بعدسات اسمها Polarized و بتبقي عدسات غالية جدا بس مش هي دي المشكله, المشكله اني بلبس نظاره نظر و لو هجيب اي نظاره شمس لازم اشيل العدسات اللي فيها و مش هتبقي Polarized, انا بجد مش عارف اعمل ايه في الموضوع ده لأن الطريق بالكامل وانا رايح مفيش شارع واحد بس الشمس مبتبقاش في وشي, والله انا انهاردا اتأخرت بس نص ساعة و الشمس كانت نزلت تحت بكتير و عينيا لما روحت لقيت فيها بقع بني من كتر المعاناه الي كنت فيها و كنت خايف جدا و انا سايق.

طيب ولو ركبت عدستين بولارويود فوق النضارة النظر وتخلعهم فى اى وقت مش محتاجهم.هل ينفع ولا صعب برضه.؟

حاجة زى كدة مثلا :

http://img29.imageshack.us/img29/92/74724191.jpg

نزل الشماسة و أعمل نظارة شمس بعدسات طبية..
محستش قبل كده باللي بتقول عليه ده حتى لما الشمس بتبقى في وشي بنزل الشماسة قدامي و كده كده بلبس نظارة الشمس الصبح لما بسوق.. بس هي نظارة شمس و نظر مع بعض..

حضرتك محتاج كليبس بيتركب على نظاره النظر و فيه العدسات و ممكن تختار شكل العدسات اللى يناسب شكل عدسات نظارتك الطبيه و بكده تقدر تحل المشكله لما تبقى سايق و بعد كده يا أما تخلعه او حتى ترفع العدسات لفوق ٩٠ درجه . انا مش عارف هو موجود فى مصر و لا لأ بس ممكن تسأل عليه فى محلات النظارات الكبيره او تشتريه من على الانترنت و ده مثال له و سعره ٢٥ دولار . POLARIZED OLIVERI Clip On Glasses On Sunglass 100% UV | eBay

طيب انت دلوقت بتحاول تحل الفرعى ما الاحسن نحل الاساس الا و هو شريط فامية عاكس بيتباع عن اى مل اكسسورات بخمسة جنية بيتلزق عالازاز و ترولواحد بتاع ازاز يتلزق و حل بسيط جدااا لسة عاملة و خلص الموضوع يا جدعان

شماسة كبيرة شوية على الازاز من فوق و الموضوع خلص و نزل شماسة العربية و حاول تخلى قعدتك عمودية على الكرسى و لو بيترفع لفوق يبقى تمام

المشكله في الشماسه ان انا معلي الكرسي علي الأخر و لما بنزل الشماسة الرؤية بتتحجب قدامي و كمان بتغطي المراية الخلفيه.

موضوع الأستيكر ده فكره كويسة ممكن صوره ليه و الاقيه في دمشق؟ و ممكن حد من المرور يكلمني عليه؟

أعمل نضارة نظر وشمس في نفس الوقت سهله جدا ..
بتختار النضارة اللي انت عايزها وبيعملولها عدسات طبيه عادي وبعد كدا بتترش من برا بتبقي نضارة شمس
وخليها في العربيه لما تحتاجها استخدمها

نضاره شمس نظر وانا عامل واحده والحمد لله ماشيه تمام معايا

لقيت حاجات تانية بس معتقدش حلاقي منهم في مصر

http://1.1.1.2/bmi/i00.i.aliimg.com/...945570_676.jpg

Aliexpress.com : Buy New Anti glare Car sun shade Visor Mirror Can Be Adjusted Height 4187 from Reliable Car Visor suppliers on Car Accessories Store

Free Shipping Auto Retractable Car Curtain Side Window Sun Shade Windshield Sunshade Shield Visor Block-in Side Window from Automobiles & Motorcycles on Aliexpress.com

Sun Visor Extension - YouTube

بص ياباشا في حاجه اسمها عدسات( فتوبراون ) او (فتوجراي ) يعني علي حسب اللون اللي حضرتك عاوزه وسعرها اقرب للعدسات العاديه ودي في الشمس او النهار بتقلب لون بني او رمادي وبالليل بتبقي شفافه عادي دي افضل حل وانا اخويا عاملها ومريحاه جدا وربنا معاك ياباشا

و الله انا شخصياً لما بنزل الصبح بالبس اللينسز الشفافة المتينة و عليها نضارة الشمس "بس لازم تتأكد من جودة العدسة" و كله بيبقى تمام..

ليه متفكرتش في العدسات اللاصقة
و بكده تستفيد من العدسات الاصلية للنظارة الشمسية

اقتباس:

---

المشاركة الأصلية كتبت بواسطة spidermohmd1

انا كل يوم و انا راجع من الجامعه الطريق بالكامل 27 كيلو الشمس بتبقي ساعت الغروب الساعة 4-5 و ضاربه في عيني ببقي معمي تمـــاما و قريت عن النت ان الموضوع ده بيتسبب في حوادث طرق كتير جدا, دلوقتي انا لازم الاقي حل لأن الموضوع فعلا خطير و خطر جدا و لقيت في نظارات شمس بتنزل بعدسات اسمها Polarized و بتبقي عدسات غالية جدا بس مش هي دي المشكله, المشكله اني بلبس نظاره نظر و لو هجيب اي نظاره شمس لازم اشيل العدسات اللي فيها و مش هتبقي Polarized,

---

الحل يا عزيزى انك تعمل نظارة نظر و يتم عمل ال Polarize ليها ....يعنى حتكون نظارة نظرة عادية لكن تمنع ضى اشاعة الشمس و حتشوفها كانها قرص ابيض و ممكن تعمل تعتيم بسيط للعدسة يققل درجة قرص الشمس دة ...

لو متعرفش نظاراتى شاطر يعملهالك ...بلغنى و انا اسئلك عن التكلفة ممكن تكون كام تقريبا ...

موضوع العدسات اللاصقه ده مكونتش حطه في الحسبان خالص. هدرس الموضوع و اشوف. شكر علي كل الردود و الأقتراحات.

ممكن حضرتك تلبس نظارة شمس من نوع نظيف ... و لو لابس نظاره طبيه غير العدسات (على نفس الكشف) بعدسات بولاريز فرنساوى ... العدسه بتعمل 120 جنيه حسب اخر سعر من فتره ...
انا عامل نظاره طبيه بعدسات مانعه للشمس (بولاريز) جميلة جدا جدا فى الظروف دى ... بس انا اصلاً نظرى ضعيف و بسوق بالنظارة و الرخصه صورتى فيها بالنظارة

ياباشا اعمل ليزك وريح دماغك