صيانة ال10000 و تركيب بار الاتزان صني 2012 الشكل القديم

**bluehussam** · 15-10-2012 01:33 PM

نبدأ الحكاية من اولها......زينا كلنا اتوفر معايا مبلغ و فكرت اجيب سيارة جديدة و دورت علي حاجة تناسبني لحد م اتكلت علي اللة و جبت النيسان وكنت متوقع فيها مشاكل في الاول بسبب التقفيل المصري و قلت احلها بالتدريج و في النهاية ابقي كسبت عربية ياباني بسعر ممتاز و لقيت الاتي:
1_فرامل ال abs لما بتشتغل مع الدوسة القوية الفرامل بتسيب و صوت برجلة غير طبيعي
2_تكييف سئ جدا اخرة هوا بارد
3_زوايا مش مضبوطة( و دي استغربتها جدا في عربية جديدة و كل ما احكي لواحد الاقي نظرات الاستغراببانت علي وشة)
4_الدركسيون غير مضبوط
رحت توكيل السبع المنصورة زي الشاطر و كان الرد ان دة طبيعي في الفرامل(يا راجل) و ان التكييف زي الفل.......المهم انتهزت الفرصة الخصم في السبع ورحت عملت صيانة ال 10000 في فرع المعادي و كانت المفاجئة الفرامل وحشة فعلا و لازم يتعملها رجلاش و اتظبطط و التكييف كان فية عيب في الترموستات و اتظبط(ما الدنيا سهلة اهي امال فية اية) و عمل تربيط العفشة و غيرت بزيت liqui moly toptech و انتهزت فرصة الخصم و ركبت بار الاتزان الامامي في التوكيل (البركة في الاخ sona steel) و اتكلفت حوالي 1300 جنية غير مصاريف الصيانة بس اصلي و جديدة المهم العربية فرقت كتييييير و نصيحة اوعو تعملو صيانة في فروع المحافظات نهائي لو مش عايز تموت بسبب قلة خبرة فني او مهندس مش عارف انة مسئول عن ارواح بشر ممكن ربنا يشاء انة يكون من اسباب نجاتهم او هلاكهم........

**saint2011** · 15-10-2012 01:48 PM

ألف مبروك يا باشا الصيانة وربنا يباركلك فى عربيتك وبعدين كان المفروض حضرتك تعمل شكوى فى مركز السبع بالمنصورة لللأدارة هنا فى القاهرة لتراخيه فى عمل اللازم لعربيتك وبصراحة مركز السبع بالمعادى ناس محترمة جدا وممتازين

**Youssef.Awad** · 15-10-2012 02:25 PM

1000 مبرووووووووووك

**Mohamed.Fawzy** · 15-10-2012 03:18 PM

الف مبروك يا فندم على الصيانه ... و فعلا مركز السبع فى زهراء المعادى محترمين جداا جداا ... انا لسه كنت عندهم اول الشهر

بالمناسبه ... ايه بار الأتزان ده لو سمحت :)