استيبدال السيارات المستعملة بسيارات مستعملة في الخارج

السلام عليكم

يا جماعة هذا ليس خبر ولكنها فكرة نفسي رئيس الوزراء يعملها ويا ريت تقولولنا إيه مميزاتها وعيوبها



ليه الحكومة ما تسمحش باستبدال " فقط استبدال " السيارات العتيقة بأخرى حديثة مستعملة

يعني اللي معاه سيارة موديل التسعينات أو الثمانينات فما تحت يسلمها للحكومة وتديله مبلغ محدد ( مثلا عشرة آلاف جنيه ) وتسمحله إنه يستورد سيارة من بره مستعمله ويدفع فرق الجمرك وبشرط إن يكون موتورها نفس سعة أو أصغر من موتور سيارته القديمة وبحد أقصى 1600 سي سي

ويتم احتساب جمرك سيارته الحالية كأنه هو مشتريها في سنة الوكالة وعاوز يجيبها السنة دي
وبنفس الطريقة يتم احتساب جمرك السيارة التانية
وهو يتكرم ويدفع الفرق واللي أعتقد إنه هيدور في حوالي العشرين ألف جنيه

نتخيل كده لو على خمس سنين تم استبدال خمسة مليون سيارة من السيارات القديمة بأخرى أوروبية وآسيوية زي الكرولا ولا حتى المرسيدس





1- أولا الحكومة هتتخلص من السيارات القديمة ببلاويها وتعطيلها وحوادثها ببنزين تمانين اللي ماشيه عليه

2- هنوفر كمية الحديد - ملايين الأطنان - واللي هتساهم في نهضتنا سواء في المباني أو الصناعة

3- هتوفر استهلاك البنزين المرعب في السيارت القديمة وبكده هنخفف من فاتورة الدعم

4- هترفع من رفاهية الشعب المسكين اللي بيركب عربيات تعتبر تراثية بالنسبة للدول الأخرى

5- هتدخل مليارات من الدولارات لميزانية الحكومة سواء كجمارك أو كرسوم ترخيص

6- هتفتح فرص عمل جديدة في مجالات مختلفة بداية من التخليص الجمركي ونهاية بتخريد السيارات القديمة

7- وأخيرا الحكومة هتوفر جزء كبير من الدولارات اللي بتطلع بره ثمن العربيات الجديدة لأن الفرق بين سعر الجديد والمستعمل في الخارج يصل لثمانين بالمائة وأكثر


تحياتي للجميع

كلام محترم جدا بس تفتكر الحكومة اصلا عندها التفكير دة ولا هى يهما راحة المواطن أصلا

فكرة جميلة ولساني دلدل مليون مرة وزيك نفسي حد يرد علينا رد مقنع

فكرة جميلة بس مين اللى يسمع

كلام منطقي جدا وبالذات السبع نقاط مقنعين جدا بجد ... ياريت بجد حد يتحرك..

تحياتي..

فكرة جميلة

ايوه بس كده لما الحكومة تخصم ثمن جمرك العربية القديمة من الجديدة اللي جايه من الخارج
تمن الخصم ده الحكومة مش هتستفاد منه وكأنها بتعملك ديسكونت بس على الجمرك الجديد
يعني توفر على نفسها وجع الدماغ ده وتوفر تمن الجمرك اللي ممكن تخصمه لك
المشروع ده ممكن يتعمل في حالة واحدة بس لو الحكومة عندها نية لرفع العبئ عن المواطنين
بس هيحتاج ساعتها ميزانية وتكون البلد راقت شوية
ونظرا لانهم عملوا موضوع التاكسيات ده فأعتقد ممكن يعملوا حاجه زي كده
لان العربيات القديمة دي بتعطل كتير وبتعطل المرور وراها غير انها مستهلكة للبنزين بدرجة فظيعة
غير انها بتضر بالبيئة بشكل افظع
امتى حكومتنا تفكر صح بقى وتعمل مشاريع الواحد يحترمها بدل الاقتراض والنيلة السودا دي

فكره ممتازه

هندخل بيها على رئيس الحى هنلاقيه :36_1_50[1]:

هنروح للمحافظ :01964E~163:

هنروح لرئيس الوزراء :shine[1]:

مساء الخير يا افندم :10_9_133: بره يا كلب

هنروح للحاج مرسى حبيبنا هنلاقيه قاعد فى ال :36_1_58[1]: جاكوزى

السلام عليكم يا ريس

و عليكم السلام يا حبيبى اؤمر :whtauwant:

يا ريس احنا جايين علشان كذا كذا كذا كذا كذا

الريس شاطرين يا ولاااااااد

لسه بقول هيييييييييييييييييييه :36_1_34[1]::36_1_34[1]:

لقيته بيقولى العربيات اللى انت عايزين تستوردوها فيات 128 ولا 27 توب

:breakpc2:

:majd(4):

هنخرج انا و انت من الرئاسه بقا هنبقى زى الراجل ده و يمكن هو اعقل شويه

:knight::knight::knight::knight::knight:

باشا انا مش بحبطك

بس طول ما البلد دى فى ايد الاخوان او الفلول عمرنا فى حياتنا ما هنتقدم خطوه واحده لقدام

حضرتك شفت اللى حصل فى التحرير من يومين

ده احنا لسه هنشوف ايام طين هنرجع للمماليك تانى

استرها علينا يارب

^_^

فكرة هايلة والله بس برضوا ياريت الحكومة ترفع الجمارك من على السيارات المستعمله وذلك للتشجيع على استبدال السيارات العتيقة الملوثه للجو ومفرطه فى استخدام البنزين باخرى سيارة صديقه للبيئة....

طيب لو الفكرة حلوة ما حدش يقدر يضيفها للأفكار المطروحة على حزب الحرية والعدالة أو يوصلها لحد من الحكومة يمكن تكون مفيدة

هى فكره تمام بس مين اللى ينفذ

الحكومة

فكرة جامده بس عربيه موديل تسعين ب 10 الاف جنيه يا راجل :)
ثم في بي امات موديل تمنينات معدية ال 70 الف :)

اقتباس:

---

المشاركة الأصلية كتبت بواسطة moh19227

فكرة جامده بس عربيه موديل تسعين ب 10 الاف جنيه يا راجل :)
ثم في بي امات موديل تمنينات معدية ال 70 الف :)

---

كلام ممتاز

لكن حضرتك ما التفتش لنقاط أخرى


1- 10 آلاف دي قيمة العربية كخردة مش أكتر

2- الحكومة هتدي المواطن غير العشرة آلاف - هيتحسبله قيمة جمرك عربيته القديمة طبقا للتعريفة الجمركية المعروفة وبناء على عدد موديل السيارة وسعرها بالدولار عند التصنيع

3- الحكومة هتسمحله يدخل عربية مستعملة من الخارج ودي ميزة مقتصرة فقط على العاملين بالخارج وبشرط إنه يكون مشتريها قبل نهاية سنة الموديل وأول مالك لها
والمواطن هيستفيد بالميزة الكبيرة دي


يعني ممكن واحد يكون عنده بي ام دبليو موديل الثمانينات
1- هياخد 10,000 ج ثمن تخريدها
2- خصم جمركي ممكن يوصل 20,000 أو أكثر حسب قواعد الجمارك
3- يشتري عربية مرسيدس ولتكن ب160 موديل 2006 بسعر 10,000 ج
4- يدفع جمرك كلي 30,000 - ده بالكتير خالص لأنها مستعملة 7 سنوات


أعتقد إنه في النهاية ممكن يطلعله فلوس أو هيدفع مبلغ صغير جدا

+ 10,000 ( تخريد ) + 20,000 ( تخفيض جمركي )
- 10,000 ( ثمن السيارة الواردة ) - 30,000 ( جمرك وارد )

= - 10,000


فما بالنا لو كان معاه خنزيرة أو لادا أو حتى فيات 132 - هتبقى نقلة بالنسبة له ومكسب لجميع الأطراف

وعلى الأقل نحس إننا طلعنا من القرن التسعتاشر اللي متبتين فيه في مصر






.

فكره هايله

والله الفكره جميله جدا و لو ممكن تترفع الجمارك علي السيارات المستعمله و اللي عاوز يشتري جديد هو حر و اللي عاوز مستعمل هو حر. كده تبقي الحياه ظريفه اوي

والله انت راجل 100 100

فكره حلوه ... اكتبها فو شوف الحج مرسى هيصلى الجمعه اللى جايه فين ... و حاول تديهاله

ربنا يهديك علينا يا حج مرسى

الفكرة ممتازة ,بس كل اللي هيحصل ساعتها
سعر القديم ده هيعلى جدا لأن ببساطة أي حد معاه فلوس ممكن يشتري عربية قديمة
و يروح يبدلها و ينزل عربية لقطة أقل من 1600 و برخص التراب

احنا للاسف بنسيء استخدام أي خدمة توفرها الدولة ,زي ماحصل ساعة عربيات المعاقين من كام سنة

فكرة حلوة ... وانا كمصرى اصيل هروح اشترى 60 عربية قديمة واستورد 60 عربية مستعملة مكانهم :)

بس واللة فكرة هايلة.

اقتباس:

---

المشاركة الأصلية كتبت بواسطة ahmed-adel

الفكرة ممتازة ,بس كل اللي هيحصل ساعتها
سعر القديم ده هيعلى جدا لأن ببساطة أي حد معاه فلوس ممكن يشتري عربية قديمة
و يروح يبدلها و ينزل عربية لقطة أقل من 1600 و برخص التراب

---

اقتباس:

---

المشاركة الأصلية كتبت بواسطة mostafa.ismail

فكرة حلوة ... وانا كمصرى اصيل هروح اشترى 60 عربية قديمة واستورد 60 عربية مستعملة مكانهم :)

بس والله فكرة هايلة.

---

العرض والطلب هو اللي هيحدد قيمة الحاجة - وأكيد اللي هيشتري هيكون واثق إنه بيستفيد وكذلك اللي هيبيع

واللي عاوز يدخلها تجارة ما فيش مانع بالعكس ده بيخلق فرص عمل ومنافع متبادلة







على فكرة فيه مميزات تانية للفكرة دي

أولا : -

فيه ناس بتستخدم العربيات المهربة من الجمارك والمسروقة وعربيات التربتكت والعربيات المستعملة اللي جايه انصاص - يجيبوا سيارة عاملة حادثة ومدهوكة ويجمعوا التانية ويبدلوا النمر
وطبعا كل واحد في الحلقة دي بيستفيدله بكام ألف جنيه

في حين إن اللي عامل حادثة بسيارته - ممكن تكون موديل 2010 ومتدمرة - لما الحكومة تديلة فرصة إنه يستبدلها بواحدة تانية مستعملة من الخارج فكده بتمنع كتير من سرقة العربيات لأن اللي هيشتريها منه هيستفاد إيه لما يعرض نفسه لمغامرة خطرة وقدامه بديل قانوني رخيص

وبدل ما واحد يستورد عربية نصين ويجمعهم في مصر وتبقى عربية معيوبة وما فيهاش أمان - أو اللي بيهرب - كل دول هيلاقوا الاستبدال القانوني أسلم وأرخص







طبعا الحكومة ما تقدرش حاليا تفتح استيراد المستعمل للجميع وإلا هنلاقي السيارات زي الموتوسيكلات الصيني كده والشوارع كلها متقفلة

لكن الاستبدال بيضمن عدم زيادة العدد بسبب استيراد المستعمل وهيكون الزيادة جاية من استيراد الجديد





ثانيا : -

غير إن كده الحكومة بتحافظ نوعيا على كمية العملات داخل البلد - بدل ما واحد يشتري عربية مرسيدس ب 200 ألف جنيه ( 33 ألف دولار ) ويدفع للحكومة الجمارك
يشتري واحدة مستعملة من أي مواطن غلبان ويستوردله مرسيدس مستعملة موديل 2006 ولا حاجة وهتكلفة فقط 1000 جنيه بالكتير ويدفع للحكومة جمارك أقل

وفي المقابل الدولارات اللي وفرها ممكن يدورها في حاجة تانية في البلد





في ألمانيا بعد ما السيارة تطلع من ضمان المصنع ( ثلاث سنوات مثلا ) وكمان شركات التأمين بتمتنع عن تأمينها تأمين شامل ( بعد مضي خمس سنوات على الموديل ) - المواطن هناك بيلاقي إن قسط سيارة جديدة وتوفيره في البنزين أوفر من إنه يصلح القديمة ويصرف عليها بنزين أكتر خصوصا وإن الأيد العاملة هناك مرتفعة جدا

وتلاقي الواحد فيهم عارضها للبيع بألف يورور أو ساعات يضع على السيارة صندوق بيرة والعياذ بالله ويكتب عليها اللي ياخد السيارة مجانا ياخد معاها صندوق البيرة مجانا

لأنه اللي هياخدها هيوفر عليه رسوم إلغاء السيارة اللي بتاخدها منه الحكومة نظير تخريد سيارته على اعتبار إنها مخلفات بتكلفهم التخلص منها

إحنا بقى طبعا هنرفض البيرة والعياذ بالله - ونكتفى بقبول السيارة









.

طيب متحاول توصل فكرتك ...

اقتباس:

---

المشاركة الأصلية كتبت بواسطة yousef1978

العرض والطلب هو اللي هيحدد قيمة الحاجة - وأكيد اللي هيشتري هيكون واثق إنه بيستفيد وكذلك اللي هيبيع

واللي عاوز يدخلها تجارة ما فيش مانع بالعكس ده بيخلق فرص عمل ومنافع متبادلة

.

---

دي هتتقلب تبقى تجارة ,زي موضوع المعاقين كده
يعني هيبقا ليها حيتان هتلم العربيات دي و تتاجر فيها

فيه ناس بتستخدم العربيات المهربة من الجمارك والمسروقة وعربيات التربتكت والعربيات المستعملة اللي جايه انصاص - يجيبوا سيارة عاملة حادثة ومدهوكة ويجمعوا التانية ويبدلوا النمر
وطبعا كل واحد في الحلقة دي بيستفيدله بكام ألف جنيه

في حين إن اللي عامل حادثة بسيارته - ممكن تكون موديل 2010 ومتدمرة - لما الحكومة تديلة فرصة إنه يستبدلها بواحدة تانية مستعملة من الخارج فكده بتمنع كتير من سرقة العربيات لأن اللي هيشتريها منه هيستفاد إيه لما يعرض نفسه لمغامرة خطرة وقدامه بديل قانوني رخيص

وبدل ما واحد يستورد عربية نصين ويجمعهم في مصر وتبقى عربية معيوبة وما فيهاش أمان - أو اللي بيهرب - كل دول هيلاقوا الاستبدال القانوني أسلم وأرخص

الموضوع مش بالبساطة دي :)
بظبط كده :) إذا كان ده بيحصل و هي مجرمة
مابال حضرتك بقى لو بقى قانوني


و عموما أنا مش عاوز احبطك ,بس فيه توكيلات كبيرة كتير جدا مش هتسمح بحاجة زي دي
لانها هتنضر جامد جدا

بس المشكلة في تجار العربيات هيشتروا كل القديم وهيعملوا مشاريع بالعربيات القديمة على حساب محدودي الدخل
وممكن تنجح لوحددنا لكل فرد عربية وحدة والتجار يشتغلوا في الجديد بس

على فكرة الموضوع ممكن يتحكم ... يعنى المواطن الواحد يبقى لية عربية واحدة كل 10 سنين مثلا ...
او اقل من 10 سنين لو فى حالة سرقة السيارة او حادث.

اقتباس:

---

المشاركة الأصلية كتبت بواسطة mostafa.ismail

على فكرة الموضوع ممكن يتحكم ... يعنى المواطن الواحد يبقى لية عربية واحدة كل 10 سنين مثلا ...
او اقل من 10 سنين لو فى حالة سرقة السيارة او حادث.

---

هيحصل زي موضوع المعاقين ,هيستفيد منه التجار عشان الحكومة مش هيعرفوا يسيطروا على الموضوع فالاول

و بعد كده اللي زينا مش هيعرف يطلع بحاجة :)

هي فكره ممتازة ,بس للاسف احنا شعب جعان و أي حاجة هتلاقي الناس فكرت في طريقة عشان تسيء استغلالها