الموضوع: عملت شويات حاجات فى العربية واسعارها (للفائدة) ...

ربنا يشفيلك ابنك
وينعم عليك وعليه بالصحه والعافيه

المشاركة الأصلية كتبت بواسطة ramadanshehatt

السلام عليكم

انا يا رجالة عملت شويات حاجات بسيطة فى العربية من يوين وحبيت ابلغ الناس علشان نفيد بعض من حيث اسعار قطع الغيار وخلافة :
2 بلية امامى skf اسبانى ( مع انه مكتوب على العلبة made in korea ) بس ما علينا 240 جنيه

2 كارتيرة امامى 90 جنيه نوع افضل من ابو 55 جنيه
3 قواعد موتور 150 جنيه كورى
2 ك زيت فتيس شيل احمر 40 جنيه
1 اويل سيل الدريكسيون 20 جنيه
1 اويل سيل موبينة 5 جنيه
1 جيوان كارتيرة الفتيس جنيه 25
1 كارتيرة سيور 45
1 خرطوم البخار 10
1 اويل سيل عقربة 10

ولترين جاز وانبوبة سيليكون و 4 ساعات عند الميكانيكى والحمد لله مانجلكوش فى حاجة وحشة هاهاها

ياريت يا شباب لو حد استفاد من المعلومة يفيدنا بتجاربه وايضا الدعاء لابنى بالشفاء

معلش هما دول بيتغيروا لية ؟
1 جيوان كارتيرة الفتيس جنيه ؟ ليت بيتغير
1 كارتيرة سيور -يعني اية ؟ و ليت بيتغير ؟
1 خرطوم البخار - قصدك خرطوم الفايض بتاع الزيت ؟
1 اويل سيل عقربة --يعني اية ؟ و ليت بيتغير ؟

المشاركة الأصلية كتبت بواسطة khaled lanos

أويل سيل العقربة بيتغير عشان دايما بتلاقي رشح زيت كتير على الفتيس والزيت بينقص كتير..وجوان كرتيرة الفتيس بيتغير لو الكرتيرة بترشح زيت من تحت.

و دول تغيرهم سهل ؟
يعني انا كنت هغير مثلا اويل سيل الكرنك الامامي و الخلفي بس الخلفي محتاج حل للاسطوانة و الديسك فطبعا يتغير معاهم بس الامامي اسهل لتخفيف رشح الزيت عندي من الموتور

المشاركة الأصلية كتبت بواسطة شريف

معلش هما دول بيتغيروا لية ؟
1 جيوان كارتيرة الفتيس جنيه ؟ ليت بيتغير
1 كارتيرة سيور -يعني اية ؟ و ليت بيتغير ؟
1 خرطوم البخار - قصدك خرطوم الفايض بتاع الزيت ؟
1 اويل سيل عقربة --يعني اية ؟ و ليت بيتغير ؟

جيوان كارتيرة الفتيس لان انا كان عندى تنقيط زيت بسيط .. وكمان الميكانيكى نصحنى اغير الزيت بالمرة
كارتيرة سيور -... هيى قطعة بلاستيك شكل حرف ال بتكون تحت سير الكاتينة تقريبا .. دى كانت متكسرة عندى اعتقد انها بتحمى شمال سير الكاتينة ( بس دى غير كفر الكاتينة ) لمل تروح لبتاع قطع غيار خليه يوريك واحدة
خرطوم البخار .... هو خرطوم الفايض بتاع الزيت فعلا
اويل سيل عقربة ... بيركب عند مدخل الفتيس من فوق وغريته لانه كان ممكن يكون مهرب زيت


الخلاصة .... انه لما بيكون فى تعريق زيت بيكون صعب انك تحدد المكان فبالتالى بتغير اللى انت شاكك فيه علشان متفكش كذا مرة

...