الموضوع: سؤال بسيط قد كده بخصوص كاوتشات التراب

المشاركة الأصلية كتبت بواسطة ahmed.tv

كاوتشة التراب خارج التوكيل .. اللى مش اصلية .. من 50 جنيه الى 70 الطقم وفيه قطعتين

اما كاوتشة التراب فى التوكيل الاصلية .. الجوز الخلفى بيكون اغلى من اللى قدام وتقريبا الجوز بيدخلوا فى حدود 200 جنيه بالضريبة .. وبردوا ممكن حضرتك تتصل وتتاكد
والجوز الامامى بالضريبة ب140 جنيه على ما اتذكر بالضريبة .. وبردوا حضرتك ممكن تتصل وتتاكد

والاعراض اللى بتحس بيها هو تزيق فى العفشة .. وبتكون مقطوعة
ووظيفة كاوتشة التراب بتحافظ على المساعد من تراكم التراب عليه .. وحمايته من التلف نتيجة للانضغاط الجامد بسبب الطرق الغير ممهدة والمطبات الفجائية القوية

ولو اتقطعت بتلاقى التراب اتجمع على المساعد ومع الاهمال بيؤدى الى تلف المساعد

ومش مرتبطة بوقت تتغير فيه

ويستحسن انك تغيرها فى التوكيل عشان لما يقفلوا يقفلوا كل حاجة بطريقة مظبوطة وبحرافية .. لان فى التوكيلات .. بياخدوا مصنعية زيادة بس بيقفلوا الحاجة مظبوط وبمفتاح عزم بيربط العفشة زى ما بيوضح الكتالوج بالظبط

شكرا على المعلومه كعادتك دائما سباق بالمساعدة