الموضوع: عيوب Nissan Juke

المشاركة الأصلية كتبت بواسطة youssef.awad

كل تساؤلتك الرد عليها نسبى وليس مطلق
يعنى ممكن واحد يشوف حاجة ميزة وانت تشوفها عيب
الافضل تجرب العربية بنفسك قبل الشراء وتاخد بالك من كل ملاحظاتك

انا لما جربت القاشقاى الاتوماتيك لقيتها مختلفة تماما عن كل اللى اتقال فى حقها وفى الفتيس الcvt .. بصراحة العربية دى حكااااااااااااااااااااااا اااية وممتعة جدااااااااا فى سواقتها وكفاية فراملها تتدرس فى عالم صناعة السيارات (فرامل طوارىء وانا على 60 كم/س والعربية وقفت بدون صفارة ولا دربكة الabs ولا اتحركت مللى متر واحد يمين او شمال ولا القطر اللى ماشى على قضبان !!!) ده غير الثبات والنعومة والباور اللى بيتكيف مع طبيعة الطريق لوحده سواء طوالى او ملفات او مناورات .. قمة المتعة ..

شكرا , بس حضرتك تقدر تفيدنى اداء ماتور و فتيس cvt للقشقاى هو هواة للجوك اعتقد ؟
هيا المشكله فعلا ذى ما حضرتك قولت انى نفسى اجربها بنفسى بس فين بقى :d
و انا اكتر شئ يهمنى الثبات و الماتور و العفشة :)
الى هما اهم حاجه :d

المشاركة الأصلية كتبت بواسطة حاتم

سألت واحد جايبها شكر لي فيها جامد وقال إن سواقتها ناعمة وثابتة على الطريق وتكييفها قوي جداً واستهلاك البنزين وهي على الـ normal mode كويس جداً.
وأكبر ميزة فيها ارتفاعها عن الأرض بيدي view جامد ويطمنك في المطبات والطرق السيئة.

هو قال لي إن عيبها الوحيد ضيق الكنبة الخلفية والشنطة، بس هو متجوز ولسة معندوش أولاد فمش فارقة معاه، وحتى لما ربنا يرزقه بأولاد بإذن الله تستحمل معاه سنين لحد ما يكبروا.

وعلى فكرة، العربية عاملة مبيعات هايلة في أوروبا وأمريكا، وأداءها عالي.

روح اتفرج عليها واقعد جواها وشوفها بنفسك، ولو تقدر تعمل test drive يبقى هايل.

ومتنساش الاستخارة.

شكرا , ما هيا المشكله كلها فى حكايه التيست درايف دى فيييين :d