الموضوع: عيوب Nissan Juke

المشاركة الأصلية كتبت بواسطة darkmagician

متوجعش دماغنا عجباك اديني الجوك وهاتها

بعينك هههههههههه

المشاركة الأصلية كتبت بواسطة youssef.awad

[size=5][color=darkred][u]

لأن المشكلة فى استخراج عزم الموتور على rpm منخفض
يعنى فى السبورتاج زى ما قولت قبل كده اغلب الوقت باستثناء التسارع من الصفر والثبات الrpm بيكون بين 1 و 1.5 والفتيس الستيبترونيك بينقل للسادس من اول 70 كم/س !!!
عكس مثلا القاشقاى من اول ما حطيت الd وطلعت بالعربية وعينى على الrpm وهو بين 2-3 فى المتوسط حسب سرعة العربية وطبعا بيعدى ال4 لو باكبس بنزين وباحرق شوية مع الفارق انك مش بتحس بنقلات الفتيس الحرير ..

انما ممكن ارجع السبب على ما اظن الى نوعية الموتور نفسه وتكوينه وتقنيته .. يعنى عربيتى موتورها theta3 قديم نسبيا وهو هو اللى كان بينزل فى التوسون والسبورتاج الجيل الثانى مع اختلاف السعة اللترية من 2و2.7 الى 2 و2.4 لتر عكس اللى بتنزل مصر واوروبا مواتير gdi احدث نسبيا ومن المحتمل ان يكون عزمها مستخرج بصورة اكثر نفعا مع نفس الفتيس .. لكن برضه مواتير نيسان تتدرس فى التاريخ وجبارة وتعيش العمر كله

وعشان كده باقول ان القاشقاى تكسب بمراحل فى الموضوع ده بالذات لأن العبرة عندى مش بالارقام وخلاص (كام حصان وكام عزم وكام سى سى ؟) انما العبرة بالاداء واحساسى بالعربية فى كافة ظروف القيادة واستجابتها كمان ..

وبالتالى اذا وحدنا العوامل وقارنا السبورتاج 1600 بالقاشقاى 1600 والاتنين دفع ثنائى والفرق فى الفتيس بس .. هتلاقى القاشقاى تكسب فى استخراج عزم اكبر للموتور على عدد لفات اقل وده اللى بيدى قوة لأى عربية لكن المشكلة عند البعض ان الفتيس الcvt بيموت احساس السائق بالتسارع عكس نتشة النقلات العادية خاصة لو كان فتيس 6 سرعات وليس 4 هاتحس ان العربية بتقطع اشواط كتيرة ..

ده تفسيرى .. والدليل على كده ان تسارع العربيتين تقريبا واحد والفرق فقط فى اعشار من الثانية !!!



كلامك صحيح فعلا .. وانا ما انكرش ان السبورتاج فعلا اوسع فى الصالون ومريحة خاصة للاحجام الكبيرة وطوال القامة واوبشن طبعا اكتر ناهيك عن الشكل الخارجى الملفت للنظر وده اللى بيجذب الناس ليها اكتر

لكن انا ليا كذا ملاحظة ع الماشى:
- الاوبشن الكتير اللى موجودة فى السبورتاج ومش موجودة فى القاشقاى خاصة الفئة الاولى والمتوسطة مثل الباركنج سنسور والكاميرا الخلفية ومراية التعتيم طبعا لأن الكاميرا بتعرض فيها .. احب اقولك ان السبورتاج بدون السنسور والكاميرا وبابعادها المنتفخة ورؤيتها الخلفية الأسوأ من القاشقاى سواء المرايات الجانبية او الوسطى مع كل ركنة عادية هاتتخبط لما تقول يا بس وده باشوفه هنا فى السعودية فى فئة الستاندارد تحديدا كلها مخبوطة من ورا خاصة مكان الاشارات اللذيذة اللى حاطينها فى الاكصدامات !!!

- موضوع مثبت السرعة اشوفه ميزة برة مصر انما جوة مصر اتحدى اى طريق تقدر تمشى فيه اكتر من نص ساعة وبدون ان تدوس فرامل وبالتالى المثبت هايفصل وترجع تشغله تانى .

- موضوع البلوتوث برضه كماليات لكنه اصبح ضرورة مع كثرة الاتصالات وحتى لا يتشتت انتباه السائق عن الطريق وفعلا مهم عن تجربة فى السبورتاج رغم ان نص اللى باكلمهم وانا ماشى بالعربية بيقولولى الصوت بيقطع مع انى سامعهم !!! وباضطر افصله وابرمجه من تانى كل فترة كده لما الشكوى تزيد ههههههههههه

- الخلاصة ان الحاجات دى كلها مش هاتخلى أى حد يهمه متعة سواقة العربية نفسها يضحى بيها (اقصد القاشقاى) ويجيب سبورتاج عشان شوية كماليات ممكن تركب عادى جدااا وبتكلفة بسيطة .

- واضيف برضه ان الفرق فى فتحة السقف البانوراما اللى بتفتح فى السبورتاج ومش بتتفتح فى القاشقاى مش هايكون هو الفيصل فى شراء واحدة دون الاخرى !!!

- طبعا لو اتكلمنا عن الثبات ومنظومة الفرامل والامان والتوازن وجودة مواد التصنيع وكل اللى انت تعرفه عن اليابانى عامة ونيسان خاصة مش هانخلص ويكفى التاريخ العريق ..

- ما انكرش برضه ان تصميمات نيسان مش بتعجب كتير من الناس وكيا وهيونداى عرفوا ازاى يشدوهم بالتصميمات العصرية والثورية والملفتة .

وأخيرا .. انا من الناس اللى باختار العربية حسب قناعتى وارتياحى واستمتاعى بالسواقة وليس الركوب للفت الانظار او المضى وراء الموضة والاوبشن ، ويكفينى احساسى بالثقة وانا راكب اى عربية نيسان حتى لو كانت قديمة وانا واثق من ان صانعيها اهتموا بكل مسمار فيها .. مش شركة كل همها زيادة المبيعات هى وامها هيونداى بغض النظر عن الملاحظات الكتير اللى مالية عربياتهم !!!

اولا يا جو ومتزعلش مني انا شايف ان كلامك بيدل على انك مؤمن جدا بنيسان ومش عايز تشوف حاجه جنبها لكذا سبب انا ها اوضحهملك في كلامك وبجد ما تزعلش مني

اولا : عزم الموتورين تقريبا واحد وبيخرج على عدد لفات 4200 في العربيتين وده معناه عشان تحس بالتسارع بشكل واضح لازم توصل ل 4200 ولازم تبقى فاهم فتيس عربيتك عشان ما تتخنقش منه يعني عشان اعمل الكلام ده في الاسبورتيج بشكل مثالي لازم احطها على الاستيب واسقط نقلات لحد ما اوصل للار بي ام ده واحرق براحتي لكن في القاشقاي بكبس على الدواسه عشان اوصل للرقم ده

ثانيا : انا شايف ان موضوع ان الاسبورتيج في السواقه العاديه بتقى على ار بي ام قليل دي ميزه مش عيب عشان توفير البنزين على عكس القاشقاي اللي انت بنفسك قولت انها بتبقى على 2 او 3 وده استهلاك اعلى

ثالثا: بالرغم من انت قولت بنفسك ان المواتير ال 1600 في مصر احسن في الاسبوتيج الا انك مصر تقول ان متواتير نيسان بتدرس انا معاك ان مواتير نيسان تحفه بس برضو بتاع الاسبورتيج في مصر احدث من القاشقاي في مصر

رابعا : مش ها اعلق على الثبات والفرامل لاني ما جربتش الاسبورتيج في الحاجات دي ولا ها اتكلم عن التصميم الخاررجي لانه في النهايه راجع لذوق كل شخص

خامسا: موضوع الكماليات اعتقد ان دي وجهه نظر شخيه بحته ليك وهي ان الكماليات مش شئ اساسي لاتخاذ قرار شراء لاني شايف انه على العكس تماما الكماليات وتعددها في عربيه عن التانيه شئ اساسي للاختيار والا ما كانوش نزلوا فئات مختلفه لنفس العربيه وكانت الناس اشترت الفئه الاولى وخلاص ... انا برضو شايف ان النقطه دي بتعتمد على طبيعه الشخص

كلامي ده مش دفاع عن الاسبورتيج ولا هجوم على القاشقاي

انا بس بحب ادي كل حاجه حقها والاسبورتيج فعلا عربيه حلوة مش وحشه