انا عايز بإذن الله اشترى نيسان جوك بس بصراحه خايف منها , خايف اتفاجأ بعيوب فيها
مثلا من حيث الثبات و العفشه و عزل الماتور و الماتور نفسه فى السحب و معدل استهلاك البنزين
لو فيه حد عنده معلومه "أكيدة" يا ريت يفدنى اكون شاكر ليه ,, :)
عرض للطباعة
انا عايز بإذن الله اشترى نيسان جوك بس بصراحه خايف منها , خايف اتفاجأ بعيوب فيها
مثلا من حيث الثبات و العفشه و عزل الماتور و الماتور نفسه فى السحب و معدل استهلاك البنزين
لو فيه حد عنده معلومه "أكيدة" يا ريت يفدنى اكون شاكر ليه ,, :)
متخااافش
العيب الكنبه الخلفيه ضيقه ..... قطع غيار الحوك لسه مش منتشرة
العيوب بالنسبة لي:
1- الشنطة صغيرة جداً
2- الكنبة الخلفية صغيرة و غير مريحة و خصوصاً مع ميل السقف
عدا ذلك...العربية رائعة ...و لازم و انت بتاخد قرار الشراء...ان يكون في بالك ان دي مش عربية عادية من اللي بنجبهم كل شوية...في حاجات كتير حلوة هاتخدها و في نفس الوقت لازم تضحي بحاجات تانية.
المميزات الكماليات اللي فيها علي عربية ب160 الف ممتاااااااازة جدا
وشكلها بحبه جدا جدا
وقعدتها قدام مريحة والكراسي حلوة
بس
من ورا ضيقة جددا ....... مفيهاش شنطة تقريبا
الماتور عايز يكبر شوية مش عارف محستش بالقوة مقارنة بالشكل الهجومي بتاعها
كل تساؤلتك الرد عليها نسبى وليس مطلق
يعنى ممكن واحد يشوف حاجة ميزة وانت تشوفها عيب
الافضل تجرب العربية بنفسك قبل الشراء وتاخد بالك من كل ملاحظاتك
انا لما جربت القاشقاى الاتوماتيك لقيتها مختلفة تماما عن كل اللى اتقال فى حقها وفى الفتيس الcvt .. بصراحة العربية دى حكااااااااااااااااااااااا اااية وممتعة جدااااااااا فى سواقتها وكفاية فراملها تتدرس فى عالم صناعة السيارات (فرامل طوارىء وانا على 60 كم/س والعربية وقفت بدون صفارة ولا دربكة الabs ولا اتحركت مللى متر واحد يمين او شمال ولا القطر اللى ماشى على قضبان !!!) ده غير الثبات والنعومة والباور اللى بيتكيف مع طبيعة الطريق لوحده سواء طوالى او ملفات او مناورات .. قمة المتعة ..
سألت واحد جايبها شكر لي فيها جامد وقال إن سواقتها ناعمة وثابتة على الطريق وتكييفها قوي جداً واستهلاك البنزين وهي على الـ Normal Mode كويس جداً.
وأكبر ميزة فيها ارتفاعها عن الأرض بيدي view جامد ويطمنك في المطبات والطرق السيئة.
هو قال لي إن عيبها الوحيد ضيق الكنبة الخلفية والشنطة، بس هو متجوز ولسة معندوش أولاد فمش فارقة معاه، وحتى لما ربنا يرزقه بأولاد بإذن الله تستحمل معاه سنين لحد ما يكبروا.
وعلى فكرة، العربية عاملة مبيعات هايلة في أوروبا وأمريكا، وأداءها عالي.
روح اتفرج عليها واقعد جواها وشوفها بنفسك، ولو تقدر تعمل Test Drive يبقى هايل.
ومتنساش الاستخارة.