الموضوع: المراتب الجاهزة حد يقولى

المشاركة الأصلية كتبت بواسطة m_adeleid

عندي هابيتات بقالها 8 سنين
والحمد لله كأنها جديده
بجد مرتبه خيال
بس غالبا حتكون غاليه
انتي و امكانياتك

انا سمعت من محلات ان هايبات بقت مش حلوة وفعلا هى غاليه ارتفاع 24 مقاس 150 كان ب2000

المشاركة الأصلية كتبت بواسطة timtim

انجلندر بيشكروا فيها جدا
ولا انصح باليانسن عن تجربة..

يعنى رايك انجلندر احلى

المشاركة الأصلية كتبت بواسطة salahlanser

انجلندر عن تجربه هى افضل الانواع دلوقتى وربنا يتمملك على خير

امين ى رب ويجعلك الخير ى رب

المشاركة الأصلية كتبت بواسطة sas5

السلام عليكم ورحمه الله
كان لدى تاكى لمده اكثر من 22 سنه وكانت جيده مش عارف دلوقتى عاملين ايه
اشتريت من سنتين هابيتات كان على ماتذكر الارتفاع 25 سم و 200 طول فى 150 عرض
قطن وصيفى شتوى كان سعرها 1425 تقريبا

من كلام اصدقائى الذين جربوا اليانسن ان سوستها بتزيق وتصدر صوت مع الوقت

فعلا ناس بتقول ان يانسن بقت بتعمل صوت وتاكى بتاعت زمان الكل بيشكر فيها بس دلوقتى بقت فيها عيوب بتهبط بسرعه

المشاركة الأصلية كتبت بواسطة MohammedAladel

شكرا للأفادة يا جماعة
بس عندنا فى المنيا والصعيد بشكل عام

العريس هو الى بيجيب المراتب وبيجيب كل حاجة ما عدا المطبخ على العروسة
بداية من بنى سويف وبحرى الموضوع مختلف


وألف مبروك يا عروسة مقدما

انا من اسكندريه والعروسه هى ال بتنجد هنا والعريس هو ال عليه المطبخ

المشاركة الأصلية كتبت بواسطة friendship7897

يا بخت العروسة المنياوية
إحنا عندنا هنا حسب الإتفاق على الرفايع دي
والأغلبية على العروسة - العروسة بتجيب كل حاجة
دي هي اللي بتجيب العريس كمان
وألف مبروك يا عروسة
هي العروسة أختفت ليه ؟
واضح أنها نزلت تجيب الستاير والسجاجيد والنجف

لا دة هارد اتحرق عشان كدة اختفيت

المشاركة الأصلية كتبت بواسطة A.Saad

فين العروسة اللى بتجيب كله
ياريت واحدة او اتنين

ههههههههههههههههههههههه يابختهم والله العريس مش بيشيل هم عندنا هنا العروسه بتشيل بس بصراحه العريس بيشيل اكتر وبيتقطم وسطه

المشاركة الأصلية كتبت بواسطة assaf

انا عندي هابيتات وفور بد ف البيت
هابيتات ممتازه اما فور بد ناشفه
انصحك بهابيتات

هايبات انا سمعت ان مصنعها اتحرق وبقت مش حلوة مع انها غاليه فعلا جدااااا طب فوربيد دى ناشفه بسوست ولا من غير سوست