الى خبراء تويوتا عيون 99 ممكن نصيحة

**husseinsalah** · 16-10-2012 10:51 AM

السلام عليكم ورحمه الله
واحد صاحبى قاصدنى فى السؤال عن العربية دى لانة ناوى يشتريها من جارة بس عاوز يعرف سعرها وبالنسبة للحالة هى حالتها ممتازة على حد قولة وعاملة 163كم وتكييف وسنتر 1300سى سى ولسة مغيرلها كاوتشات جديدة وبطارية جديدة مع سير كاتينة.... فبعد اذنكم هو عاوز يعرف الرنج بتاعها كام خصوصا ان صاحبها على المعاش وبيحافظ عليها ياعنى مش متهانة ومش محتاجة حاجة
وبعد اذنكم كمان هو عاوز يعرف مميزات وعيوب الموديل دة ولكم جزيل الشكر...........

**husseinsalah** · 17-10-2012 08:40 AM

خير يا جماعة مافيش حد عندة معلومة طب حد يعرف اسعرها فى اى قسم؟

**mr_sameh** · 17-10-2012 08:31 PM

عربيه ممتازه وفي مواضيع في القسم عنها كتير

**M.FOUAD** · 17-10-2012 09:44 PM

هي من غير باور دية اللي بتنزل استاندرد 4 سرعات بس سوقها ثقيل شوية في البيع و الشراء لو العربية دية دواخلها زيرو متزدش عن 40 الف

**Mohyeldin1974** · 17-10-2012 11:18 PM

الاخ الفاضل
بمنتهى الامانه من افضل العربيات اللى سقتها فى حياتى
حتى بعد ماغيرت سيبتها لاختى عشان مفرطش فيها ولسه بايعاها من سنه بحوالى 45 الف
العربيه المستعمله عامله زى البطيخه فنصيحه اكشف عليها كويس ولكنها كوديل ماشاء الله اقتصاديه جدا و قطع غيارها متوفره وتكييف فريزر وثباتها اعلى من الموديلات اللى بعد كده من الكورولا لانى اوطى على الارض
موضوع 1300 سىى سى ده كان نعمه والواحد محسش بيه الا بعدين يعنى ممكن تعملك على الاقل 300 كم فى الصفيحه
بالنسبه للميكانيكى فى واحد كنت بتعامل معاه اما سوق القنال اسمه عم ابراهيم وراجل فاهم تمام وعنده المانيوال بتاع العربيه
للاسف العربيه دى اتظلمت فى مصر ومخدتش حقها زى الموديلات الل قبليها مع انها واحد بل يمكن اوسع شويه ولو عايز اجيبلك رقم تليفون الميكانيكى انا لسه محتفظ بيه

**Mohamed.Mohsen** · 18-10-2012 10:31 AM

المشاركة الأصلية كتبت بواسطة mohyeldin1974

الاخ الفاضل
بمنتهى الامانه من افضل العربيات اللى سقتها فى حياتى
حتى بعد ماغيرت سيبتها لاختى عشان مفرطش فيها ولسه بايعاها من سنه بحوالى 45 الف
العربيه المستعمله عامله زى البطيخه فنصيحه اكشف عليها كويس ولكنها كوديل ماشاء الله اقتصاديه جدا و قطع غيارها متوفره وتكييف فريزر وثباتها اعلى من الموديلات اللى بعد كده من الكورولا لانى اوطى على الارض
موضوع 1300 سىى سى ده كان نعمه والواحد محسش بيه الا بعدين يعنى ممكن تعملك على الاقل 300 كم فى الصفيحه
بالنسبه للميكانيكى فى واحد كنت بتعامل معاه اما سوق القنال اسمه عم ابراهيم وراجل فاهم تمام وعنده المانيوال بتاع العربيه
للاسف العربيه دى اتظلمت فى مصر ومخدتش حقها زى الموديلات الل قبليها مع انها واحد بل يمكن اوسع شويه ولو عايز اجيبلك رقم تليفون الميكانيكى انا لسه محتفظ بيه

كلام عظيم عن افضل اجيال الكورولا الملكة من 1992-1997 والعيون 1998-1999 والرموش 2000 انا محتفظ بالملكة من الزيرو من 93 وناس كتير اعرفها محتفظة بيها ومعها عربيات تانية وناس اخدوها زيرو ضباط جيش في موضوعات كتير عنها قديمة في القسم لكن للاسف كل الملاك القدام للموديل ده ابتعدوا ولم يكتبوا اي شي من مدة طويلة جدا نفس الميكانيكا والعفشة الاختلاف في الشكل فقط موديلات لاتعوض ولن تتكرر لانها تحتفظ بقيمتها ومعاصرة ولا اعطال تذكر .. وارجو ارسال رقم تليفون عم ابراهيم الميكانيكي
مع الشكر ..

**husseinsalah** · 18-10-2012 01:31 PM

شكرا يا جماعة لكل اللى رد عليا , ياعنى افهم من حضراتكم ان اخرها 45 الف مايذودش على كدة ولا ممكن توصل ل 50 مثلا

**Mohyeldin1974** · 18-10-2012 05:28 PM

لا ممكن طبعا تزيد لاكتر من خمسين حسب الحاله
احنا بعناها بحوالى 45 او 48 تقريبا مش فاكر بس بعد مااختى اتعلمت عليها مع كام حادثه كمان
العربيه دى انا فاكر شاريها ب 62 الف يعنى ساعتها كان مبلغ بس والله تستاهل كل قرش ادفع فيها وكل الناس لامتنى عشان موديل مش ماشى بس للاسف احنا عندنا الناس بتردد كلام وخلاص بدون اى معلومه او تجربه وده اللى ماشى فى سوق العربيات ، العربيه اكشف عليها كويس جدا وخد بالاسباب طبعا وبالتوفيق ان شاء الله