رحت امبارح لاتو ايجيبت ابو رواش عشان كان عندى قاعدة الاكصدام الامامى مكسورة و الكلبسات طارت ناتج خبطة بسيارة نقل "دبابة" و كالعادة مودرن الهايكستب مكنش عندها القطعة ... فرحت لاتو ايجيبت و كلى ثقة انهم هيحلوا مشكلة القطعة ديه و بالفعل لاقيتها موجودة و تخيلوا بكام ؟؟؟ ب ١٣ جنية :b4_095: مهندس الاستقبال قالى ان قطع غيار العربية ديه رخيصة جدا ما شاء الله بالتركيب كله كلفنى ٥٠ جنية يا بلاش :b4_095:
طلبت برضه ان اعمل كشف عام على العربية الراجل ربنا يكرمة رفع العربية و كشف ظاهريا و قالى كله تمام و مكلفنيش تمن الكشف لان انا اصلا مش بشتكى من حاجة العربية ماشاء الله ما فيهاش مشاكل
نيجى بقة لمشكلة المساعدين : كان عندى صوت زنة خفيفة جدا غير مسموعة الا لو ركزت و موطى الكاسيت على الاخر تم حل المشكلة تماما بتركيب كاوتشة المساعدين الاصلية بتاعة الصنى و ليس التيدا ببلاش و انصح اى حد معاه الصنى الجديدة يروح يركبهم حتى لو معندوش المشكلة لتلافيها لاقدر الله .
فى النهاية احب اشكر اعضاء المنتدى اللى ساعدوا الواحد يقرر يشترى الصنى اللى هى صفقة رابحه و توكيل من افضل توكيلات مصر ربنا يجازيكم خير :b4_095::b4_095: