انضميت ليكم باسكورت وعندى شوية استفسارات
السلام عليكم ورحمه اللع وبركاته
الحمد لله اشتريت اسكورت موديل 98
1300 سي سي العربية كموتور واساسيات الحمد لله تمام وكويسة جدا وكصالون برضوا ممتاز
العربية فتحت سقف مفيهاش اى خبطات غير خبطة بسيطة فى وش العربية طبقت الشنب حاجة بسيطة ومردودة وكلوا تمام ومش رشة اى حاجة من جوة طبعا رشة برة ماعدا السقف والعربية ماشية حوالى 94000 كيلو متر
شغال توضيب فى العربية وكنت عايز اسأل على كام حاجة واسعارها واشترى انواع اية وصناعة اية ومنين
كنت عايز اغير الاربع مساعدين والبطاحات والمقصات الامامية وعلبة الدركسيون والبارات "المساعد الامامى يمين هو بس اللى عايز يتغير فانا عايز اغير العفشة كلها نضافة للعربية"
عوامة البنزين احتمال تكون عايزة تتغير
تيل الفرامل الامامى
ساعة التابلوة
سعة حرارة للمؤشر جبت وحدة تركى وطلعت مش تمام وبتدى قراية غلط للمؤشر بتدى انى العربية سخنة والعربية بتكون باردة