أوووووووووووووف

**hassanin_lada** · 16-10-2012 06:34 PM

الواحد اتخنق من ام العربيه دي

معلش ياجماعه استحملوني شويه بس مش بلاقي حد اتكلم معاه غيركو

لسا راجع من بره وانا مروح قولت افك بالعربيه شويه لاني علطول ماشي هادي عشان استهلاك البنزين المهم طلعت علي طريق سريع وفتحت بالعربيه لحد 130 وطبعا قارص فالعربيه المهم بمور عشان مطب لقيت الار بي ام بقي علي الصفر والعربيه بترعش ومش مظبوطه !!

هل ده كده لازم اكشف علي طقم الكهربا تاني واظبطها ولا ايه ؟؟ مش معقول لكل مره اقرص بيها تعمل معايا كده

وحاجه تاني كنت جبت ليدات للصالون عشان طبعا نور الصلون في الضياع المهم ركبتهم بالعافيه عشان الفنوس طبعا صغير واشتغلو تمام بس ببص لقيتها فصلو هل ده من فيوز ولا ايه ؟ ؟

ارجو المساعده ومحدش يبخل عليا ودمتم سالمين

**hassanin_lada** · 16-10-2012 08:06 PM

ايه ياجدعان 39 مشاهده ومافيش ولا رد ؟؟

انا بس عاوز اعرف هل طبيعي اني لما اقرص علي العربيه تتبرجل كده ولازم اروح اظبطها كهربا من الاول ولا كده في مشكله ؟؟

**MEKAWY2000** · 16-10-2012 10:17 PM

بص يابن عمى على شان انا شرقاوى انت اهنت السياره بصراحه 130 كتير على الادا ليه السياره المظبوط100 دى حاجه التانيه معنى انك تدى السياره فوق طاقتها بيحصل الاتى 1 استهلاكك للبنزين بيزيد 2 التكهات بتفتح فوق طبيعتها وده سبب نزول الار بى ام 4 متنساش انك فى السرعه الزياده الابلاتين بيفتح هو كمان وبتزيد سرعته يعمل شربون ويبطل السياره
لو حابب السرعه العاليه يبقى فى المعقول دى لادا 8 صباب وليس 16 وكده السياره بتقلك خف على وركب طقم كهرباء نوعيه عاليه زى البوش الاصلى او الهيونداى او الان جى كى وابلاتين ايطالى او فرنساور ريشه عريضه وكوندنسر فرنساوى واضبط كاربرتير وتكهيات ونجرب بقى بس سيطر على تمام ياباشا مليح الكلام

**ahmed_gamal777** · 17-10-2012 01:29 PM

مليح الكلام يا ابو عمو

**hassanin_lada** · 17-10-2012 05:26 PM

طيب اشمعنا لما كان معايا 128 موديل 79 كنت بجيب 140 /150 عادي ومابتحصلش اي برجله في العربيه ؟؟

يعني كده لازم اغير ابلتين وكوندونسر !!

طيب لو ركبت اسبرايتر الكتروني ايه الكلام ؟؟

وبعدين ماهو في ناس كتير بتقول انها ماشت بالعربيه 150 و 170 والمكانيكي قبل كده بتاعي مشي بيها 170 وعادي !!

اشمعنا انا :@ :@

**besokate** · 18-10-2012 12:52 AM

انا عن نفسي سوقت مرة بيها علي ١٤٠ وحرمت بعد كدة لان من سعتها الكاربراتير باظ ومرجعش تاني زي الاول لكن لغايه ١٢٠ ١٣٠ بتمشي عادي

**ahmed_gamal777** · 18-10-2012 09:38 PM

مفيش مرة فيك يا سوسن وصلت بيكى ال 130 او حتى 110 والا سوسن تبرجل وتفتف والبنزين يعىلى والبوابة التانية تفتح ومترضاش تقفل وبعد السبق - اقف على جنب زى الشاطر واقعد اظبط الكربيراتير
لو انت كنت خد ت بالك وانت فى ال128 كان اى عقاطى (كلم من بلدنا هوا الوحيد الى هيفهمها كويس)
كان بيظبتهلك
ام فى الامورة الادا - لازم الميكانيكى يكون بيحب الادا عشان يظبط الى الكهرباء بناء على ظبط الكربيراتير وفوق دا كلة متاكلش معاك بنزين - او تخنق معاك فى السلانسية
بص الادا عملة زى مخلة الجيش - شكل وقماش تحس انة فستك ولكن قوة تحمل جيدة
هى عربية شقى اكتر منها عربية جرى باحتراف ( قطر بيجرى بص دكر فرملة )
عموما راجع كلام واد عمنا الشرقاوى - واجرى براحتك ( والله يرحمك و يرحمنا ) هههههههههه

**hassanin_lada** · 19-10-2012 01:39 PM

انا فعلا رحت لبتاع الكاربرتير قالي البوابه التانيه علقت وانا رجعتهالك والابلتين فتح عاوز يتقفل عليه وطبعا بعيا عن العقاطي المكانيكي اللي شغال معاه واللي بوظه في العربيه بس الحمدلله العربيه لسا ماتظبتتش واديني مسافر بيها دلوقت وربنا يسترها