انطباعاتي الأولية عن لوجان 2010 فول أوبشنز

**أبو آسر** · 17-10-2012 03:00 PM

المشاركة الأصلية كتبت بواسطة mansour_wael

مشكلة الوضعية والرؤية والدريكسوون وانك تخس انك راكب مايكروباص مشاكل موجودة فعلا فى اللوجان اول ماتركبها انا كنت متضايق اول ماشتريتها بس فى خلال اسبوعين حسيت ان كل الحاجات دى اختفت وبقيت مرتاح جدا فى سواقتها
اعتقد ان تصميم السيارة وتصغير حجم الكبوت علشان يوسع الصالون مع ارتفاع السيارة مع صغر حجمها هو السبب فى الاحساس ده بس صدقنى كلها اسبوع اسبوعين بالكتير هتلاقيها اريح عربية عن تجربة
وربنا يباركلك فيها زيرزقك خيرها ويصرف عنك شرها

اللهم آمين ولك بمثله
فعلا الحاجات دي غالبا بتكون مسألة تعود مش أكتر الواحد تلقائيا بيتأقلم عليها مع مرور الوقت

**أبو آسر** · 17-10-2012 07:42 PM

نسيت أقول إن من ضمن السلبيات طبعا مكان زرار المرايات الكهربا اللي تحت الهاندبريك !!!
مش عارف مين الغبي اللي اقترح عليهم الأماكن الغريبة دي بصراحة مع إن الدنيا كلها بتركب زراير المرايات الكهربا جنب المرايات الكهربا ! وزراير الإزاز الكهربا برده جنب الإزاز الكهربا !!!

**أبو آسر** · 19-10-2012 02:44 PM

ومن الإيجابيات اللي نسيت أقولها حجم المرايات اليمين والشمال كبيرة وكويسة جدا بتكشف الطريق كويس وفي نفس الوقت بشوف الطريق من تحت لو حبيت أركن وجنبي رصيف ولا حاجة

**أبو آسر** · 26-10-2012 01:53 AM

على فكرة أنا رفعت الكرسي شوية وبدأت أحس براحة عن الأول في وضعية الدريكسيون
وكمان موضوع زنة ورعشة دواسة البنزين بدأت أتأقلم عليها وأصبحت أمر عادي بالنسبة ليا
تقييمي العام للسيارة إنها ما شاء الله كويسة جدا في حدود سعرها وربنا يعطينا خيرها ويكفينا شرها