انطباعاتي الأولية عن لوجان 2010 فول أوبشنز

السلام عليكم
أنا اشتريت لوجان مستعملة موديل 2010 من كام يوم وحبيت أعرض عليكم انطباعاتي عنها نتناقش فيها بس هعرض السلبيات أولا وبعدين الإيجابيات عشان أنا راضي عنها بالرغم من سلبياتها (بس هي ترضى عني بس :crying2: )

السلبيات:

1. دواسة البنزين تقيلة وبتزن
2. الموتور صوته عالي ومزعج فعلا
3. الكاسيت Audio مش mp3 بس ماركته نضيفة (blaupunkt)
4. الكونسول تصميمه سيء جدا ومفيهوش مكان مناسب للموبايل أو ريموت كاسيت مثلا مفيش غير مكانين الكوبايات والكانز والفلوس الفكة !
5. الدريكسيون مسكته صعبة ومش مريحة لدرجة إني بفكر أغيره !
6. طبعا معروف موضوع أماكن أزرار الزجاج الكهربا ومكان الكلاكس !
7. فتح تنك البنزين بالمفتاح وعدم فتحه من الداخل مزعج فعلا

الإيجابيات:

1. العربية عالية عن الأرض فعلا ومثالية لشوارع مصر الغالية :whtauwant:
2. الشنطة واسعة جدا
3. الفرامل ممتازة
4. التكييف معقول جدا
5. الفرش مريح وخامته نضيفة
6. النور بتاعها ممتاز سواء الشبورة أو الواطي أو العالي
7. مكان التخزين اللي في التابلوه جميل وبيعوض سوء الكونسول اللي بين الكرسيين الأماميين
8. درج التخزين كبير
9. عزل الصوت الخارجي كويس

ده اللي في بالي دلوقتي ولو افتكرت حاجة تانية هقولها

اقتباس:

---

المشاركة الأصلية كتبت بواسطة أبو بودي وعمر

السلبيات:

1. دواسة البنزين تقيلة وبتزن
2. الموتور صوته عالي ومزعج فعلا (طالما صاحبها كان مطلعها من الضمان و شكله كان مهمل في صيانتها غير الزيت بزيت نظيف تخليقي )
3. الكاسيت Audio مش mp3 بس ماركته نضيفة (blaupunkt) (طالما الفابريقة سيبه خسارة و هات الجهاز اللي بيركب مكان الولاعة)
4. الكونسول تصميمه سيء جدا ومفيهوش مكان مناسب للموبايل أو ريموت كاسيت مثلا مفيش غير مكانين الكوبايات والكانز والفلوس الفكة ! (معاك حق)
5. الدريكسيون مسكته صعبة ومش مريحة لدرجة إني بفكر أغيره ! (بالعكس انا شايف انه كويس و طالما الفابريقة سيبه خسارة)
6. طبعا معروف موضوع أماكن أزرار الزجاج الكهربا ومكان الكلاكس ! (معاك حق بس
   حاتتعود
   )
7. فتح تنك البنزين بالمفتاح وعدم فتحه من الداخل مزعج فعلا (معاك حق)

---

اقتباس:

---

المشاركة الأصلية كتبت بواسطة ayman_kamal

(طالما صاحبها كان مطلعها من الضمان و شكله كان مهمل في صيانتها غير الزيت بزيت نظيف تخليقي )

---

انا فعلا غيرت زيت وحطيت شل 5000 كيلو مش عارف ده كويس ولا إيه

اقتباس:

---

المشاركة الأصلية كتبت بواسطة ayman_kamal

الكاسيت audio مش mp3 بس ماركته نضيفة (blaupunkt) (طالما الفابريقة سيبه خسارة و هات الجهاز اللي بيركب مكان الولاعة)

---

جهاز فاشل لأنه بيعتمد على موجات الراديو فتلاقي أحيانا الصوت بيقطع وبيروح وكده
السي دي أحسن بكتير بصراحة والأحسن والأحسن الكاسيت اللي بيشغل كروت ميموري أو فلاشات

اقتباس:

---

المشاركة الأصلية كتبت بواسطة ayman_kamal

الدريكسيون مسكته صعبة ومش مريحة لدرجة إني بفكر أغيره ! (بالعكس انا شايف انه كويس و طالما الفابريقة سيبه خسارة)

---

أنا مستخسر بصراحة أشيله طبعا عشان هو بتاعها بس مش قادر أتأقلم على مسكته مش عارف ليه بصراحة بتاع اللانسر الكريستالة والدايو أريح منه بكتير

هو الدركسيون ممكن يطلع وينزل ولا حضرتك قصدك ان الدركسيون تقيل ؟؟؟
واشترى موديليتور من عند راديو شاك صوته حلو ومش بيقطع
والف مبروك

اقتباس:

---

المشاركة الأصلية كتبت بواسطة amr.elsayed

هو الدركسيون ممكن يطلع وينزل ولا حضرتك قصدك ان الدركسيون تقيل ؟؟؟
واشترى موديليتور من عند راديو شاك صوته حلو ومش بيقطع
والف مبروك

---

مشكلة الدريسكيون عندي في أماكن مسكته مش عارف أملكه كويس زي دريسكيون اللانسر مثلا بيخليني أضطر أشعبط إيدي فوق وأمسكه بإيدي الاتنين مش بعرف أمسكه بإيد واحدة مع إني مخليه في أوطى وضع لتحت بس برده بيشعلق ايدي وبيتعبني مع الوقت ببقى ماسكه ماسكة اللي لسة بيتعلم السواقة أو مسكة الستات :grin02:

وموضوع الموديليتور بتاع راديو شاك ده فعلا ممكن يكون كويس لاني كنت بستعمل واحد جيجاماكس وكان مش كويس أوي فهجرب بتاع راديو شاك فعلا إن شاء الله مع إني لسة امبارح كنت عنده بس مخطرش على بالي خالص

وربنا يبارك فيك ويكرمك

اقتباس:

---

المشاركة الأصلية كتبت بواسطة أبو بودي وعمر

انا فعلا غيرت زيت وحطيت شل 5000 كيلو مش عارف ده كويس ولا إيه

---

ده زيت معدني مش تخيلقي ويمشي مع المواتير القديمة وخسارة انه يتحط في عربية لسة جديدة نصحتي ليك في قرب فرصة غير نوع الزيوت اي واحد بالترتيب
·زيت (Valvoline SynPower)
· زيت (Castrol Edge)
· زيت (Liqui Moly Super Leichtlauf )
·زيت ( شل ال 10000 كم بس مش فاكر اسمه ايه)
·زيت (Mobile 1)

اقتباس:

---

المشاركة الأصلية كتبت بواسطة ayman_kamal

ده زيت معدني مش تخيلقي ويمشي مع المواتير القديمة وخسارة انه يتحط في عربية لسة جديدة نصحتي ليك في قرب فرصة غير نوع الزيوت اي واحد بالترتيب
·زيت (Valvoline SynPower)
· زيت (Castrol Edge)
· زيت (Liqui Moly Super Leichtlauf )
·زيت ( شل ال 10000 كم بس مش فاكر اسمه ايه)
·زيت (Mobile 1)

---

أشكرك على المعلومة المفيدة دي
بس المشكلة إن أول نوعين دول مش موجودين عند أي حد فهيبقى الموضوع صعب شوية إلا مع شوية تعب مني لكن مش مهم طالما أنواع كويسة وموثوقة وكله فدى الغالية :E_braces[1]:

اقتباس:

---

المشاركة الأصلية كتبت بواسطة أبو بودي وعمر

مشكلة الدريسكيون عندي في أماكن مسكته مش عارف أملكه كويس زي دريسكيون اللانسر مثلا بيخليني أضطر أشعبط إيدي فوق وأمسكه بإيدي الاتنين مش بعرف أمسكه بإيد واحدة مع إني مخليه في أوطى وضع لتحت بس برده بيشعلق ايدي وبيتعبني مع الوقت ببقى ماسكه ماسكة اللي لسة بيتعلم السواقة أو مسكة الستات :grin02:

وربنا يبارك فيك ويكرمك

---

لا يا ابو بودى حاول تظبط الكرسى مع وضعيه ايدك لانه هو كمان بيطلع وينزل جرب ترفعه شوية
والموديليتر بتاع راديو شاك على ضمانتى .. انا جايبه من اكتر من سنة وحلو جدا
هو بيجى معاه ريموت و مالتى فانكشن بتتربط فى الدركسيون بس دى مش حلوة لكن الموديليتور ذات نفسه حلو
وربنا يخلى بودى وعمر واختهم لوجى ويباركلك فيهم :E_braces[1]:

اقتباس:

---

المشاركة الأصلية كتبت بواسطة amr.elsayed

لا يا ابو بودى حاول تظبط الكرسى مع وضعيه ايدك لانه هو كمان بيطلع وينزل جرب ترفعه شوية
والموديليتر بتاع راديو شاك على ضمانتى .. انا جايبه من اكتر من سنة وحلو جدا
هو بيجى معاه ريموت و مالتى فانكشن بتتربط فى الدركسيون بس دى مش حلوة لكن الموديليتور ذات نفسه حلو
وربنا يخلى بودى وعمر واختهم لوجى ويباركلك فيهم :e_braces[1]:

---

هههههههههه ربنا يكرمك يا عمرو باشا ومنتحرمش من نصايحك
إن شاء الله هحاول أرفع الكرسي شوية وأجرب لأني كنت مغطسه تحت خالص اكمني طويل شوية وأول ما ركبتها كان على الوضع العالي وحسيت إني راكب ميكروباص !!

مشكلة الوضعية والرؤية والدريكسوون وانك تخس انك راكب مايكروباص مشاكل موجودة فعلا فى اللوجان اول ماتركبها انا كنت متضايق اول ماشتريتها بس فى خلال اسبوعين حسيت ان كل الحاجات دى اختفت وبقيت مرتاح جدا فى سواقتها
اعتقد ان تصميم السيارة وتصغير حجم الكبوت علشان يوسع الصالون مع ارتفاع السيارة مع صغر حجمها هو السبب فى الاحساس ده بس صدقنى كلها اسبوع اسبوعين بالكتير هتلاقيها اريح عربية عن تجربة
وربنا يباركلك فيها زيرزقك خيرها ويصرف عنك شرها

اقتباس:

---

المشاركة الأصلية كتبت بواسطة mansour_wael

مشكلة الوضعية والرؤية والدريكسوون وانك تخس انك راكب مايكروباص مشاكل موجودة فعلا فى اللوجان اول ماتركبها انا كنت متضايق اول ماشتريتها بس فى خلال اسبوعين حسيت ان كل الحاجات دى اختفت وبقيت مرتاح جدا فى سواقتها
اعتقد ان تصميم السيارة وتصغير حجم الكبوت علشان يوسع الصالون مع ارتفاع السيارة مع صغر حجمها هو السبب فى الاحساس ده بس صدقنى كلها اسبوع اسبوعين بالكتير هتلاقيها اريح عربية عن تجربة
وربنا يباركلك فيها زيرزقك خيرها ويصرف عنك شرها

---

اللهم آمين ولك بمثله
فعلا الحاجات دي غالبا بتكون مسألة تعود مش أكتر الواحد تلقائيا بيتأقلم عليها مع مرور الوقت

نسيت أقول إن من ضمن السلبيات طبعا مكان زرار المرايات الكهربا اللي تحت الهاندبريك !!!
مش عارف مين الغبي اللي اقترح عليهم الأماكن الغريبة دي بصراحة مع إن الدنيا كلها بتركب زراير المرايات الكهربا جنب المرايات الكهربا ! وزراير الإزاز الكهربا برده جنب الإزاز الكهربا !!!

ومن الإيجابيات اللي نسيت أقولها حجم المرايات اليمين والشمال كبيرة وكويسة جدا بتكشف الطريق كويس وفي نفس الوقت بشوف الطريق من تحت لو حبيت أركن وجنبي رصيف ولا حاجة

على فكرة أنا رفعت الكرسي شوية وبدأت أحس براحة عن الأول في وضعية الدريكسيون
وكمان موضوع زنة ورعشة دواسة البنزين بدأت أتأقلم عليها وأصبحت أمر عادي بالنسبة ليا
تقييمي العام للسيارة إنها ما شاء الله كويسة جدا في حدود سعرها وربنا يعطينا خيرها ويكفينا شرها