الموضوع: صوت طقطقة خفيفة مع لف الطارة

هو قالي كلامك فعلا
بس البطاحات جديدة ماكملتش 6 شهور بالكتيير ، فقالي هانكشف ونشوف
لكن هو اكدلي انها من الجراب ، هو صح ياباشا اسمها كدا فعلا ولا اسمها الكوز/ الكباية

المشاركة الأصلية كتبت بواسطة islambana

عندي نفس المشكله بس الطقه بتطلع في المطبات علي خفيف ومش دايما بتطلع
وبصراحه انا مطنش طالما الموضوع مفيهوش خطوره ومش ملحوظ
لانك لو فكيت اول حاجه تعمل حسابك فيها طقم بطاحات وانت بتركب بالمره

موضوع الطقه اللى فى المطبات دى يا اسلام كانت عندى وروحت عند العفشجى واحتارنا ايه مصدرها لغايه اما عرفنا انها من احتكاك السوسته بالمساعد فى نفس المكان اللى عند السهم فى الصوره .... وعملنا الاتى
جبنا متر خرطوم سيلكون نص بوصه ب ٤ جنيه
ولبس الخرطوم فى السوسته
وشحم تحتها
وركب وكله تمام التمام
موضوع سهل ومش مكلف و بتطمن منه المساعد والسوست والبطاحات
تحياتى

كلامك مظبوط يا اسلام باشا بس في حالة الستاتيك ماشين اما الديناميك فلازم تتابعها لأن كل ما تصبر عليها تبوظلك حاجة تانية كانت سليمة
والطقطقة ديه كانت مضايقاني اوي ، كان صوتها رخم جدا
النهاردة روحت الحرفيين اشتريت كوزين من الوطنية وفلتر بنزين بالمرة
ولما ركبتهم ، صوت الطقطقة اللي كان مع لف الطارة راح خالص من غير الفرامل ، ولما بدوس فرامل بسمعها بس ضعيفة جدا عكس الأول
والحمد لله البطاحتين الفيبي اللي كنت شاريهم من فترة قليلة طلعوا كويسين ، لسا ماادمروش !
اشتريتهم جديد عشان محدش كان راضي يبعهم لوحدهم ، لازم ركبة كاملة ، واللي يرضي ، الاقيهم حالتهم تعبانة خالص

اه على فكرة ، الميكانيكي لما شاف فلتر البنزين ، قالي دا نفس فلتر اللانوس
- كوزين بـ 180 جنيه ، 90 جنيه الفردة
- فلتر بنزين فيبي الماني بـ 40 جنيه (ومنظره مش منظر الماني)
- بطاحتين فيبي بـ 150 جنيه ، 75 الفردة (سالت عليه بس ماجبتهمش)