الموضوع: صوت خروشة جى من الفتيس

لسه مغير بلية الدبرياج وياترا بلية الدريك دى بتتغير بسهوله وغاليه ولا ايه نظامها [/quote]
فيها حل فتيس وفتحه من جوه اعملها عند صنايعي شغله نظيف واعمل حسابك في 4 لتر جاز و 4 بنزين للغسيل ويفضل ان مكان الصنايعي يبقى جنبه حد بتاع قطع غيار تروس استيراد وغووايش جديده وبلي نظيف (ماتجبش البليه اللي جنبها فبر هات اللي جنبها صاج ) ماتسترخص وهات اللي معروف انه كويس في السوق سواء غالي او سعره متوسط
وهتحتاج زيت فتيس او لو الزيت جديد نزله في جرك نظيف عشان كل اللي عند الصنايعيه بيبقى فيه رمله ورواسب شحم وجاز وسخام
ولما هو غيرلك بلية الدبرياج (ممكن يكون دا السبب لانه حمل على عمود الدرك) مابصش على الفتيس ليه ولا حط تحتيه كفالتات او حمالات او كوريك هيدرولك
المهم المصنعيه هاتفاصل معاه فيها عشان هو السبب
اما لو العيب قديم وهو ماخدش باله او صهين عشان يدفعك هايعملك خصم عشان كان ممكن يعمله مره واحده

المشاركة الأصلية كتبت بواسطة hugan

بليه الفتيس مختلفه عن بليه الدرك ولا الاثنين واحد

بلية الفتيس دى جزئ من مجموعة الفصل ة التعشيق ... الى هى مجموعة الدبرياج و دى بتكون مع الديسك و الاسطوانة

بلية الدريك هى اول بلية فى الفتيس ... و بتكون رولمان بلى عادية ... حوالين عمود الفتيس من ناحية الديسك و الاسطوانة