العربية ما بتدورش في الصبح بس أعمل أيه
السلام عليكم ورحمة الله وبركاته
عندي عربية بيجو 305 العربية حالت الموتور كويسة ولكن عندي مشكلة ظهرت مؤخراً وهي إن العربية ما بتدورش الصبح (المارش بيشتغل لكنها ما بتلقطش) وبعد ما أحاول لانها تدور وماتدورش أسيبها ولما أرجع أخر النهار وأدورها تدور على طول .
وكانت بعد ساعات لما أدورها أسمع صوت كأن واحد بيكح فكنت أزود بنزين بس أول اسيب البزين تبطل وما تدورش تاني فلما روحت للميكانيكي قال لي غير طرمبة البزين فغيرتها ونظفت الكربراتير وغير فلتر البنزين وتنك البنزين برده نظفته والعربية اشتغلت مدة كويس بس بعد كده رجعت تاني قال لي غير طقم البوجيهات غيرته و حصل نفس الحكاية اشتغلت مدة كويس ورجعت تاني
لو حد ريعرف ايه المشكلة دي يا ريت يقول لي ضروري
جزاكم الله خيراً
انا كان عندي الموضوع ده في 128 و دي تجربتي
بص يا باشا طالما الصبح بس الموضوع ده بيكون نتيجة :
1- الرطوبة و الندي بتاع الصبح و غالبا بيحصل في وش الاسبراتير .
2- و احيانا يكون وش الاسبراتير مشرخ و الاسلاك بتاعته الي موصلة للبوجيهات قديمة فطبعا تهرب كهرباء.
3- الحاجة التالتة ان ممكن يكون وش السلندر مش متربط كويس و بالتالي الصبح العربية مبتكونش مجمعة كويسة و فيه تسريب مايه او زيت خفيف ما بين وش السلندر و البلوك و طبعا ده بيقللك من العزم و بتكون محتاج تكبس جامد للعريبة خالي حد يراجعلك علي مسامير وش السلندر و يتأكد ان كل حاجة مربطة كويس
و الله اعلم