الموضوع: اقوى مركز خدمه عربيات صينى فى مصر

لو حد له تجربه مع هذا المركز يشارك معانا

هو مش توب سيرفيس ده الى جنب مصنع قطونيل فى جسر السويس ويديره م. طارق جمعه؟

ايوه هو ده

أخى الفاضل ... أنا رديت عليك فى مشاركة تانية وحأكرر هنا نفس كلامى

لى أنا ايضاً تجارب كثيرة سيئة معاهم .. اشتريت مرة لسيارتى الجيلى القديمة كبالن بالأكسين من عندهم بسعر 880 جنيه من م. طارق جمعه وأقسم بالله العظيم طقطقت فى فترة تقل عن أسبوعين
رجعت لهم تانى - وطبعاً غلطتى أنى أخذتهم من غير فاتورة، مجرد اذن تسليم عشان كنت مضطر وبسبب غلو سعرهم لم أطلب فاتورة حتى لا يضاف 10 % ضريبة مبيعات - فما كان من م. طارق إلا أن قال إنى أنا اللى غلطان عشان ما ركبتهمش عندهم .. أنا مش بتاع جدال ولا شجار .. استعوضت ربنا وقلت فيهم حسبى الله ونعم الوكيل .. ومرة قبلها حبيت أشترى اسبراتير الكترونى .. السعر كام؟ 300 جنيه .. اتصلت بأبو عوف قال بـ 150 جنيه .. ومرة ثالثة اشتريت كوعة بنزين كاوتش بسعر 135 جنيه من اللى بتركب من فتحة ملو البنزين لغاية التنك .. ولما بامون لغاية الأخر بتنقط من عند الزور.

كفاية كده ولا اقول كمان؟
وكفاية كده عليكم ضحك على الناس ولا ننتظر منكم كمان؟

أنا بس بأقول الكلام ده دلوقت ومش فى وقتها عشان شفت شكوى حد تانى .. ولما تتعدد الشكاوى يبقى بأقول لكم يا من تديرون هذا المركز اتقوا الله وإلا فإن ما تأكلونه فى جيوبكم وبطونكم حرام .. وحسبى الله ونعم الوكيل

شكرا على الرد عايزين نحظر الناس من هذا المركز

وحياتك هم نفسهم أكبر تحذير للناس ... أى واحد حضرتك حيجربهم مرة عمره ما حيرجع لهم تانى ... بمعنى .. وعلى نفسها جنت براقش .. آسف .. توب سيرفيس

عايزين زحر الناس علشان محدش يروح المركز ده

ربنا معاكم ويعوض عليكم ربنا بس عايزين نغير الموضوع وونحذر من المركز ده