الموضوع: شكلهم ها يمشونا ملط -- منك لله يا حكومه

المشكلة الحقيقية فييين
ان لو الحكومة فكرة ترفع الدعم من على المواطن سواء اكان عيش ولا بانزين ولا كهربا اوميه وبعولنا الحجات دي باسعرها العالمية .... هنا انا بسئل نفسي سؤال ! طيب وهو انا باخود مرتب بالاسعار العالمية !!!
يعني ١٠٠٠ دولار في الشهر مثلا ً .... لكن الحقيقة مرتباتنا يا ١٢٠٠ يا ١٥٠٠ ومعاك لغايت ٣٠٠٠ وهنفترض ان المرتب تلاته او تلاته ونص حتى مثلاً طيب الي بياخود مرتب مرتفع زي كده عايش لوحدوا. ولا هو بيتحصل على مرتبوا صافي ولا في ضرايب وعوايد وتامينات. بتدفع وحتى جمارك انتا على مستوى علبة حاجة ساقعه كنز عليها هامش جمروكي

طيب انا عاوز اقول ايه !!!!

عاوز اقول ان لو رفعت الدعم عني وانا من الطبقة المتوسطة علشان توفر رغيف العيش .... للانسان الفقير .
يبقى اعمل حسابي وحيات ابوك في الموازنة العامة السنة الي جاية وضمني لقائمة الفقراء لاني مش هقدر اعيش . يبقى انتا كده سحقت الطبقة المتوسط برجلين الاقتصاديين .... معليش لو تتحملني شوية لان الموضوع خطيرررر .... واخطر مافيه انهيار المجتمع اقتصادياً وانعدام الطبقة المتوسطة فيه الي هما انا وانتا وهو. ... انا كدولة محتاج تالت اطراف علشان يبقى في توازن في المجتمع ( محتاج طبقة غنية محتاج طبقة متوسطة محتاج طبقة فقيرة )

طيب ايه خطورة ان الدولة. تسحق طبقه من دول. انك هتعمل عدم توازن في المجتمع ويختل اقتصادوا. ويبقى فيه يا اغنية قوووي قووووي يافقرة قوي قوي ومحدش هيبقى سعيد ساعتها

المسئلة : عقدة عاملها نظام مبارك مبني على اساس حسنة وانا سيدك
يلم فلوس من الناس ويجوعهم ويرملهم عشرين رغيف معفن بجنية ويقولك دعم .... نفس نظام الحرافيش ..... والتوت والنبوت والايتاوة الي كان بياخودها من الناس .... ومع الاسف معندناش فكر في مصر غير الفكر ده .... انتا من نحيا هالكني وبتجمع مني فلوس علشان تساعدني. ( وتديني دعم ) طيب لو قلنا بلاش تساعدني وبلاش تديني دعم بس كمان في المقابل متخودش مني ايتاوة غير مبلغ رمزي فقط لادارة شئون البلاد. ساعتها هبقى انا بخير وانتا كمان بخير وتقدر تدير شؤون الوطن بكل سلاسة من غير ما تحط عليك التزمات ولا عليا اي التزمات وبيع ليا ياسيدي البانزين والغاز والكهربا باسعارك العالمية .

كمان من ضمن مشاكلنا الخطيررررررة : هو نظمنا الاقتصادي. .... العالم كلو فيه نظامين متعارف عليهم. يا نظام راس مالي يا نظام اشتراكي مشكلت مصر انها عاملة نظام خنفوشاري اسمو راس مالي اشتراكي تكافولي يعني فطيرة بالاستكوزة بالمهلبية بالمكسرات ..... مبني على خود من ده وادي ده وده يدي ده. .... وبكده محدش يبقى سعيد .... ونبقى عايشين في دوامة. او مسلسل اسموا سنوات الضياع .

الحل البسيط والسهل : هو رفع الدعم بالكامل عن كل شيء وزي ما تيجي تيجي لكن علشان الناس ما تقلعش وتمشي ملط في الشوارع تكلم نفسها. الغي لهم الجمارك او خففها .... خفف الضرائب وبدل ما تبقى ١٠ في المية ضريبات مبيعات خليها واحد في المية فقط ضريبة مبيعات لانك اعفيت نفسك من تقديم اي دعم لاي سلعه وبكده انتا هترتاح وانا هرتاح .... وحتى الفقير ابو مرتب ٣٠٠ جنية بعد رفع الضرايب والجمارك هيلاقي ٣٠٠ جنية دي تعيشوا ويقدر يعيش ويتمتع في دنيتوا