بعد ماعملت صيانة 80 الف قالولى فى التوكيل ان الطنابير الخلفية عاوزة تتغير علشان فيها شفة وريجة
فهل ممكن بدل مااغيرها اخرط الطنابير الخلفية ؟؟؟؟
عرض للطباعة
بعد ماعملت صيانة 80 الف قالولى فى التوكيل ان الطنابير الخلفية عاوزة تتغير علشان فيها شفة وريجة
فهل ممكن بدل مااغيرها اخرط الطنابير الخلفية ؟؟؟؟
ممكن تتخرط بس لازم واحد فنان وبيفهم لانها طنابير من جوة (طبلة) وليست من برة زى الديسكات الامامية
وعادة ما بتفضل فيها عالى وواطى حاجة بسيطة مما يؤثر على كفاءة وعمر التيل الخلفى الجديد لما تركبه .
فيه خراط فى فيصل ممتااااااااز فى الطوابق واسمه محسن مشهور اوى وبياخد 40 جنية خراطه خرطنا عنده طنابير لانسر 1600 وطلعت مالهاش حل والاداء ممتاز
طيب إيه الفكرة فى خرط الديسك يعنى بيعملها إزى ؟
خرط الديسكات بيكون اسهل طبعا لأنه بيتحكم فى السمك وبيقيس كل شوية ويظبط كله بمستوى واحد
وكمان فيه جهاز خرط بالليزر بيكون اكثر دقة من الخرط اليدوى موجود فى اوتوايجيبت وثمن التكلفة من 150ج
انما الطنابير الطبلة بتكون داخلية وصعب يخرط كامل الباطن بنفس المستوى وبتتطلب مهارة من العامل نفسه ..
ده الفرق بكل بساطة بين الاتنين ..
كنت عايز اعرف ما مدي عملية خرط الطنابير .. هل ده مش هيرق الطنابير و هل هيكون في خطر حتي و لو بنسبة صغيرة ؟؟؟
عادة يا بيشوى الخرط ما ينفعش غير مرتين فقط فى عمر الديسك او الطنبورة .. كل مرة واحد مللى متر بحد أقصى 2 ملليمتر قبل التغيير بأخرى جديدة
والخطر هايكون لو تم الخرط اكتر من مرة واكتر من السمك المتاح عن المقاس الاستوك .. ممكن عند الفرملة الشديدة تنكسر الطنابير لا قدر الله او عدم مسك التيل بصورة تمكنك من التوقف الآمن ..
سورى ياباشا هو فى المطبعه مش فى الطوابق انا غلطت فى الاسم بس حضرتك هتوصل محطة المطبعة وهتسأل فين محل بانوراما بتاع الادوات الكهربائية هتدخل الشارع اللى فى وشه الناحيه التانية من الشارع هتعد اول يمين لا تانى يمين هو تدخل تالت يمين هتلاقى المحل عالشمال واسمه محسن مشهور اوى هناك وللاسف مش معايا التليفون بتاعه بس هو ممتاز جدا وبيخرط الطنابير من بره ومن جوه وبيخرط السن بتاعها من فوق كمان عكس خراط تانى كنت روحتلو وخرط الطنابير من بره بس ومخرطش الداير اللى بيمسك فيه الصرة بتاعة العجل ومكانتش حلوه هو ميزته انه شغلو حلو و 40 جنية مش حاجه يعنى
ازاى اعرف ان الطنبورة فيها شفة|؟؟؟؟
مشى إيدك على الطنبورة لو لقيته عالى وواطى يبقى عايزة تتخرط ولو بعد الخرط هتبقى أقل من أقل سمك مسموح يبقى غيرها وأمرك لله