الموضوع: ميكروباص سوزوكي كسر عليا ودخل في الاكصدام ، وجبت منه حقي !!

أشكركم جميعاً علي ردودكم

المشاركة الأصلية كتبت بواسطة khaled lanos

والله انت راجل جدع..ايوا كدا علمت عليه برنس بصراحة :018a1d~146:

بس بصراحة هو يستاهل يعني لو كان خبطه بدون قصد ونزل اعتذر مثلا اعتقد ان رد فعل صاحب الموضوع كان اختلف..لكن هو خبطو قاصد وكمان نازل يبجح ويقل في أدبو راجل تيـــــــــت لا مؤاخذة.

بالظبط لو كان اعتذر او قال كلمة حلوة ، مكنتش فكرت اني اخسره زي ماخسرني
دا بيكلمني ومنشكح وسعيد انه خسرني وأذاني في العربية ومشي اكنه معملش حاجة

المشاركة الأصلية كتبت بواسطة elawany13

مش قادر اقولك برافوا عليك ... وبردو متعاطف معاك ومش قادر ألومك واقولك انت غلطان على رد فعلك العنيف
من اللى بنشوفه من ولاد اللذين دول ومن اللى حصل معاك

بس هقولك حمد الله على السلامة وقدر الله وماشاء فعل والحمد لله ان الموضوع لم يتطور الى اكتر من كده
وربنا يسترها معانا ومعاك فى الغابة اللى احنا عايشين فيها ديه

للأسف انتوا الإتنين خسرانين والمستفيدين هما بتوع قطع الغيار والسمكرى

كان نفسى تاخد حقك بالقانون زى المشكلة اللى حصلتلك المرة اللى فاتت فى شارع سعد الدين لما ضرب الكاوتش المطواه .. إن لم تخنى الذاكرة مش انت بردو المحامى صاحب القصة ديه ؟

الله يسلمك وانت عندك حق وانا كنت ناوي علي محضر بس رجعت وقولت مش هطول حاجة منهم ولاد التييت دول وبعدين كل واحد وليه اسلوب للتعامل معاه
يعني يوم المحضر دا كان محل وليه سجل تجاري ويخاف من المحاضر وعلي أبنه
انما سواق ميكروباص زي اللي انا قابلته دا شكلة مسجل خطر يعني القسم عنده والمحاضر دي ولا يفرق معاه.
الحمد لله عدت علي خير وزي مانت قولت احنا الاتنين خسرانين ودا احسن ماامشي انا الخسران وبكرة يكرر اللي عمله مع واحد غيري

المشاركة الأصلية كتبت بواسطة saiedccs

واحدة بواحدة و البادى أظلم
برافوعليك

الله ينور / البادي أظلم

المشاركة الأصلية كتبت بواسطة eng f3lix

انا مقرتش كلامك لسة .. بس انا متأكد انك 100 في المية صح لانهم كلهم اشكال وسخة عايزة الدبح

اشكال مش وسخة وبس وبلطجة وقله ادب كمان

المشاركة الأصلية كتبت بواسطة semi

غلطان طبعا لان مفيش غلط بيتصلح بغلط

عندك حق مش هقدر اقول كلامك مش صح

المشاركة الأصلية كتبت بواسطة ninevision

السواق غلط وانت غلطت غلطة كبيرة لانه لو كان لحقك ووقف بمكيروباصه بالعرض ونزل بشومه وانت بشومه لا قدر الله العواقب مش هتكون سليمة
انا مع انك اول اما نزلت كنت تاخد حقك لكن حوار hit and run مش بحبه ابدا

عندك حق ولو كان الطريق وقف كان ممكن تبقي مشكلة كبيرة فعلا ومواجهة الله اعلم بنهايتها بس وقت المشكلة بيصعب عليك نفسك وعربيتك يحصلها كدا بالقصد ويمشي اللي عمل كدا بالساهل
أشكرك علي المشاركة

المشاركة الأصلية كتبت بواسطة koshary

اهىء اهىء انت كده فل الفل بس لو سواق السوزوكى ده شافك تانى مش هيعتقك خصوصا لو هو ماشى وراك وانت مش واخد بالك منه ممكن يحدف عليك طوبه يكسرلك الازاز الخلفى ويجرى وانت مش هتشوفو خد بالك بقا وانا حذرتك

ربنا يسترها ان شاء الله ، انا مظلمتش حد الحمد لله لاني كنت رد فعل.

اظن الموضوع ده قديم قوي يا جماعه ولا ده موقف جديد مشابه لحد حصله كده ؟