عملت حادثة بالنوبيرا

**mahmoudysf** · 18-10-2012 02:16 AM

الحمد لله على كل شيء
العربية نوبيرا 1
الحادثة
دخلت في 131 من ورا
اكصدام ال 131 عالي وحديد
خدلي الكبوت والفوانيس والسربانتينة والرداتير
والمية كلها نزلت على الارض
وفيه زيت كتير نزل على الارض
الصدر بتاع العربية اتبهدل
والحديدة اللي فيها قفل الكبوت خرجت من مكانها
طبعا قطرت العربية لغاية البيت وغطتها ومبصتش فيها لغاية دلوقت
عايز اعرف ابدا منين
ميكانيكي ولا سمكري
وعايز احدد الخسائر

**midooo_119** · 18-10-2012 02:21 AM

قدر الله وما شاء فعل و الحمد لله انك سليم و مفيش خسائر فالارواح ان شاء الله تروح للسمكرى وهو بيفك كل حاجه ويقولك تعمل ايه بالضبط

**lanos2004** · 18-10-2012 02:37 AM

الزيت دة جه منين-اكيد زيت البور ان شاء الله الماتور سليم ربنا بعوضك خير

**mahmoudysf** · 18-10-2012 02:53 AM

المشاركة الأصلية كتبت بواسطة midooo_119

قدر الله وما شاء فعل و الحمد لله انك سليم و مفيش خسائر فالارواح ان شاء الله تروح للسمكرى وهو بيفك كل حاجه ويقولك تعمل ايه بالضبط

المشاركة الأصلية كتبت بواسطة eng.m mahran

الحمد لله على سلامتك و ربنا يديلك الرزق و العمر و تجيب احسن منها ان شاء الله

هو مبدئيا الميكانيكى هيبدأ يفك الحاجات دى واحدة واحدة و يشوف الاضرار عبارة عن ايه و بعد كده السمكرى هيشتغل

ان شاء الله تكون بسيطة و تعدى على خير

المشاركة الأصلية كتبت بواسطة lanos2004

الزيت دة جه منين-اكيد زيت البور ان شاء الله الماتور سليم ربنا بعوضك خير

ربنا يكرمكم ويبعد عنكم شر الحوادث
وبالنسبة للبداية
هل لو روحت للسمكري الاول وفك الاجزاء تبع الميكانيكا يكون افضل
ولا اروح لميكانيكي الاول عشان يبقى عارف حالة كل جزء اية وايه اللي محتجاه العربية
وبالنسبة للزيت مش عارف ده زيت ايه
وان كان غاليا هيكون زيت بارو

**lanos2004** · 18-10-2012 03:06 AM

السمكرى الاول طبعا

**MMamdouh** · 18-10-2012 03:12 AM

قدر الله و ما شاء فعل و حمد الله على سلامتك

لو العربية اوتو يبى احتمال كبير دة زيت الفتيس اللى فى مبرد الزيت اللى جوة الرادياتير... لو مش اوتو لازم تعرف الزيت دة منين... صعب يكون زيت باور لان كل دايرة الباور بتاعت النوبيرا ناحية الصدر و بعيد عن الشنب... الا اذا كان قصدك ان المكنة اتحركت و خبطت فى صدر العربية و هنا اكيد خازنة الباور او الخراطيم هتكون اتعصرت

اعتقد فى حالتك دى هتحتاج تفك المكنة من الحوض فا هتحتاك ميكانيكى... بس طبعا لازم السمكرى هو اللى يفصل فى الموضوع دة فا ابداء بيه

MMamdouh

**ملك فرنا** · 18-10-2012 04:58 AM

حمدا لله على سلامتك اولا
طبعا السمكرى الاول
وحط اقل واجب 4000 احطياطى حادت
معتقدش لنة اكتر من كدة فة نوبيرا
وحاول كل قطعة غيار تبقى جديدة
ولو ازنقت للاسيراد ممكن تروح لابو هاشم فى شارع العشرين فيصل
والجديد المنير فى اول قيصل ده اسعاره ممتازة

**nicegypt** · 18-10-2012 05:28 AM

لا حول ولا قوة الا بالله
قدر الله وما شاء فعل
والحمد لله على عودتك سالم دي اهم حاجة
البداية طبعا منطقياَ السـمكري
وخلي بالك
الصنايعية ناصحين وعاملين لنفسهم نظام .. السمكري ملوش علاقة بحاجة الميكانيكي
والميكانيكي ملوش علاقة بحاجة السمكري .. وكلهم بيـنفعو بعض وبيـبعتو الزبون لبعض
وظبطنى واظبك دة نظامهم .. يعنى مثلا السمكري مش هيفك موتور ولا يجي جمب حاجة ف صدر العربية
وكذلك الميكانيكي ملوش علاقة بفوانيس واكصدامات صدر وشنب وخلافة
انت هتبدء بالسمكري ثم الميكانيكي .. والاتنين هيشتغلو سوي
يعنى الميكانيكي هيفك المكنة لو احتاج دة وهيفك اجزاء ف العفشة فى حالة لو مقص رحل من مكانة
والسمكري هيبص ع الركب وصدر العربية والقنطرة اللى تحت والشنب وهيشوف ان كان هيستعدل ولا يقطع ويلحم استيراد ... دة النظام اللى هيمشى .. لو ظروفك المادية مش متظبطة انصحك متبدءش خالص دلوقت
ادغوا الله لك بالتوفيق وان شاء الله خير

-

-

الموضوع: عملت حادثة بالنوبيرا

LinkBack

أدوات الموضوع

عرض

عملت حادثة بالنوبيرا - انشر الموضوع فى :

-

-

-

-

المواضيع المتشابهه

عملت حادثة

أنا عملت حادثة!

عملت حادثة :(

حادثة جامدة بالنوبيرا ارجوا المساعدة

حادثة جامدة بالنوبيرا ارجوا المساعدة

الكلمات الدلالية لهذا الموضوع

المفضلات

المفضلات

ضوابط المشاركة