الموضوع: مشكلة في ماتور لوجان اوتو

السلام عليكم ورحمة الله وبركاته

مشكلة في ماتور لوجان اوتو وهو نفس ماتور الميجان 2

المشكلة لما العربية سرعتها بتعدي الـ 100 او بمعني اصح الار بي يعدي 3 واشيل رجلي يحصل صوت زنه جامد وبتكون مسمعه في دواسة البنزين وفي الفتيس

ولما الار بي ينزل تحت رقم 3 الصوت يختفي

او لو الصوت ظهر وتدوس بنزين تاني الصوت يختفي

وجربت وانا ماشي والزنه ظهرت مورت الفتيس

الزنه اللي بتكون مسمعه في الفتيس اختفت بس الصوت لسة موجود

فا المشكلة كدة مش في الفتيس بس ممكن من الخبراء نعرف هي ايه

في مشكلة في الماتور ولا المشكلة في ايه يا جماعة وبرضه من البحث عن الصوت دا في بعض المواضيع علي النت كان كله بيقول انه الكارنك

ملحوظة اخيرة العربية ماشية كويس وبتنقل طبيعي هو يمكن استهلاك البنزين عالي شوية وبيوصل
حاليا ل 12 و 13 لتر لكل 100 كيلو

رغم انها كانت قبل كدة بتستهلك 10 لتر

ومثلا لو انا ماشي علي 140 مثلا وشلت رجلي من علي البنزين الصوت بيظهر ومش بيختفي غير لما سرعة العربية تنزل تحت ال 100 او الار بي ينزل تحت 3

ياريت حد يقولي العمل ايه والمشكلة دي ممكن تكون ايه

ياريت المساعدة يا جماعة العربية عاملة 10 الاف كيلو بس يا تري حصل مشكلة في الماتور ؟