فاميه بالواح الاشعه

**karimabass** · 18-10-2012 05:37 AM

ههههههههههههه معلش انا عارف الاسم غريب انا اولا معايا تويوتا ياريس بابها عريض شويه من جوه ثانيا انا طبيب ف جات ف بالى انى افيم العربيه بالواح الاشعه الطبيه اللى بتتعمل ساعه الكسور وكده بتبقى ماده مرنه شويه وماسكه نفسها فكيت الباب وشفته من جوه لقيت الباب عريض شويه بس طبعا الدراع بتاع المكنه واقف ف نص الباب يخليك لو بتفكر تدخل حاجه جوه الباب تقف ف نصه فكرت انى استغل المساحه انى اخلى لوح الاشعه ينطوى على نفسه جوه الباب على شكل حرف u بحيث انى الزق طرف فيلم الاشعه ف حديده الباب من فوق خالص بحيث انى لو دخلت الفيلم جوه الباب ينتنى على نفسه لجوه فى الباب على شكل حرف u ولو شديته لفوق يتفرد ويطلع معايا ونفذت الطريقه دى وكويسه بس عيوبها اولا ان اللوح بيبقى مطبوع فيه شكل العضم وكده مينفعش اسيبه كده فلزقت عليه لوح فاميه بس طبعا اللوح مش شفاف ومش مبين اللى بره عشان كده عامله ف الابواب ورا بس ثانى عيب ان الفيلم مش كبير بحجم الازاز يعنى مضطر الزق لوحين جنب بعض عشان يغطى المساحه
يارب اكون قدرت اوصل فكرتى طلبى منكوا بقه
عايز الواح تكون شفافه او تكون فيميه وليها نفس خواص الواح الاشعه كده من حيث المرونه وتكون مقاسها كبير بحيث يكون حته واحده
واسف انى طولت عليكوا

**opelawy** · 18-10-2012 08:08 AM

فكرة حلوة بس يا ريت صور عشان نعرف نتخيل معاك يا دكتور

**haysam2000** · 18-10-2012 12:25 PM

هى فكرة غريبه بس جديدة
فعلا محتاجين صور للتركيب علشان نقدر نستوعبها

**momo44** · 21-10-2012 05:58 PM

مش متخيلها خااااااااالص

**Land_Cruiser** · 21-10-2012 06:04 PM

يا فندم اى حاجه تمنع الرؤيه لما يحدث داخل العربيه تبقى زيها زى الفاميه و تعتبر مخالفه. يعنى لو لجنه وقفتك هتديلك مخالفه و ساعتها هتقولهم ايه؟ الاشعه وقعت منى هنا بالصدفه؟ أكيد مش هيقتنعوا و مش هينوبك غير انك هتبوظ مجرى الزجاج و احتمال مكنه الزجاج على المدى الطويل نتيجه الاحتكاك مع الزجاج أثناء القفل و الفتح و معاهم المخالفه المتينه مع امكانيه لشويه تريقه من الضابط و الامناء بتوع اللجنه