الموضوع: مساعدة فى اختيار سكن مناسب

السلام عليكم و رحمة الله و بركاته

الاخوة الاعزاء

انا بصراحى دماغى لفت من كتر الفكر و التفكير و التدوير و التصوير

بالمختصر المفيد

كان نفسى اسكن فى الرحاب و لما رحت مشونى من على الباب

كان من فترة و اسعارهم كانت استعباط بالنسبة لى

يعنى شقتين فى نفس الدور يفرقوا عن بعض 100 الف علشان الفيو مختلف و كمان التسليم بعد 5 سنين

المهم نفضت للرحاب مع انى نفسى فيها الى الان

-----------------------------------------------------------

بادور الان فى التجمع او فى المنطقه بجانب و امام كارفور

ما اريده

1- يفضل كماوند ( يعنى حاجه مقفول على سور بحراسه )
2- طبعا كل ما كان الاستلام بدرى يكون احسن
3- كل ما يكون التشطيب اكتر يكون احسن
3- تكون الكثافه داخله معقوله - مش الاقى 5 عمارات كل واحد 15 دور باربع شقق فى الدور على مساحد صغيره و يقولى ده كمبوند
5 - هانييجى بقى للموضوع المحرج ( الكاشات )
ممكن ادفع 100 او 150 كاش و الباقى على اقساط و يفضل اقساط طويله حتى لو زادت القيمه

ارجو ممن له خبرة بالموضوع ان يساعدنى لانى بجد شوفت حاجات و محتار جدا
؟////////////////////////////////////////////////////////////////////////

ملخص ما رأيته

كمباوندات التجمع اللى شفتها محدوفها حدفه جامده ورا فى الصحرا جنب نادى القاهرة يعنى حتت صعب تتعمر قبل 3 سنين
بالاضافه الى اسعارهم الى وصلت لشقه 160 متر - مليون و 100 الف

منطقه المعادى جنب كارفور حلوه و لقيت فيها بس التسليم بعد 2.5
و كمان الكمباوند اللى سألت فيه اسمه فلورنتا - معقول و كل حاجه كسعر و كشكل
بس التسليم بعد 2.5 سنه و كمان اعلانهم تحس فيه بشئ غريب
انهم هايغطوا كل الاسطح بخلايا شمسيه علشان توليد الطاقه و هايعملوا ريسيكل للماء و بيئه خضراء نظيفه و الشقق تشطيب سوبر لوكس و المداخل رخام
حاجه تخليك مشرئب

بس الكلام الكتير الوهمى ده مخلينى اخاف ادخل معاهم لان بعد سنتين و نصف هاكون دفعت مش اقل من نصف ثمن الشقه و ساعتها لو سلموك عشه بحصيره صعب تقول لأ مش هاتسلم و تعمل قضايا و قصه انا ليس لى فيها

لذا ارجو منكم الرأى و المشوره

جزاكم الله خيرا

المشاركة الأصلية كتبت بواسطة mohamed_selim

فى شركات كتير شغاله فى التجمع بس مش كومبوند
سعر الكومبوند اعلى كتير من الشركات بس الكومبوند بظروفك دى مش هينفع لانه هيحتاج مقدم اكتر و قسط عالى على فتره كبيره
التجمع مع الشركات ممكن تلاقى حاجات بمقدم ١٦٠-٢٠٠ و على سنتين لتلاته فى الشهر ٤-٥ و طبعا حسب المساحه و المكان ... انا بتكلم على المناطق اللى فيها ناس ساكنه ... فى مناطق زى اللوتس مثلا هتلاقى ارخص بس الاستلام لسه شويه و المنطقه قدامها مش اقل من ٤-٥ سنين

الشروق ممتازه لحضرتك والاسعار حنينه اكتر و ممكن تطلع من هناك على طريق السويس وفى وصله من عند الكيلو ٦٠ عند الروبيكى تدخلك على طريق العين السخنه بتاع الجيش

لك جزيل الشكر على ردك

و يا ريت تكمل جميلك و تقولى على اسماء محترمه لتلك الشركات - انا بعيد عن القاهره الان فمش قادر انزل الف و ادور - منتظر تكوين رأى مبدأى قبل النزول

الشروق مستبعده من حساباتى نوعا ما لظروف خاصه كثيره

كما ان طريق الروبيكى ده ساعات بيبقى ما يعلم به الا المولى عز و جل