كنا عايزين نعرف ايه الفرق بين الخليجى اللى بيبعوه الرواس وبيدى ضمان عليه وبين العربيات المصرى اللى بضمان مصريه
كنا عايزين نعرف ايه الفرق بين الخليجى اللى بيبعوه الرواس وبيدى ضمان عليه وبين العربيات المصرى اللى بضمان مصريه
اه وانا عندي كمان سوال لو الواحد نزل بعربية متسوبيشي مصر وعايز يعملها الصيانه عندكم وهي مواصفات خليجي تعملوها ولو في حاجة تتغير على الضمان تغيروها ولا لا
مراكز خدمة الرواس الأربعة مراكز معتمدة من الوكيل (مصرية) والرواس كذلك موزع معتمد للعربية المصري
ده بخلاف انه مستورد للعربية الخليجي (اماراتي) وبالتالي هو عنده اللانسر المصري والخليجي
العربية المصري بيكون ضمانها تبع الوكيل (مصرية) سواء تمت صيانتها في مراكز مصرية أو مراكز الرواس او اي مركز خدمة آخر معتمد
والخليجي بضمان الرواس ضمانها لدى الرواس نفسه انما ضمان حقيقي ولازم الصيانة تتعمل في مركز من مراكزه الأربعة
وشرط الضمان عامة المحافظة على الصيانات الدورية كل 10 آلاف كيلو متر
هي الصيانة حاجه والضمان حاجه تانية
الصيانة يعني الصيانات الدورية (كل 10 آلاف كيلو) او الاصلاحات الطارئة (تغيير مساعد مثلا او تيل او عربية مش بتدور) ودي بتتعمل في التوكيل لأي عربية مصري او خليجي
انما الخليجي بيدفع 20 % زيادة عن قيمة المصنعيات المحددة للعربية المصرية انما اسعار قطع الغيار ثابتة للاتنين ، ودي تعليمات جديدة من فترة قصيرة.
اما الضمان فهو ضمان العربية ضد عيوب الصناعة لمدة 3 سنوات او 100 ألف كيلو متر ولو ظهر عيب بيتم تغيير القطعة المعيوبة مجانا وارسال مطالبة للشركة في اليابان لتحمل قيمة قطع الغيار والمصنعية
العربية المعاد تصديرها وبالتالي العربيات الخليجي (سواء المشتراه زيرو من مصر او اللي صاحبها نازل بيها من الخليجي ) ليس لها ضمان عند الوكيل
شكرررررا يا استاذ طارق على رد حضرتك والافاده بس كان ليا سوال تانى ياترى لسه متحددش موعد لنزول موديلات 2009 موعد محدد يعنى
الطبيعي ان الموديلات الجديدة كل سنة بتيجي خلال شهر سبتمبر